Le 8:27 - Sơ̆p Hlabơar Nơ̆r 'Bok Kei-Dei

²⁷ Lu nhôn athei năm tơ char glă, dang pêng năr kơ trong, wă pơyơ̆r tơmam soi sơmah kơ Kră Yang 'Bok Kei-Dei lu nhôn, kiơ̆ thoi nơ̆r Sư gô bơtho tơ'bôh tơtă kơ lu nhôn.

Le 8:27 Referans Kwoze

Le 3:18

Kon pơlei gô chu kiơ̆ nơ̆r ih, lei na ih hăm lu kră bơngai Isơrael năm tơ'bơ̆p pơtao dêh Êyiptơ, na roi kơ sư khan: Kră Yang 'Bok Kei-Dei kon pơlei Hêbrơ, đei tơ'bôh kơ lu nhôn. Na dang ei, apinh ih ăn kơ lu nhôn lĕch năm tơ char glă, ataih dang pêng năr kơ trong, wă năm pơyơ̆r tơmam soi kơ Kră Yang 'Bok Kei-Dei lu nhôn.

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Lêwi 10:1

Nađap păng Abihu 'bar 'nu kon drŏ-nglo Arôn, măr sư tă kơ chĕp gĕl tơmam 'bâu phu ngăl, tah ŭnh lăm noh, tah tơmam 'bâu phu kơpal păng pơyơ̆r ŭnh đơ̆ng nai 'bơ̆t anăp Kră Yang. Ŭnh thoi noh Kră Yang ưh kơ đei tơtă ôh kơ lu sư.

Le 34:11

Kơchăng bĕ tơdrong Inh pơkă ăn kơ ih năr âu: Âu Inh gô puh tơweh bơngai Amôrit, Kanaan, Hêtit, Pêrisit, Hêwit, hăm bơngai Jêbus đơ̆ng anăp ih.

Le 10:26

Lu khŭl sem dơrong kư̆m gô kiơ̆ lu nhôn mơ̆n, ưh kơ đei wă lê̆ minh kơchôp jơ̆ng ayơ; yua kơ lu nhôn wă iŏk pơyơ̆r sem dơrong 'noh wă kơkuh kơ Kră Yang 'Bok Kei-Dei lu nhôn; lu nhôn băt rơih iŏk kiơ wă yua kơkuh kơ Kră Yang, mưh lu nhôn truh tơ noh.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Le 5:3

Môis păng Arôn khan: Kră Yang 'Bok Kei-Dei kon pơlei Hêbrơ đei tơ'bôh kơ lu nhôn. Na dang ei apinh ih ăn kơ lu nhôn lĕch năm tơ char glă, ataih dang pêng năr kơ trong, wă pơyơ̆r tơmam soi ăn kơ Kră Yang 'Bok Kei-Dei lu nhôn, dah ưh kơnh hli kơ Kră Yang pơm kơ nhôn lôch hơbuh dah lôch kơ đao,