Le 21:26 - Sơ̆p Hlabơar Nơ̆r 'Bok Kei-Dei

²⁶ Tơdah bơngai bu teh 'bơm măt đĭch đam drŏ-nglo dah drŏ-kăn, pơm kơ sư măt tol, athei ăn kơ sư rơngei yua kơ măt sư tol,

Le 21:26 Referans Kwoze

Kôlôsê 4:1

Ơ lu yŏng tơ'ngla lu bơngai đĭch, iĕm athei pơm mă 'lơ̆ng kơ lu đĭch iĕm, yua kơ iĕm kư̆m đei minh 'nu Yŏng tih hloh kơ iĕm, Sư oei tơ plĕnh ti.

Êphêsô 6:9

Ơ lu bơngai yŏng tơ'ngla wei lu bơngai đĭch, iĕm kư̆m pơm mă 'lơ̆ng kơ lu đĭch iĕm; mă sư ưh kơ chu 'nĕ kơ hil kơ sư dêh păng 'nĕ kơ tôn teh sư mơnat kơ sư mơ̆n. Mă iĕm bơngai yŏng tơ'ngla sư, mă sư bơngai đĭch iĕm, đĭ-đăng kơ bơ̆n đei minh 'nu Yŏng tih hloh kơ đĭ-đăng, Sư oei tơ kơpal plĕnh ti. Sư lăng đĭ-đăng bơngai lei-lăi đĕch ưh kơ đei phara kiơ ôh.

Horiso 10:18

Wă pơm tơdrong tơpăt kơ lu mơti kơ 'bă păng lu bơngai mă đe pơjuă pơđep. Wă kơ lu kon bơngai mă lĕch đơ̆ng 'mui teh, ưh pă pơm tơhli băl dơ̆ng.

Horiso 10:14

Kră Yang 'bôh boih, tơdrong răm, pơmat-tat hăm tơdrong gleh, Na ti Ih pơm tơwih kơ lu sư. Lu bơngai răm-'băm jao akâu lu sư tơ Kră Yang; Kră Yang jơ̆ Tơ'ngla tơgŭm lu bơngai mơti.

Horiso 9:12

Yua kơ Tơ'ngla iung kơting pham 'blŏk kơ lu bơngai mă pơmat-tat. Sư ưh kơ đei hiơt ôh tơdrong lu sư nhơ̆m ôr.

Ne 5:5

Akâu akar lu nhôn kư̆m nhen akâu akar lu 'nhŏng oh lu nhôn mơ̆n, kon tơdăm lu nhôn kư̆m nhen kon tơdăm lu sư mơ̆n; na dang ei lu nhôn rôp kon tơdăm păng kon adruh lu nhôn pơm đĭch hă păng kư̆m đei boih kon adruh lu nhôn pơm đĭch boih, mă tơpă lu nhôn pă đei gơh wă huai iŏk dơ̆ng; yua kơ chŭn mir păng pơgar hơmu lu nhôn đĭ tơ lu đe nai iŏk boih.

Both 16:19

'Nĕ kơ pơm glăi kơ tơdrong tơpăt; 'nĕ kơ mơ̆t minh pah; 'nĕ kơ sa tơmam đe răt apah, yua kơ tơmam đe răt apah noh pơm ăn kơ lu bơngai rơngei măt tol păng gơwĕch lê̆ nơ̆r bơngai tơpăt.

Le 21:20

Tơdah yŏng tơ'ngla iŏk 'long teh đĭch đam sư drŏ-nglo dah drŏ-kăn păng lôch hloi đơ̆ng ti sư, đe kư̆m athei phak tơmal sư,

Le 21:25

Pơtŏk 'mong pơtŏk, pham kơdơ̆k 'mong pham kơdơ̆k, rơka 'mong rơka.

Le 21:27

tơdah bơngai bu pơm kơ đĭch đam drŏ-nglo dah drŏ-kăn sư hiong minh pôm hơnĕnh, athei ăn kơ sư rơngei, yua kơ hiong hơnĕnh.

Le 21:24

Răm măt 'mong măt, răm hơnĕnh 'mong hơnĕnh, răm ti 'mong ti, răm jơ̆ng 'mong jơ̆ng.