Le 32:30 - Sơ̆p Hlabơar Nơ̆r 'Bok Kei-Dei

³⁰ Năr dơning Môis khan kơ lu kon pơlei pơla lu iĕm pơm bơih minh tơdrong glăi tih. Mă-lei dang ei inh wă tŏk tơ kông năm tơ Kră Yang. Rŏ lăng inh kư̆m gơh apinh huai iŏk tơdrong yoch lu iĕm.

Le 32:30 Referans Kwoze

I Sam 12:20

Samuel tơl kon pơlei: 'Nĕ kơ hli. Tơpă iĕm đei pơm dôm tơdrong yoch âu; mă-lei 'nĕ kơ achăng Kră Yang, athei đĭ jơhngơ̆m chu kiơ̆ kơ Kră Yang.

Jo 25:13

Tơdrong noh 'măn kơ sư, hăm lu kon sâu sư, tơdrong bơ̆jang 'bok soi ling-lang, yua kơ sư đei jơhngơ̆m đon tơnăp băt hli yom kơ Kră Yang 'Bok Kei-Dei sư, pơm rơgoh tơdrong yoch đơ̆ng kon pơlei Isơrael.

Jôna 3:9

Bu băt, Kră Yang 'Bok Kei-Dei gô tơplih đon tơchĕng sư, huay pă hil na bơ̆n gơh klaih đơ̆ng lôch?

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

II Pot 17:21

Kơplah Kră Yang tơklah lê̆ lu bơngai Isơrael đơ̆ng adrĕch Đawit, lu sư pôk Jêrôbôam, kon drŏ-nglo Nêbat pơm pơtao; sư pơhlŭ đe Isơrael tơklah đơ̆ng Kră Yang, pơm kơ lu sư pơm yoch tih.

II Sam 16:12

Băt Kră Yang lăng 'bôh boih tơdrong pơmat-tat inh, na ăn tơdrong pŭn hiôk tơplih tơdrong sư hiap năr 'nâu.”

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.

Jo 16:47

Arôn iŏk gĕl pơgang 'bâu phu thoi Môis đei athei sư, kơdâu năm truh tơ lu tơpôl kon pơlei; to tơdrong gleh truh boih tơ lu kon pơlei. Arôn iŏk pơgang 'bâu phu tah, na pơyơ̆r huai tơdrong yoch kơ kon pơlei.

II Tim 2:25

Sư bơtho lu bơngai pơjah pơjăng păng sư, sư athei bơtho mă 'lơ̆ng wă kơ bơngai mă pơjah pơjăng păng sư jah hơi jơhngơ̆m. 'Bok Kei-Dei phŏ Sư ăn kơ bơngai pơjah pơjăng 'noh tơbral hloi tơdrong yoch sư kơdih na hlôh hloi kơdih tơdrong Kră Yang.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.

Luka 15:18

Dang ei inh wă iung brŏk, năm khan kơ 'bă inh 'mơ̆i: Ơ 'bă ah, inh pơm yoch hăm 'Bok Kei-Dei păng yoch hăm ih,

Luka 7:47

Thoi noh na Inh khan kơ ih tơpă, dôm tơdrong yoch sư lơ ră, mă-lei Inh mơnat ăn boih. Thoi noh na sư 'mêm kơ Inh tơpă. Mă-lei bơngai bu ưh kơ gan wă apinh Inh pơklaih tơdrong yoch sư, bơngai noh ưh kơ gan 'mêm kơ Inh dêh ôh.”

I Sam 2:17

Noh tơdrong yoch bre kon drŏ-nglo âu tih tơpă 'bơ̆t anăp Kră Yang. Yua kơ lu sư pơjăm tơmam soi pơyơ̆r kơ Kră Yang lăng ưh kơ gĭt.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

II Sam 12:9

Liơ ih ưh kơ băt hli yom kơ nơ̆r Kră Yang tơtă, na pơm tơdrong kơnê̆ dêh 'bơ̆t anăp Sư? Ih yua đao pơlôch Uri, bơngai Hêtit, iŏk akăn sư pơm akăn ih, ih yua đao gưm linh bơngai Ammôn pơlôch sư.

Le 32:29

Na Môis khan: Năr âu rim 'nu lu iĕm pơyơ̆r boih lu iĕm kơ tơdrong jang Kră Yang, ưh pă rong minh 'nu kon drŏ-nglo, dah 'nhŏng oh kơdih, thoi noh Kră Yang ăn kơ iĕm pŭn hiôk năr âu.

Horiso 99:6

Lăm lu 'bok soi Sư, đei Môis păng Arôn; Lăm lu bơngai krao apinh hăm anăn Sư đei Samuel; Lu sư krao apinh Kră Yang păng Sư đei tơl tơwih.

I Sam 12:17

Năr âu, hăm trŏ kơ bơyan kĕch 'ba mi dah kiơ? Inh gô krao khan kơ Kră Yang tơpă đơ̆ng lăm jơhngơ̆m; Sư gô ăn 'mi grơ̆m glaih, wă kơ lu iĕm băt păng 'bôh kơdih iĕm đei pơm yoch tih 'bơ̆t anăp Kră Yang, yua kơ iĕm apinh bơih minh 'nu pơtao.

I Sam 12:19

Đĭ-đăng lu sư khan kơ Samuel: Apinh ih krao khan apinh Kră Yang 'Bok Kei-Dei ih ăn kơ lu nhôn, wă kơ lu nhôn huay kơ lôch; lu nhôn đei apinh wă kơ đei pơtao noh nhôn pơthim ăn tơdrong yoch kơ lu nhôn.