Le 27:8 - Sơ̆p Hlabơar Nơ̆r 'Bok Kei-Dei

⁸ Chơnang soi pơm păng tơ̆r, pơm đei lăm tŏk-bŏk, pơm nhen thoi Inh bơtho tơ'bôh kơ ih tơ kơpal kông 'noh.

Le 27:8 Referans Kwoze

Le 25:40

Thoi noh ih athei lăng, kư̆ kơ pơm rok hơbŏ thoi đei tơ'bôh kơ ih boih tơ kơpal kông.

Le 25:9

Athei pơm Bơsŭn Anih Akŭm hăm tơmam yua lei-lăi thoi Inh gô tơ'bôh ăn kơ ih.

Hêbrơ 8:5

Lu sư jang awih tơ lăm hnam 'Bok Kei-Dei tơ teh âu. Hnam lu sư pơm pơtrŏ thoi hnam 'Bok Kei-Dei tơ kơpal plĕnh ti. Hnam tơ plĕnh ti 'Bok Kei-Dei oei tơpă. 'Noh thoi 'Bok Kei-Dei khan boih kơ Môis, kơplah mă Môis wă pơtơm pơm hnam 'Bok Kei-Dei păng tua-la-tăng sơ̆. 'Bok Kei-Dei khan thoi âu: “Ih athei kơchăng pơm mă trŏ kiơ̆ thoi Inh tơ'bôh kơ ih tơ kông ki.”

Mathiơ 15:9

Lu sư kơkuh kơ Inh ưh kơ yua kiơ. Lu sư bơtho tơdrong ala teh; mă-lei khan tơdrong 'Bok Kei-Dei.’ ”

I Ho 28:19

Đawit pơma khan: “Đĭ-đăng lu 'nâu, inh đei đơ̆ng ti Kră Yang tơhlâu, păng ăn kơ inh hlôh băt đĭ-đăng rim tơdrong wă pơm.”

I Ho 28:11

Đawit pơjao ăn kơ Sôlômôn kon drŏ-nglo sư, hla bơar rup chhơ̆ tơ'bôh anih trong lăm hnam Kră Yang 'Bok Kei-Dei, hnam tah tơmam, anih tơ kơpal, anih lăm hnam Kră Yang 'Bok Kei-Dei păng anih rơgoh hloh.

Jang 7:44

'Bok Êtien oei pơma: “Lu kră bơ̆n oei tơ char glă ei sơ̆, lu sư đei hnam akŭm kơkuh kơ 'Bok Kei-Dei. 'Bok Kei-Dei athei Môis pơm Bơsŭn Anih Akŭm ei kiơ̆ kơ 'Bok Kei-Dei tơ'bôh.