Le 30:8 - Sơ̆p Hlabơar Nơ̆r 'Bok Kei-Dei

⁸ Kơplah til kơsơ̆ măng, Arôn kư̆m tơ̆k ŭnh kơđeng, kư̆m gô soh tơmam 'bâu phu; tơmam 'bâu phu 'nâu athei soh pơyơ̆r kơ Kră Yang ling-lang, truh lăm rim jơhnơr.

Le 30:8 Referans Kwoze

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

Rom 8:34

Lăm lu bơ̆n hăm đei đe jô̆ khan bơngai 'Bok Kei-Dei wă phak? Kră Yang Yêsu Krist ưh kơ đei jô̆ thoi noh ôh, na mă Sư gơh lôch tang bơ̆n. Mă-lei Sư iung arih boih, Sư tŏk oei gah 'ma kơ 'Bok Kei-Dei, Sư apinh 'Bok Kei-Dei tơgŭm bơ̆n ling-lang.

Le 12:6

Đơ̆ng noh lu iĕm rong lê̆ truh năr mơjĭt-puăn khei 'nâu; na đĭ-đăng lu bơngai Isơrael athei rôp ba 'bet pơlôch til kơsơ̆ măng.

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Le 30:7

Rim til pơgê, kơplah Arôn tơ̆k hơmet ŭnh kơđeng, sư gô soh tơmam 'bâu phu tơ anih 'noh.

Le 30:9

Tơ kơpal chơnang soi 'nâu 'nĕ kơ soh tơmam 'bâu phu ưh kơ rơgoh kư̆m ưh kơ gơh pơyơ̆r tơmam soi 'buh soi tơpŭng dah tơmam soi huch.

I Sam 2:28

Inh đei rơih iŏk 'bok sư bơih 'bok ih đơ̆ng lăm adrĕch bơngai Isơrael ăn kơ sư pơm 'bok soi Inh, tŏk tơ chơnang soi Inh, soh pơgang 'bâu phu, hrŭk ao Êphôt 'bơ̆t anăp Inh; Inh kư̆m ăn bơih kơ adrĕch ih dôm tơmam soi 'buh đơ̆ng adrĕch lu bơngai Isơrael.

II Ho 26:18

Lu sư găn pơma kơ pơtao Usia: “Ơ pơtao Usia, ih ưh kơ trŏ gơh soh ôh tơmam 'bâu phu ăn kơ Kră Yang, 'nâu tơdrong jang lu 'bok soi pơm, lu kon sâu Arôn, đei 'măn lê̆ lu sư phara rơgoh wă kơ lu sư soh tơmam 'bâu phu. Lĕch bĕ đơ̆ng lăm anih rơgoh 'nâu, ih pơm yoch boih, yua kơ ih pơm 'nâu ih ưh pă đei ư-ang đơ̆ng Kră Yang boih.”

Horiso 141:2

Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

Le 25:37

Ih kư̆m athei pơm tơpơh tŏ brai kơđeng đe wă tơ̆k ŭnh kơđeng na pơchrang hơdah tơ anăp.