Le 40:9 - Sơ̆p Hlabơar Nơ̆r 'Bok Kei-Dei

⁹ Ih iŏk đak rơmă 'bâu phu na pik tơ Bơsŭn păng rim kơ tơmam lăm noh; pơyơ̆r bơsŭn păng dôm lu tơmam yua lăm Bơsŭn păng Bơsŭn noh gô 'lơ̆ng rơgoh.

Le 40:9 Referans Kwoze

Lêwi 8:10

Đơ̆ng noh, Môis iŏk pơgang 'bâu phu păng sư pik tơ Bơsŭn Anih Akŭm păng dôm tơmam lăm noh păng 'măn lê̆ pha jing tơmam rơgoh wă pơyơ̆r.

Jo 7:1

Kơplah Môis pơdơ̆ng Bơsŭn Anih Akŭm đang boih, tuh đak rơmă păng 'măn lê̆ pha Bơsŭn Anih Akŭm dôm lu tơmam yua lăm noh, tuh đak rơmă tơ chơnang soi păng đĭ-đăng tơmam yua lăm chơnang soi noh đang boih,

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

II Kor 1:22

Sư ăn Yang Bơhngol 'Lơ̆ng oei hơdai hăm nhôn, dang Sư chơ̆m đŏng yâu Sư tơ akâu nhôn, thoi noh na dôm tơdrong Sư pơkă, nhôn băt kơ gô đei tơpă.

II Kor 1:4

Sư pơlung bơ̆n pơmat-tat wă kơ bơ̆n gơh pơlung lu bôl bơ̆n mă đei tơdrong pơmat-tat. 'Bok Kei-Dei pơlung bơ̆n thoi yơ, bơ̆n pơlung bôl thoi noh.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Mathiơ 3:16

Hlôi Sư iŏk 'batem boih, lăp Sư iung đơ̆ng đak, na Sư 'bôh hloi plĕnh tơpơih păng 'bôh Yang Bơhngol 'Lơ̆ng thoi sem kơtơp jur oei tơ Sư.

Êsai 61:1

Yang Bơhngol 'lơ̆ng Kră Yang oei hơdai Inh. Kră Yang rơih inh. Wă năm bơtho ăn tơdrong 'nao 'lơ̆ng kơ lu bơngai dơnuh hin, păng pơlung lu bơngai ơh sơ'ngon Sư wơh inh roi tơdrong Sư wă tơlĕch lu bơngai đe phak, kơ roi tơbăt ăn kơ lu bơngai bơnă gơh hơgei, tơbăt tơlĕch lu bơngai đe chĭt phak đơ̆ng hnam bơnă.

Êsai 11:2

Yang Bơhngol Kră Yang gô oei kơpal Sư, Yang Bơhngol ăn kơ sư đei đon gơh hơgei păng mơsêh mơyang, Yang Bơhngol ăn kơ sư hlôh băt păng hli yom kơ Kră Yang.

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

Le 39:39

chơnang soi păng grang hơdrao pơm păng kong, 'long ting tung păng đĭ-đăng tơmam yua lăm chơnang soi kơthŭng đak hăm jơ̆ng sư;

Le 37:29

Sư pơm đak rơmă rơgoh păng 'bâu phu 'lơ̆ng, pơm gơh hơgei.

Hêbrơ 9:21

Sư chruih pham tơ hnam 'Bok Kei-Dei sơ̆ kư̆m lei-lăi thoi noh. Sư kư̆m chruih tôm kơ tơmam đe wă yua kơkuh kơ 'Bok Kei-Dei lăm noh.

Le 40:8

Pơm cham jum dăr păng pĕng che 'bơ̆t 'măng mơ̆t tơ cham.

Êsêkiên 28:14

Đe tuh kơ ih đak rơmă wă pơm chêrubim gak bơwei. Inh dan ih tơ kơpal kông rơgoh Kră Yang 'Bok Kei-Dei; ih yak năm tŏk-bŏk jơmŏng rang hơdah thoi ŭnh.