Le 30:21 - Sơ̆p Hlabơar Nơ̆r 'Bok Kei-Dei

²¹ Thoi noh, lu sư athei ôp jơ̆ng ti, wă huay kơ lôch, 'noh jing minh tơdrong juăt ling-lang ăn kơ Arôn hăm adrĕch adrung sư rim jơhnơr.

Le 30:21 Referans Kwoze

Le 28:43

Arôn hăm kon drŏ-nglo sư gô tah hơbĕn 'noh lăm kơplah lu sư mơ̆t tơ Bơsŭn Anih Akŭm dah năm jê̆ chơnang soi wă jang lăm anih rơgoh, kơnh hli kơ lu sư lôch yua kơ hang-hông, tơdrong noh jing tơdrong juăt kơ Arôn păng adrĕch adrung sư pơm ling-lang.

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Le 30:20

Kơplah sư mơ̆t tơ lăm Bơsŭn anih akŭm lu sư ôp hơrao jơ̆ng ti, na lu sư huay kơ lôch; păng kơplah năm jê̆ chơnang soi wă 'buh tơmam soi yua ŭnh soh pơyơ̆r kơ Kră Yang, lu sư athei wei răk thoi noh.

Le 30:22

Kră Yang khan kơ Môis: