Le 4:2 - Sơ̆p Hlabơar Nơ̆r 'Bok Kei-Dei

² Kră Yang khan: Ti ih chĕp kiơ? Môis tơl khan: Minh pôm 'long jra.

Le 4:2 Referans Kwoze

Le 4:20

Môis sư pôk hơtŏk akăn păng kon sư tơ kơpal kơdŭ aseh iĕ, wih brŏk tơ dêh Êyiptơ. Sư chĕp ba 'long jra đơ̆ng Kră Yang 'Bok Kei-Dei ăn kơ sư.

Le 4:17

Ih chĕp 'long jra 'nâu wă yua pơm tôm tơdrong hlĭch.

Lêwi 27:32

Đĭ-đăng minh lăm mơjĭt đơ̆ng rơmo, dah triu, iŏk 'long jra na jô̆ rơmo dah triu ayơ mă yak năm ala 'long jra truh tơ mơjĭt noh tơmam 'lơ̆ng rơgoh, iŏk 'măn pơyơ̆r kơ Kră Yang.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Mi 7:14

Iŏk 'long jra 'Bok Kei-Dei mơnat kơ bơngai Isơrael wei bĕ kon triu ih, wă khan khŭl triu sem dơrong ih lu oei minh drô̆ lăm bri kông Katmen; ăn bĕ kơ lu sư sa 'nhĕt lăm char Basan păng Gileat, kư̆m thoi ki sơ̆.

Horiso 110:2

Kră Yang đơ̆ng Siôn gô wơh 'long jra pơtao tơdrong kơtang Sư. Ăn kơ ih pơgơ̆r bĕ lu ayăt kơ Ih.

Bl 30:37

Đơ̆ng noh, Jakôp iŏk dơng 'long hơngo, hơmu, 'long krăk lŏng kơđoh lê̆ kok lăm.

Le 7:9

Tơdah Pharaôn athei măr iĕm pơm tơdrong mơsêh iĕm; ih athei khan kơ Arôn: 'Nhŏng ih athei iŏk 'long jra, klơ̆m 'bơ̆t anăp Pharaôn, 'long jra 'noh gô jing minh dăng 'bih.

Le 7:15

Pơgê dơning Pharaôn sư gô lĕch ngôi tơ đak krong, ih athei năm 'bơ̆t anăp sư tơ cheng đak krong păng chĕp ba 'long jra mă jing 'bih noh.

II Pot 4:2

Êlisê khan kơ duch ei: “Lei inh gơh tơgŭm ih kiơ? Ih roi lăng kơ inh, ih đei đăi tơmam kiơ lăm hnam?” Duch ei tơl: “Lăm hnam nhôn, tơmam nai kơbĭ đei yă kiơ hloi bơih, pă minh bô̆i đak rơmă ôliwơ đĕch bơih.”