Le 3:6 - Sơ̆p Hlabơar Nơ̆r 'Bok Kei-Dei

⁶ Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 3:6 Referans Kwoze

Luka 20:37

Môis kư̆m tơbăt kơ bơ̆n tơdrong kon bơngai iung arih dơ̆ng, kơplah 'Bok Kei-Dei pơma păng sư tơ tơm 'long ŭnh sa sơ̆. Kơplah noh sơ̆ Môis anăn 'Bok Kei-Dei Kră Yang wei-lăng Abraham, Kră Yang wei-lăng Isăk, Kră Yang wei-lăng Jakôp.

Mathiơ 22:32

Sư khan thoi âu: ‘Inh boih Kră Yang wei-lăng Abraham, Kră Yang wei-lăng Isăk, Kră Yang wei-lăng Jakôp.’ ” Yêsu khan dơ̆ng: “Lu bơngai âu lôch đĭ boih kơplah noh sơ̆, mă-lei lu sư gô iung arih tôm kơ lu sư yua kơ Kră Yang wei-lăng gah tơdrong arih, ưh kơ sĭ Sư wei-lăng gah tơdrong lôch ôh.”

Markôs 12:26

Tơdrong kon bơngai iung arih đơ̆ng lôch, iĕm kư̆m đŏk lăng boih lăm sơ̆p hla bơar tơdrong juăt Môis chih, sư roi tơdrong 'Bok Kei-Dei pơma kơ sư tơ tơm 'long ŭnh sa. 'Bok Kei-Dei khan kơ sư: ‘Inh boih Kră Yang Abraham, Kră Yang wei-lăng Isăk, Kră Yang wei-lăng Jakôp.’ ”

Le 4:5

Kră Yang khan: 'Noh wă kơ lu sư lui kơ Kră Yang 'Bok Kei-Dei 'bok sư, wă khan Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, đei tơ'bôh boih kơ ih.

Jang 7:32

‘Inh boih Kră Yang wei-lăng lu 'bok kơdră ih Abraham, Isăk, Jakôp.’ Na Môis hli tơrơ tơpă. Môis ưh kơ pơ̆n hue lăng Sư ôh.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Tơdrông Tơ'bôh 1:17

Kơplah noh lăp inh 'bôh Sư, inh pơ̆k hloi 'bơ̆t jơ̆ng Sư, inh hli tơrơ kơmăp lăl pă băt kơ akâu. Mă-lei ti 'ma Sư pel inh păng khan: “Ih 'nĕ kơ hli, Inh 'Bok tơm rơh hăm Inh ưh kơ đei layơ tôch.

I Pot 18:36

Gah kơsơ̆, truh jơ pơyơ̆r tơmam soi, Êli bơngai khan lê̆ adrol năm dơ̆ng jê̆ chơnang soi 'noh păng krao khan: “Ơ Kră Yang, 'Bok Kei-Dei Abraham, Isăk păng Isơrael, năr 'nâu apinh ih ăn kơ đe băt Ih boih Kră Yang 'Bok Kei-Dei lăm khŭl bơngai Isơrael. Inh đĭch đam Ih, chu nơ̆r Ih pơm kiơ̆ tôm tơdrong Ih bơtho akhan.

Lu 13:22

Sư pơma dơnuh hloi hăm akăn sư: Tơpă, băt ba gô lôch yua kơ ba 'bôh boih Kră Yang 'Bok Kei-Dei!

Je 32:38

Lu sư gô jing kon pơlei pơla Inh păng Inh boih Kră Yang 'Bok Kei-Dei lu sư.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Je 24:7

Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

Horiso 132:2

Sư đei pơkăm hăm Kră Yang. Păng pơkă hăm Kră Yang mơsêh mơyang Jakôp:

I Pot 19:13

Lăp Êli kơtơ̆ng nơ̆r pơma 'noh sư iŏk ao tai gom muh măt sư, păng lĕch dơ̆ng 'bơ̆t 'măng hơgơp tơmo. Đei nơ̆r khan kơ sư, “Ơ Êli, ih pơm kiơ tơ âu?”

Le 29:45

Inh gô oei hơdai hăm lu kon pơlei Isơrael, pơm Kră Yang 'Bok Kei-Dei lu sư.

Bl 32:9

Đơ̆ng noh Jakôp krao khan thoi âu: “Ơ Kră Yang 'Bok Kei-Dei kơ 'bok inh 'bok Abraham. 'Bă inh Isăk, wă khan Kră Yang! Ih đei bơtho pơkă kơ inh thoi âu: ‘Wih brŏk bĕ tơ tơring ih tơ 'nhŏng oh, kơtum kơtŏng ih, na Inh gô ăn pŭn hiôk kơ ih.’

Bl 31:42

Tơdah Kră Yang 'Bok Kei-Dei 'bă inh, Isăk Kră Yang 'Bok Kei-Dei 'bok inh Abraham, mă hli yom, ưh kơ tơgŭm yŏng inh, băt dang ei ih pơpuh tơbrŏk inh tơ noh. Kră Yang 'Bok Kei-Dei đei 'bôh boih tơdrong jang inh pơmat-tat đơ̆ng ti chă pơjing, lei na măng hei ih 'bôh boih sư sek tơlang tơpăt thoi noh.

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Bl 17:3

Abram drap bon tơ teh, Kră Yang 'Bok Kei-Dei khan kơ Abram thoi âu:

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 12:1

Âu, Kră Yang đei khan kơ Abram thoi âu: “Ih athei lĕch đơ̆ng dêh char âu, tơklah đơ̆ng hnam dơnŏ păng 'nhŏng oh mĕ 'bă ih, na năm tơ dêh char mă Inh gô tơ'bôh kơ ih.

Hêbrơ 12:21

Tôm tơdrong ei krưp dêh, na Môis mah khan: “Inh hli tơrơ dêh.”

Jang 7:34

Inh 'bôh boih tơdrong đe Êyiptơ pơđep lu iĕm mă kon Inh. Inh kơtơ̆ng iĕm nhơ̆m hmoi na dang ei Inh jur wă dŏng mơnat kơ lu iĕm. Iung bĕ, Inh wơh ih năm tơ dêh Êyiptơ.’

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Mathiơ 17:6

Lăp lu bơngai pơhrăm păng Sư kơtơ̆ng nơ̆r pơma thoi noh jơhngơ̆m lu sư hli dêh, lu sư 'nap kŭp kơ̆l tơ teh.

Sa 8:8

păng ba lu sư brŏk, lu sư gô oei tơ lăm Jêrusalem, jing kon pơlei Inh, gah Inh jing Kră Yang 'Bok Kei-Dei lu sư lăm tơdrong sĭt păng tơpăt.”

Êsêkiên 11:20

Wă kơ lu sư chu kiơ̆ khôi juăt Inh, wei răk păng pơm kiơ̆ nơ̆r Inh tơtă, lu sư kon pơlei Inh păng Inh Kră Yang 'Bok Kei-Dei lu sư.

Ne 9:9

Ih 'bôh boih tơdrong pơmat-tat lu 'bok nhôn lăm dêh Êyiptơ, đei kơtơ̆ng boih nơ̆r lu sư krao ôr 'bơ̆t đak dơsĭ 'brê.

Esther 3:4

Lu sư khan kơ Morđêkai rim năr, mă-lei sư ưh kơ wă mơ̆ng ôh. Lu sư roi ăn kơ Haman băt, lu sư wă gô lăng Morđêkai pơm thoi noh hăm jei sư ưh; yua kơ sư roi kơ lu sư khan sư bơngai Juđa.

Hêbrơ 11:16

Mă-lei lu sư ưh ôh, lu sư wă chă minh pôm teh đak hiôk hloh kơ noh dơ̆ng, teh đak ei tơ plĕnh ti. Thoi noh na lu sư krao kơ 'Bok Kei-Dei Kră Yang, 'Bok Kei-Dei lăp đon kơ lu sư, ăn hloi kơ lu sư minh pôm teh đak tơ plĕnh ti wă pơjing pơlei lu sư.

Bl 24:12

Sư krao khan: “Ơ Kră Yang, Kră Yang 'Bok Kei-Dei yŏng tơ'ngla inh Abraham! Apinh ih ăn kơ inh tơ'bơ̆p tơdrong mă inh chơchă păng tơ'bôh ăn tơdrong 'lơ̆ng Ih kơ Abraham yŏng inh.

Le 3:16

Ih năm akŭm pơpôi bĕ lu kră bơngai Isơrael, khan kơ lu sư: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, tơ'bôh boih kơ inh păng khan: Tơpă Inh năm tơmang lu iĕm, 'bôh dôm tơdrong lu sư pơm kơ lu iĕm lăm dêh Êyiptơ;

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Bl 28:17

Sư hli păng khan thoi âu: Anih âu trŏ kơ hli krưp tơpă! 'Nâu trŏ kơ hnam Kră Yang 'Bok Kei-Dei tơpă, 'măng plĕnh tơpă.

Le 33:20

Kră Yang Sư khan dơ̆ng: Mă-lei ih ưh kơ đei 'bôh muh măt Inh ôh; yua kơ kon bơngai ưh kơ gơh 'bôh Inh na mă oei arih.

Both 6:3

Ơ Isơrael, mơ̆ng bĕ păng pơm kiơ̆ tơdrong noh wă kơ iĕm gơh đei pŭn hiôk păng rai lơ, dêh char thoi đak toh đak sut mă Kră Yang 'Bok Kei-Dei lu 'bok iĕm đei pơkă hăm lu iĕm.