Le 4:31 - Sơ̆p Hlabơar Nơ̆r 'Bok Kei-Dei

³¹ Lu sư lui kơ nơ̆r 'noh, băt kơ Kră Yang oei hơdai hăm kon pơlei Isơrael păng 'bôh dôm tơdrong pơmat-tat lu sư; na lu sư kŭp kơ̆l kơkuh kơ Kră Yang hloi.

Le 4:31 Referans Kwoze

Le 3:18

Kon pơlei gô chu kiơ̆ nơ̆r ih, lei na ih hăm lu kră bơngai Isơrael năm tơ'bơ̆p pơtao dêh Êyiptơ, na roi kơ sư khan: Kră Yang 'Bok Kei-Dei kon pơlei Hêbrơ, đei tơ'bôh kơ lu nhôn. Na dang ei, apinh ih ăn kơ lu nhôn lĕch năm tơ char glă, ataih dang pêng năr kơ trong, wă năm pơyơ̆r tơmam soi kơ Kră Yang 'Bok Kei-Dei lu nhôn.

Luka 8:13

Lu găr mă huŏng tơ kơpal tơmo trêl wă pơtih gia kơ lu bơngai kơtơ̆ng đe bơtho tơdrong 'Bok Kei-Dei. Lu sư hưch hanh păng iŏk hloi mơ̆n. Kư̆m đei ră tơnơm 'ba mă-lei rơh sư chăt ưh kơ jrŭ, sư jing jô lôch hloi, 'noh wă khan lu sư đei ră đon lui mă-lei ưh kơ đunh lăp đei tơdrong pơlong lăng lu sư jing achăng lê̆.

Le 12:27

Iĕm athei tơl khan: ‘'Noh wă khan tơdrong pơm giĕng Năm Brih đơ̆ng Kră Yang, kơplah Kră Yang pơrăm lu bơngai Êyiptơ na Kră Yang năm brih rim hnam kon pơlei Isơrael păng pơklaih hnam lu bơ̆n tơpă.’ ” Lăp kon pơlei kơtơ̆ng na kŭp kơ̆l drap kơkuh.

Le 3:16

Ih năm akŭm pơpôi bĕ lu kră bơngai Isơrael, khan kơ lu sư: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, tơ'bôh boih kơ inh păng khan: Tơpă Inh năm tơmang lu iĕm, 'bôh dôm tơdrong lu sư pơm kơ lu iĕm lăm dêh Êyiptơ;

Le 2:25

Kră Yang 'Bok Kei-Dei 'bôh mơnat kơ kon pơlei Isơrael, băt kơ tơdrong truh kơ lu sư pơmat-tat.

Bl 24:26

Đang kơ noh bơngai đam sư drap kơkuh 'bơ̆t anăp Kră Yang,

I Ho 29:20

Đawit khan kơ đĭ-đăng tơpôl: “Iĕm athei hơri bơnê kơkuh kơ Kră Yang 'Bok Kei-Dei lu iĕm.” Na đĭ-đăng khŭl tơpôl hơri bơnê hloi kơ Kră Yang 'Bok Kei-Dei yă 'bok lu sư, lu sư kŭp kơ̆l drap kơkuh kơ Kră Yang, păng kơkuh kơ pơtao.

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Luka 1:68

“Bĕ bơ̆n ư-ang kơ 'Bok Kei-Dei, Kră Yang wei-lăng bơngai Isơrael bơ̆n, yua kơ Sư tơgŭm bơ̆n tơpă na Sư huai iŏk bơ̆n.

II Ho 20:18

Jêhôsaphat kŭp kơ̆l drap tơ teh; đĭ-đăng bơngai Juđa păng bơngai oei lăm pơlei Jêrusalem kư̆m kŭp kơ̆l drap tơ teh 'bơ̆t anăp Kră Yang păng kơkuh kơ Kră Yang.

Bl 17:3

Abram drap bon tơ teh, Kră Yang 'Bok Kei-Dei khan kơ Abram thoi âu:

Bl 29:32

Lêa anăp tơpŭ kơ minh 'nu kon drŏ-nglo krao anăn sư Rubên, a yua kơ đei khan Kră Yang 'bôh tơdrong inh pơmat-tat; na dang ei klo inh gô 'mêm hưch kơ inh.

Bl 50:24

Đơ̆ng noh Jôsep khan kơ lu 'nhŏng sư thoi âu: Inh gô lôch mă-lei đei Kră Yang 'Bok Kei-Dei sư wei rong iĕm tơpă. Gô chông ba lu iĕm wih brŏk tơ dêh char mă Kră Yang 'Bok Kei-Dei đei pơkă hăm Abraham, Isăk păng 'bă bơ̆n Jakôp.

Le 4:5

Kră Yang khan: 'Noh wă kơ lu sư lui kơ Kră Yang 'Bok Kei-Dei 'bok sư, wă khan Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, đei tơ'bôh boih kơ ih.

Le 14:31

Kon pơlei Isơrael 'bôh bơih tơdrong tih mă Kră Yang đei pơm kơ bơngai Êyiptơ, na lu kon pơlei Isơrael hli yom gơnang kơ Kră Yang păng lui kơ Môis, đĭch đam Sư.

Le 19:8

Đĭ-đăng kon pơlei minh jơhngơ̆m tơl khan: Lu nhôn gô pơm kiơ̆ dôm tơdrong Kră Yang pơkă, Môis roi hloi kơ Kră Yang kiơ̆ thoi nơ̆r kon pơlei pơma.

Le 19:9

Kră Yang khan kơ Môis: Inh gô năm tơ ih lăm hơmơ̆l hơ'bơ̆l; wă kơplah Inh pơma dơnuh hăm ih, na kon pơlei Isơrael kơtơ̆ng wă kơ lu sư lui gơnang kơ ih ling-lang, Môis roi kơ Kră Yang nơ̆r kon pơlei Isơrael đei pơma.

Le 34:8

Môis hăt hot kŭp kơ̆l tơ teh kơkuh pơyom.

Ru 1:6

Kơplah noh Naômi kơtơ̆ng khan Kră Yang đei tơgŭm kon pơlei sư, tơmam sa phĭ mah, na sư hăm bre mŏ mai sư iung lĕch đơ̆ng dêh Môap wih brŏk tơ dêh char sư kơdih.

Ne 8:6

Esơra bơnê ư-ang kơ Kră Yang 'Bok Kei-Dei Tih hloh, na đĭ-đăng kon pơlei yơ̆r ti na tơl khan A-men; A-men! Đơ̆ng noh kŭp kơ̆l drap muh măt tơ teh kơkuh kơ Kră Yang.

Jêphania 2:7

Tơring ei gô jing tơring kơ lu adrĕch adrung Juđa mă oei oei; lu sư gô năm wei triu tơ noh, kơmăng lu sư gô tep pơdơh tơ lăm lu hnam pơlei Askalon; Yua kơ Kră Yang gô năm ngôi hơpong tơ lu sư păng chông tơbrŏk lu bơnă sư.

Le 33:10

Kơplah đĭ-đăng kon pơlei pơla 'bôh hơmơ̆l thoi jrăng dơ̆ng 'bơ̆t 'măng bơsŭn, đĭ-đăng kon pơlei dơ̆ng 'bơ̆t 'măng bơsŭn lu sư drap kơkuh.

II Ho 7:3

Lăp đĭ-đăng kon pơlei Isơrael 'bôh ŭnh păng mơsêh mơyang rang mơnhal Kră Yang jur tơ hnam; na lu Sư drap bon tơ teh kơkuh kơ Kră Yang khan: “Tơpă Sư 'lơ̆ng, tơdrong Sư 'mêm mơnat oei oei ling-lang!

II Ho 32:8

Oei hăm lu sư noh kon bơngai hmă đĕch; bĕ gah bơ̆n đei Kră Yang 'Bok Kei-Dei lu bơ̆n wă tơgŭm păng tơblah tang lu bơ̆n.” Kon pơlei đei jơhngơ̆m nuih đơ̆ng nơ̆r Hesekia pơtao Juđa.

Jop 1:20

Jop gruih iung hloi, hek ao sư hơkôih kơ̆l 'ngôch, drap bon tơ teh kơkuh kơ Kră Yang.