Le 34:35 - Sơ̆p Hlabơar Nơ̆r 'Bok Kei-Dei

³⁵ Lu kon pơlei pơla Isơrael lăng 'bôh muh măt Môis hơdah rang mơnhal na Môis klơ̆p dơ̆ng muh măt sư dĭng truh tơ sư mơ̆t pơma dơnuh hăm Kră Yang dơ̆ng.

Le 34:35 Referans Kwoze

Philip 2:15

thoi noh đe anăn kon 'Bok Kei-Dei, adrin pơm 'lơ̆ng ling-lang, na huay kơ đei tơdrong yoch, mă khan iĕm oei tŏk-bŏk lu bơngai kơnê̆, lu bơngai hơlĕnh pơdăr, lu bơngai dang lĕ kơ oei lăm măng mu na lu sư gơh pơm dôm tơdrong 'noh. Gah iĕm hlôh wao tôm tơdrong boih, thoi lĕ kơ hơdah ŭnh, na iĕm athei pơchrang ăn tơdrong hơdah iĕm kơ lu sư kơplah oei tơ teh âu.

Yo 5:35

Yôhan thoi ŭnh kơđeng nhơk hơdah. Iĕm mơ̆ng sư bơtho hiôk chơt tơpă ră, mă-lei lăp minh yuh đĕch.

Mathiơ 13:43

Gah lu bơngai mă 'lơ̆ng tơpăt, năr noh kơnh lu sư oei hiôk hơđơ̆ng tơ dêh char 'Bă bơ̆n, dang lu sư pơchrang hơdah thoi lĕ kơ măt 'năr. Bu đei đon athei tơchĕng kơdih bĕ.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Da 12:3

Lu bơngai hơgei gô thoi măt pơchră rang pơchrang hơdah đơ̆ng plĕnh; păng dôm lu bơngai mă đei chông anhăk brŏk gah tơdrong tơpăt gô hơdah thoi sơnglŏng ling-lang măng năr hlŏng hloi.

Bôk Bơthô 8:1

Bu kiơ̆ tam lu bơngai hơgei? Bu gơh tơblang dôm tơdrong dôm tơmam? Tơdrong hơgei pơm kơ măt kon bơngai hơdah hơdong, đêl muh măt ưh kơ praih, tơplih jing praih.

II Kor 3:13

Môis iŏk khăn kơlŭk lum kuă ăn lu bơngai Isơrael 'bôh muh măt sư rai đunh ưh pă rang hơdah. Nhôn dang ei ưh kơ pơm thoi noh ôh. Nhôn bơtho tơbăt tôm hloi.

Le 35:1

Môis krao akŭm đĭ-đăng kon pơlei pơla Isơrael na khan kơ lu sư: 'Nâu dôm tơdrong Kră Yang bơtho khan athei lu iĕm wei răk pơm kiơ̆.