Le 29:33 - Sơ̆p Hlabơar Nơ̆r 'Bok Kei-Dei

³³ Lu sư gô sa lu tơmam soi noh, tơmam pơklaih đơ̆ng tơdrong yoch, păng lu sư đei pôk jing 'bok soi păng 'măn lê̆ lu sư rơgoh; mă-lei lu bơngai nai ưh kơ gơh sa ôh, yua kơ dôm tơmam 'noh tơmam rơgoh.

Le 29:33 Referans Kwoze

Jo 18:4

Lu sư gô pơgơ̆r hơdai ih, bơ̆jang lăm Bơsŭn Anih Akŭm, đĭ-đăng tơdrong jang lăm Bơsŭn; lu bơngai tơmoi nai ưh kơ gơh năm jê̆ ôh,

I Kor 11:26

Na đơ̆ng sơ̆ truh năr Sư jur ning-mônh rim wơ̆t bơ̆n huch sa đak păng 'bĕng 'noh, wă khan bơ̆n pơm tơ'bôh kơ đe tơdrong Sư lôch tang bơ̆n.

I Kor 11:24

krao khan bơnê kơ 'Bok Kei-Dei na phĕ hloi 'bĕng mi 'noh păng khan: “'Bĕng âu boih akâu Inh. Akâu Inh âu boih wă pơchah yua kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Horiso 22:26

Lu bơngai dơnuh hin gô sa phĭ jơnap; Lu bơngai chơchă Kră Yang gô kơkuh bơnê kơ Sư; Ăn kơ jơhngơ̆m ih đei arih ling-lang.

Jo 18:7

Ih păng lu kon drŏ-nglo ih athei jang mă pơ'lơ̆ng tơdrong jang 'bok soi, wei-lăng dôm tơdrong gah chơnang soi păng tơmam kiơ tơ lăm che pĕng; lu iĕm jang tơdrong jang iĕm tơ lăm noh. Tơdrong jang 'bok soi noh minh tơdrong jang inh pôk ăn jing thoi minh tơdrong pơchĕp ăn; bơngai bu năm jê̆ tơ noh gô pơlôch.

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Jo 16:5

khan kơ Kôrê păng đĭ-đăng lu bơngai pôm đon hăm sư thoi âu: Pơgê dơning Kră Yang gô tơ'bôh ăn bơngai bu gah Sư mă 'lơ̆ng rơgoh; Sư gô ăn kơ lu bơngai noh gô năm jê̆ Sư, wă khan ăn kơ bơngai mă Sư đei rơih iŏk boih năm jê̆ Sư.

Jo 3:38

Môis, Arôn păng lu kon drŏ-nglo sư, đei pơdơ̆ng anih bơsŭn lu sư oei, tơ anăp gah hơlĕch kơ Bơsŭn Anih Akŭm, lu sư bơ̆jang lăm anih rơgoh tơplih kơ kon pơlei Isơrael. Lu bơngai nai năm jê̆ anih 'nâu đe gô pơlôch.

Jo 3:10

Thoi noh, ih gô pôk Arôn păng lu kon drŏ-nglo sư, wă pơm 'bok soi; lu bơngai tơmoi nai năm jê̆ đe gô pơlôch.

Jo 1:51

Tơdah Anih Akŭm păng khăn noh pôk tơ nai lu adrĕch bơngai Lêwi âu yuih, truh tơ anih boih lu sư gô tơiung pơdơ̆ng ming; lu adrĕch bơngai nai ưh kơ gơh năm jê̆ tơdah năm jê̆ đe gô pơlôch.

Le 29:32

'Bok Arôn păng lu kon drŏ-nglo sư gô sa 'nhĕm triu tơno 'noh, hăm 'bĕng đơ̆ng lăm bai 'bơ̆t 'măng Bơsŭn Anih Akŭm.

Lêwi 1:4

Na bơngai pơyơ̆r sư dan ti sư tơ kơpal kơ̆l sem dơrong wă soi 'buh noh na kon sem noh gô jing tơmam soi pơklaih tơdrong yoch sư.

Lêwi 10:12

Môis khan kơ Arôn păng lu kon drŏ-nglo sư oei arih, noh Êlêasar păng Ithamar. Ih iŏk bĕ tơmam pơyơ̆r, phe 'ba mă oei rơkah, đơ̆ng soh pơyơ̆r tơ chơnang soi kơ Kră Yang boih athei sa hloi hăm 'bĕng ưh kơ đei 'buih pông 'bơ̆t cheng chơnang soi; yua kơ tơmam âu jơ̆ rơgoh.