Le 23:30 - Sơ̆p Hlabơar Nơ̆r 'Bok Kei-Dei

³⁰ mă-lei inh gô puh lu sư 'net 'net weh đơ̆ng iĕm, dĭng layơ lu iĕm mă lơ păng gơh wei-lăng dêh noh boih,

Le 23:30 Referans Kwoze

Both 7:22

Kră Yang 'Bok Kei-Dei iĕm gô puh lê̆ adrĕch 'nâu 'bơ̆t anăp iĕm 'net 'net; iĕm ưh kơ gơh pơlôch lu sư minh 'măng tăm ôh, kơnh hli kơ sem bri rai lơ na pơrăm iĕm dơ̆ng;

Jôsuê 23:4

Athei 'blŏk bĕ kơ inh đei hlang klah asong ăn kơ lu iĕm teh jang sa mir 'ba kơ rim adrĕch adrung lu iĕm, teh đak mă ưh tam mă đei blah iŏk. Teh đak mă inh đei blah iŏk boih, iŏk đơ̆ng đak Krong Jôrđăn truh tơ đak Dơsĭ Tih, gah măt 'năr mơ̆t.

Jôsuê 23:9

Yua kơ Kră Yang hlôi đei puh tơweh boih 'bơ̆t anăp lu iĕm adrĕch adrung tih pran păng truh tơ dang ei ưh kơ đei bu kĕ dơ̆ng tơblah 'bơ̆t anăp lu iĕm.

Jôsuê 13:6

oei đei kon pơlei oei tơ char tơring kơpal kông, đơ̆ng Liban truh tơ Misrêpôtmaim, noh lu kon pơlei Siđôn. Inh gô puh tơweh lu sư, đơ̆ng anăp măt lu bơngai Isơrael. Ăn teh noh kơ Isơrael jang sa, kiơ̆ thoi inh đei tơtă boih kơ ih.

Jôsuê 23:5

Kơdih kâu Kră Yang 'Bok Kei-Dei lu iĕm gô puh păng tơweh đĭ kon pơlei noh đơ̆ng anăp lu iĕm păng lu iĕm gô iŏk char noh, trŏ thoi Kră Yang 'Bok Kei-Dei lu iĕm đei pơkă ăn kơ lu iĕm.