Le 34:27 - Sơ̆p Hlabơar Nơ̆r 'Bok Kei-Dei

²⁷ Kră Yang khan kơ Môis: Chih răk bĕ nơ̆r pơma âu, yua kơ trŏ kiơ̆ thoi lu nơ̆r âu na Inh pơgơ̆p pơkă hăm ih păng hăm lu bơngai Isơrael.

Le 34:27 Referans Kwoze

Le 24:4

Môis chih iŏk đĭ dôm nơ̆r Kră Yang bơtho akhan pơgê đơ̆ng rŏng sư iung đơ̆ng hrôih, pơdơ̆ng minh pôm chơnang soi 'bơ̆t jơ̆ng kông păng pơtăm mơjĭt-'bar tŏ gơ̆ng pơtih kơ mơjĭt-'bar adrĕch adrung Isơrael.

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

Both 4:13

Sư roi ăn kơ lu iĕm băt tơdrong Sư pơgơ̆p nơ̆r Sư tơtă wă kơ lu iĕm athei pơm kiơ̆, thoi mơjĭt nơ̆r tơtă, Sư chih tơ kơpal 'bar hlak tơmo lat.

Le 17:14

Kră Yang khan kơ Môis: Athei chih tơdrong 'nâu lăm sơ̆p hla bơar akar wă 'blŏk hơdơ̆r păng tơbăt ăn kơ Jôsuê Inh gô sŭt pơgoh ưh pă đei bu 'blŏk kơ bơngai Amalek lăm teh âu dơ̆ng.

Le 34:10

Kră Yang khan: Âu Inh pơm minh tơdrong pơgơ̆p. Inh gô pơm minh tơdrong, mơsêh hlĭch chrơp 'bơ̆t anăp kon pơlei pơla ih, tơdrong mă tam lah 'bôh tơ lăm minh adrĕch ayơ lăm teh đak âu. Na đĭ-đăng kon bơngai, gô 'bôh tơdrong jang Kră Yang; Inh gô pơm tơdrong hli krưp dêh.

Le 24:7

klaih kơ noh sư iŏk minh Sơ̆p hla bơar tơdrong pơgơ̆p Kră Yang 'Bok Kei-Dei, đŏk ăn kơ kon pơlei pơla mơ̆ng, na kon pơlei pơla khan thoi âu, lu nhôn gô mơ̆ng păng pơm kiơ̆ nơ̆r Kră Yang bơtho tơ'bôh.