Le 35:35 - Sơ̆p Hlabơar Nơ̆r 'Bok Kei-Dei

³⁵ Kră Yang sư ăn kơ 'bar 'nu bre noh 'bĕnh blai tơdrong gơh hơgei, jang tôm tơdrong gơh sĭt, gơh reng gơh tanh brai jơk, 'brê gôh, 'brê hơhĭm, che 'bui brai se; păng pơm lơ tơdrong chă đon hơgei dôm tơdrong jang.

Le 35:35 Referans Kwoze

Le 35:31

Kră Yang ăn kơ sư 'bĕnh blai boih yang bơhngol 'lơ̆ng Kră Yang 'Bok Kei-Dei, hăm tơdrong gơh hơgei, tơdrong hơdah, tơdrong hlôh wao, wă kơ gơh bơ̆jang pơm tôm tơdrong jang.

I Pot 7:14

Hiram minh 'nu kon drŏ-nglo, mĕ sư bơngai drŏ-kăn adro đơ̆ng lăm adrĕch Neptali, 'bă sư sơ̆ đơ̆ng bơngai Tirơ, 'bă sư pơm bơ̆jang hling đak kong, Huram sư kư̆m minh 'nu bơngai gơh hơgei thoi 'bă sư sơ̆ bơ̆jang hling đak kong, sư năm truh tơ pơtao Sôlômôn, sư jang ăn kơ pơtao Sôlômôn.

Êsai 28:26

Noh Kră Yang 'Bok Kei-Dei bơtho kơ sư păng pơhrăm ăn kơ sư pơm trŏ.

Le 31:3

Inh ăn bơih kơ sư 'bĕnh kơ Yang Bơhngol 'Lơ̆ng 'Bok Kei-Dei, hăm tơdrong hơgei, hlôh wao băt đei đon tơchĕng, wă kơ jang tanh sĭt, hling maih.

II Tim 2:15

Ơ Timôthê, ih athei adrin jang tơdrong 'Bok Kei-Dei wă kơ Sư lăp đon kơ tơdrong jang ih tơpă. Ih jang thoi noh ih huay kơ mơlâu kơ tơdrong jang ih ôh, yua kơ ih bơtho trŏ tơdrong 'Bok Kei-Dei.

Le 31:6

Inh kư̆m krao Ôhôliap kon drŏ-nglo Ahisamak, đơ̆ng adrĕch adrung Đan jing bơngai tơgŭm sư. Inh kư̆m ăn bơih đei đon tơchĕng wă kơ gơh hơgei jang lăm tôm tơdrong jang. Inh kư̆m krao bơngai plơ̆ng wă kơ lu sư gơh pơm đĭ-đăng tơdrong jang mă inh đei pơkă khan kơ ih.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

Galati 3:5

Inh wă jet iĕm dơ̆ng: 'Bok Kei-Dei ăn kơ iĕm Yang Bơhngol 'Lơ̆ng păng ăn kơ iĕm gơh pơm tơdrong mơsêh, yua kơ iĕm kiơ̆ tơdrong juăt Môis, dah yua kơ iĕm gơnang kơ Yêsu Krist?

Galati 3:2

Inh đei tơdrong kăl wă jet iĕm: 'Bok Kei-Dei ăn kơ iĕm Yang Bơhngol 'Lơ̆ng Sư sơ̆, yua kơ iĕm kiơ̆ tơdrong juăt Môis hă? Dah yua kơ iĕm lui kơ Yêsu Krist?

I Kor 12:12

Akâu jăn kon bơngai bơ̆n đei lơ chăl, mă-lei hơdôm tŏ chăl 'noh pơjing kơ minh 'nu bơngai đĕch, thoi noh boih na đĭ-đăng lu bơ̆n bơngai lui kơ Yêsu Krist kư̆m lei-lăi thoi noh mơ̆n, bơ̆n jing minh jơhngơ̆m minh đon akŭm păng Yêsu Krist.

I Kor 12:8

Yang Bơhngol 'Lơ̆ng ăn kơ bơngai âu đon hơgei wă kơ năm chă bơtho tơdrong 'Bok Kei-Dei; Sư kư̆m ăn kơ bơngai to hlôh wao tôm tơdrong 'Bok Kei-Dei wă kơ gơh năm chă bơtho đe mơ̆n.

I Kor 12:4

Yang Bơhngol 'Lơ̆ng ăn kơ bơ̆n lơ tơdrong hơgei wă kơ gơh jang tơdrong Sư, mă-lei dôm tơdrong 'noh đơ̆ng lăp minh 'nu Sư đĕch ăn kơ bơ̆n.

I Kor 1:7

Yua kơ thoi noh na 'Bok Kei-Dei ăn kơ iĕm tôm tơdrong mah ngăl wă jang tơdrong Sư kơplah iĕm oei chang gô Kră Yang bơ̆n Yêsu Krist.

I Kor 1:5

Yua kơ đơ̆ng tơdrong iĕm lui na iĕm jing băt tôm tơdrong, iĕm hơgei kơ bơtho, iĕm kư̆m hlôh tơdrong Sư mơ̆n.

Jang 19:8

Kơplah pêng khei Pôl bơtho tơ hnam akŭm bơngai Juđê tơ Pơlei Êphêsô. Sư bơtho đe nuih tơpă. Sư pơjah păng lu đe ei, sư bơtho tơdrong 'Bok Kei-Dei wă pơgơ̆r bơ̆n thoi yơ.

Jang 19:6

Pôl pel kơ̆l lu sư, na Yang Bơhngol 'Lơ̆ng jur oei hăm lu sư. Lu sư pơma hloi nơ̆r hlĭch păng bơtho tơdrong 'Bok Kei-Dei.

Jop 7:6

“Chăl arih inh năm kuăng thoi kơtuăl brai đe wai, inh lôch tôch hiong ưh kơ đei hơmĕng kiơ.

II Ho 2:14

Mĕ sư đơ̆ng adrĕch Đan, 'bă sư bơngai đơ̆ng Pơlei Tirơ. Sư bơngai hơgei gơh hơjơ̆m hling hu, maih, kong, mam blah tơmo, traih 'long, gơh tanh brai 'brê hơhĭm, jơk 'brê gôh hăm che kok se, chhơ̆ chrek păng hơgei gơh pơm tôm, kiơ̆ kơ đe chă wơh athei sư pơm. Sư gô jang hơdai lu bơngai hơgei ih kư̆m thoi mă jang kơ 'bă ih 'bok Đawit yŏng inh.

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

Le 26:1

Ih athei yua mơjĭt blah che 'bui se hơ'bơ̆l wă pơm Bơsŭn Anih Akŭm tanh păng brai jơk, 'brê gôh, 'brê hơhĭm, ih athei tanh rup chêrubim tanh mă đen 'lơ̆ng.

Êsai 38:12

Hnam inh đe yuih, pôk lê̆ ataih đơ̆ng inh, thoi đe pôk anih bơsŭn lu bơngai wei triu, inh lôm chăl arih inh nhen bơngai tanh brai. Kră Yang kăt lê̆ inh đơ̆ng hơtơ̆ng wai, Kră Yang pơtôch lê̆ tơdrong arih inh đơ̆ng kơ năr truh kơmăng!

Le 36:1

Bêsalel, Ôhôliap hăm đĭ-đăng bơngai mă Kră Yang ăn boih tơdrong tơchĕng đei đon hlôh wao gơh hơgei kơ pơm tôm tơdrong jang lăm anih rơgoh 'lơ̆ng, lu sư bơ̆jang dôm tơdrong kiơ̆ thoi Kră Yang đei pơkă khan boih: