Le 7:22 - Sơ̆p Hlabơar Nơ̆r 'Bok Kei-Dei

²² Kơplah noh lu 'bok pơjâu tơwir bơngai Êyiptơ kư̆m gơh pơm tơwir lei-lăi thoi noh, na jơhngơ̆m Pharaôn, oei arăng ưh kơ chu, ưh kơ mơ̆ng Môis păng Arôn tŏ sĕt, trŏ thoi nơ̆r Kră Yang đei khan.

Le 7:22 Referans Kwoze

Le 7:11

Na Pharaôn krao hloi lu 'bok hơgei păng 'bok pơjâu; lu bơngai gơh pơm tơwir lăm char Êyiptơ kư̆m pơm lei-lăi thoi lu sư gơh tơwir.

II Tim 3:8

Thoi lĕ kơ bre Jannơ păng Jambrơ sơ̆, bre sư ayăt kơ Môis, kư̆m thoi lu bơngai drŏ-nglo âu ayăt tơdrong 'Bok Kei-Dei dang ei mơ̆n. Đon lu sư kơnê̆ dêh, lu sư ưh kơ lui kơ 'Bok Kei-Dei tơpă ôh.

Je 27:18

Dah lu sư bơngai khan lê̆ adrol tơpă păng đei nơ̆r Kră Yang, lei lê̆ lu sư krao khan apinh Kră Yang Tih Hloh, wă kơ tơmam gĭt oei oei lăm hnam Kră Yang, lăm hnam pơtao Juđa păng pơlei tih Jêrusalem, đe huay kơ iŏk ba tơ char Babilôn.

Bl 41:8

Pơgê dơning, jơhngơ̆m sư hiơ̆k bơngơ̆t, na athei krao lu bơngai hơgei, lu bơngai juăt kơ tơblang lăm dêh Êyiptơ năm tơ sư, na pơtao roi dôm tơdrong sư apo 'bôh noh lu sư mơ̆ng, mă-lei ưh kơ đei bu gơh tơblang ăn tơdrong apo noh kơ pơtao.

Le 7:13

Thoi noh ră mă-lei jơhngơ̆m Pharaôn oei ưh kơ chu, ưh kơ mơ̆ng Môis păng Arôn, lei-lăi thoi nơ̆r Kră Yang khan lê̆ adrol.

Le 7:21

Ka lăm đak krong Nil lôch đĭ-đăng, đak krong jing 'bâu ôm, lu bơngai Êyiptơ ưh kơ gơh nhă; đei pham tơ jơ̆p-jang kơ đak lăm dêh Êyiptơ hloi.

Le 7:23

Pharaôn wih brŏk tơ hnam sư jơhngơ̆m sư ưh kơ đei hiơ̆k tơchĕng kiơ kơ tơdrong noh.