Le 31:15 - Sơ̆p Hlabơar Nơ̆r 'Bok Kei-Dei

¹⁵ Đe gô bơ̆jang lăm tơdrâu năr, mă-lei năr mă tơpơh jơ̆ năr Sa'bat, năr pơdơh, năr 'lơ̆ng rơgoh ăn kơ Kră Yang. Lăm năr Sa'bat, dah bơngai bu bơ̆jang minh tơdrong kiơ, đe gô pơpuh sư.

Le 31:15 Referans Kwoze

Bl 2:2

Năr mă tơpơh Kră Yang 'Bok Kei-Dei pơm keh boih dôm tơdrong jang Sư.

Lêwi 23:3

Đe gô bơ̆jang lăm tơdrâu năr; mă-lei năr tơpơh, noh năr Sa'bat, năr đe pơdơh wă khan năr akŭm kơkuh 'lơ̆ng rơgoh. 'Nĕ kơ bơ̆jang kiơ; noh năr Sa'bat kơ Kră Yang tơ lăm jơ̆p-jang anih lu iĕm.

Le 16:23

Sư tơl khan: 'Noh nơ̆r Kră Yang tơtă boih: Dơning jing năr pơdơh, năr Sa'bat 'lơ̆ng rơgoh ăn kơ Kră Yang, phang bĕ tơmam kiơ lu iĕm wă phang, pai bĕ tơmam kiơ lu iĕm wă pai; oei wă 'măn lê̆ truh tơ pơgê dơning.

Le 34:21

Ih athei bơ̆jang lăm tơdrâu năr, mă-lei lăm năr tơpơh ih athei pơdơh, ih athei pơdơh năr Sa'bat mă khan bơyan choh dah bơyan kĕch kư̆m pơdơh lei-lăi mơ̆n.

Luka 23:56

Klaih kơ noh lu sư brŏk tơ hnam chă hơmet pơgang 'bâu phu wă năm pik tơ akâu Yêsu. Kơplah năr pơdơh Sa'bat lu sư kư̆m pơdơh kiơ̆ kơ tơdrong juăt 'Bok Kei-Dei mơ̆n.

Luka 13:14

Kră wei-lăng hnam akŭm ei 'bôh thoi noh na sư hil dêh yua kơ Yêsu pơklaih đe lăm năr pơdơh Sa'bat wă khan năr giĕng. Na 'bok ei khan kơ lu kon pơlei pơla mă oei akŭm 'bơ̆t ei thoi âu: “Lăm minh 'măng giĕng đei tơdrâu năr bơ̆n gơh jang, iĕm athei năm tơ âu ming akâu iĕm lăm tơdrâu năr ei đĕch. Iĕm ưh kơ gơh ming akâu iĕm lăm năr pơdơh Sa'bat ôh.”

Le 35:2

Iĕm athei bơ̆jang lăm tơdrâu năr, mă-lei truh năr mă tơpơh năr noh năr Sa'bat 'lơ̆ng rơgoh 'măn pơdơh kơ Kră Yang. Bơngai bu jang minh tơdrong kiơ̆ lăm năr noh, đe gô pơlôch sư.

Le 31:17

Tơdrong noh jing tơdrong tơdra Inh hăm kon pơlei Isơrael ling-lang khŏm khŏm, yua kơ Kră Yang pơjing kơ plĕnh teh păng tôm tơmam lăm tơdrâu năr. Truh năr tơpơh sư pơdơh.

Hêbrơ 4:9

'Noh na ahrei Sư wă ăn kơ lu kon Sư mơ̆t pơdơh tơ Sư ling-lang, kư̆m thoi Sư pơdơh kơ tơdrong jang Sư năr tơpơh 'noh sơ̆.

Êsêkiên 46:1

Kră Yang khan thoi âu: 'Măng jang cham gah lăm, tơ gah hơlĕch, athei tang chĭt lê̆ lăm tơdrâu năr oei jang, mă-lei gô pơih lăm năr phĕt Sa'bat păng lăm năr phĕt Khei 'Nao.

Lêwi 23:32

Noh jing minh năr Sa'bat, năr pơdơh ăn kơ lu iĕm, lu iĕm athei hơdrĭ lăm jơhngơ̆m pơmat akâu kơdih; dơ̆ng măng năr tơsĭn lăm khei noh, iĕm athei bơwei năr Sa'bat iĕm, đơ̆ng kơsơ̆ âu truh kơsơ̆ dơning.

Le 31:14

Thoi noh, lu iĕm athei bơwei năr Sa'bat yua kơ năr noh jing năr 'lơ̆ng rơgoh ăn kơ lu iĕm. Bơngai bu pơm pơ'mê̆ kơ năr noh, đe gô pơlôch sư; hăm bơngai bu jang minh tơdrong kiơ lăm năr noh, đe gô pơpuh tơweh lê̆ sư.

Le 16:26

Lu iĕm dônh lăm tơdrâu năr; mă-lei năr mă tơpơh năr Sa'bat, ưh pă đei 'bĕng noh ôh.

Le 23:12

Lăm rim giĕng ih athei bơ̆jang lăm tơdrâu năr, sơmă truh kơ năr mă tơpơh athei pơdơh, wă kơ rơmo păng aseh iĕ ih gơh pơdơh mơ̆n; hăm kon đĭch đam drŏ-kăn păng bơngai tơmoi gơh pơdơh jơhngơ̆m rơhơi.

Le 31:16

Thoi noh, lu kon pơlei Isơrael gô wei răk năr Sa'bat, pơyom kơ năr Sa'bat lăm rim jơhnơr lu sư, jing tơdrong pơgơ̆p pơkă ling-lang khŏm khŏm.

Le 35:3

Lăm năr Sa'bat rim hnam dơnŏ iĕm mă tơ yơ yơ 'nĕ pơm ŭnh ôh:

Lêwi 16:29

'Nâu jing tơdrong juăt kơ lu iĕm ling-lang khŏm khŏm truh tơ năr mơjĭt lăm khei tơpơh, lu iĕm athei pơmat akâu lu iĕm kơdih, ưh kơ gơh pơm minh tơdrong kiơ, mă kon pơlei pơla iĕm kơdih, dah tơmoi nai bơngai đơ̆ng ataih oei hăm lu iĕm.

Both 5:12

Iĕm athei 'blŏk kơ năr tơpơh wă pơm năr giĕng 'lơ̆ng rơgoh, kư̆m thoi Kră Yang 'Bok Kei-Dei iĕm pơkă ăn boih kơ iĕm.