Le 23:7 - Sơ̆p Hlabơar Nơ̆r 'Bok Kei-Dei

⁷ Ih 'nĕ kơ chu kiơ̆ dôm lu nơ̆r hơlĕnh pơdăr; 'nĕ kơ pơlôch bơngai ưh kơ pơm yoch păng bơngai 'lơ̆ng tơpăt, yua kơ inh ưh kơ đei achăng bơngai kơnê̆ ôh.

Le 23:7 Referans Kwoze

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

Both 27:25

Hiap pơtê̆ bĕ kơ bơngai bu sa tơmam apah wă pơlôch bơngai ưh kơ đei tơdrong yoch! Đĭ-đăng kon pơlei gô khan: A-men!

Le 34:7

Răk tơdrong 'mêm kơeng kơ lơ rơbâu jơhnơr kon bơngai, mơnat ăn tơdrong pơm kơnê̆, pơm yoch kơ tơdrong juăt mă-lei Inh ưh kơ lê̆ ôh gô phak bơngai pơm yoch păng jô̆ tơdrong yoch đơ̆ng Mĕ 'Bă sư pơm, inh gô phak truh tơ kon sâu sư dĭng truh tơ pêng puăn jơhnơr.

Le 23:1

Ih 'nĕ kơ chă roi hơlĕnh, kư̆m 'nĕ kơ pôm đon kiơ̆ lu bơngai kơnê̆ wă roi hơlĕnh.

I Tes 5:22

Dah tơdrong glăi iĕm săi tŭk.

Lêwi 19:11

Lu iĕm kư̆m 'nĕ kơ tơtông, kư̆m 'nĕ kơ pơhlŭ hơlĕnh 'nĕ kơ chă plêl pơdăr kơ đe.

Rom 1:18

'Bok Kei-Dei oei tơ plĕnh ti, Sư 'bôh tôm tơdrong kon bơngai pơm yoch pơm kơnê̆ tơpă, na Sư ơh wă phak kon bơngai. Kon bơngai lăp đon kơ pơm tơdrong kơnê̆, thoi noh na lu sư nŏng kơ pơgăn lê̆ lu bôl sư wă kiơ̆ tơdrong 'Bok Kei-Dei.

Luka 3:14

Lu linh kư̆m jet sư mơ̆n: “Bĭ gah nhôn, ih wă kơ nhôn pơm thoi yơ?” Na Yôhan khan kơ sư: “'Nĕ pơgŏ iŏk tơmam đe, 'nĕ jâu ngơ̆r wă sa tơmam đe păng 'nĕ kơ mơmơnh kơ jên khei iĕm đei.”

Na 1:3

Kră Yang hiơ̆ kơ hil păng đei mơsêh pran kơtang tih; mă-lei Sư kư̆m ưh kơ lê̆ phak lu bơngai pơm yoch. Kră Yang yak năm lăm kial phŭt păng hơbŭt hơbang, lu hơmơ̆l păng 'mui tơ ala jơ̆ng Sư.

Êsai 33:15

Lu bơngai arih kiơ̆ trong 'lơ̆ng tơpăt, pơma tơpăt, areh kơ tơdrong pơjuă sa tơmam đe. Hơpuih ti sư ưh kơ chro iŏk tơmam kơnê̆ đe apah, đon sư ưh kơ wă mơ̆ng tơdrong pơlôch băl, măt sư ưh kơ wă lăng tơdrong kơnê̆.

Tơdrông Pơđơk 17:15

Bu dŏng bơngai kơnê̆ khan bơngai tơpăt. Bu băt jâu bơngai 'lơ̆ng tơpăt khan kơnê̆, 'Bar 'nu bre noh Kră Yang areh pơđĭ.

Jop 22:23

Tơdah ih wih dơ̆ng tơ Kră Yang Tih Hloh, lei ih gô gơh đei hơmet ming dơ̆ng. Tơdah ih hŭt lê̆ tơdrong kơnê̆ ataih đơ̆ng anih bơsŭn ih.

Le 20:13

'Nĕ kơ pơlôch bơngai.

Bl 18:23

Abraham năm jê̆ na khan thoi âu: “Kră Yang wă pơlôch đĭ lu bơngai 'lơ̆ng hơdai hăm lu bơngai kơnê̆ aah?

Le 20:16

'Nĕ pơm kơdranh hơlĕnh kơ bôl buăl.

Lêwi 19:16

'Nĕ kơ roi sa pơma 'bơm, 'nĕ chă tơdrong wă pơm kơnê̆ kơ rông 'bôt ih, Inh bơih Kră Yang.

Both 25:1

Tơdah đei tơdrong pơjah băl, 'bar pah athei năm apinh truh tơ anih sek tơlang, lu kră sek tơlang, sek tơpăt kơ bơngai 'lơ̆ng tơpăt păng sek phak lu bơngai mă đei yoch noh.

Horiso 94:21

Lu sư pơđâu băl wă pơm kơnê̆ kơ lu bơngai tơpăt. Păng sek pơlôch lu bơngai ưh kơ đei yoch.

Horiso 119:29

Apinh wei inh weh ataih đơ̆ng trong glăi. Apinh Ih mơnat bơtho ăn kơ inh băt kơ khôi juăt Ih.

Tơdrông Pơđơk 11:21

Ăn kơ ih băt, lu bơngai kơnê̆ ưh kơ lê̆ jor ôh kơ phak; Mă-lei adrĕch lu bơngai 'lơ̆ng tơpăt gô klaih.

Êsai 5:20

Răm-'băm dêh kơ bơngai bu khan pơm kơnê̆ noh 'lơ̆ng, khan pơm 'lơ̆ng noh kơnê̆; khan măng mu noh hơdah, hơdah noh khan măng mu; tơmam tăng khan 'ngam, tơmam 'ngam khan tăng.