Le 8:3 - Sơ̆p Hlabơar Nơ̆r 'Bok Kei-Dei

³ Tơ đak krong Nil gô 'bĕnh kơ kit, lu kit gô mơmŏ mơ̆t lăm hnam pơtao tơ anih bơ̆jang, anih tep păng tŏk kơpal giơng ih, mơ̆t hloi lăm hnam đĭch đam păng kon pơlei ih, lăm anih gŏ, lăm kơthŭng ih jrâu tơpŭng pơm 'bĕng.

Le 8:3 Referans Kwoze

Horiso 105:30

Đei kit lơlap 'bĕnh-'bang kơ dêh lu sư. Dĭng truh tơ lăm anih pơtao kư̆m đei.

Le 12:34

Na đĭ-đăng kon pơlei Isơrael chĕp ba hloi tơpŭng pơm 'bĕng hlôi jrâu boih mă ưh tam đei păng 'buih pông păng chĕp pơđĭ dôm kơthŭng jrâu tơpŭng tah lăm ao 'mi tôi tơ hơngiĕng kơdih lu sư.

Le 8:2

Tơdah ih ưh kơ achăng lu sư năm lei inh gô ăn tơdrong truh đei kit tơ jơ̆p-jang kơ dêh Êyiptơ.

Le 8:4

Kit ei gô mơmŏ tŏk tơ akâu ih, akâu kon pơlei păng rim 'nu kơ đĭch đam ih.

Le 10:6

lep gô mơ̆t 'bĕnh lăm hnam ih, lăm hnam đĭch đam ih păng lăm hnam dơnŏ lu bơngai Êyiptơ: Lu đe yă, 'bok, kư̆m ưh tam lah 'bôh ôh đơ̆ng sơ̆ khơ̆ dang ei đei tơdrong truh thoi 'nâu. Na Môis lĕch wih đơ̆ng Pharaôn.

II Ho 22:11

Mă-lei Jêhôseba, kon adruh pơtao Jêhôram, rôp ôn lê̆ Jôas, kon drŏ-nglo Ahasia đơ̆ng tŏk-bŏk lu kon drŏ-nglo pơtao mă đe wă pơlôch đĭ na ôn lê̆ sư lăm anih tep hơdai hăm drŏ-kăn rong sư. Thoi noh Jêhôseba, kon drŏ-kăn pơtao Jêhôram, akăn 'bok soi Jêhôiada yua kơ sư oh drŏ-kăn Ahasia, ôn lê̆ Jôas đơ̆ng Athalia, lei na Athalia ưh kơ gơh pơlôch;

Le 7:11

Na Pharaôn krao hloi lu 'bok hơgei păng 'bok pơjâu; lu bơngai gơh pơm tơwir lăm char Êyiptơ kư̆m pơm lei-lăi thoi lu sư gơh tơwir.

Le 8:11

Na kit gô weh đơ̆ng ih, đơ̆ng hnam ih, đơ̆ng đĭch đam hăm đơ̆ng kon pơlei ih; lu sư oei pă tơ lăm đak krong Nil đĕch.