Le 21:18 - Sơ̆p Hlabơar Nơ̆r 'Bok Kei-Dei

¹⁸ Tơdah đei 'bar 'nu bơngai tơtôn tơteh băl, bơngai âu teh bơngai to păng tơmo dah chok păng ti, ưh kơ mah truh kơ lôch mă-lei sư pă gơh iung,

Le 21:18 Referans Kwoze

Le 21:20

Tơdah yŏng tơ'ngla iŏk 'long teh đĭch đam sư drŏ-nglo dah drŏ-kăn păng lôch hloi đơ̆ng ti sư, đe kư̆m athei phak tơmal sư,

II Sam 14:6

Inh đĭch đam ih. Inh đei 'bar 'nu kon drŏ-nglo; bre sư tơteh tơtôn băl tơ chŭn tơ mir, ưh kơ đei bơngai bu plah, na bơngai âu teh bơngai to lôch.

Both 25:11

Kơplah 'bar 'nu bơngai drŏ-nglo tơteh băl, tơdah akăn minh 'nu lăm 'bar 'nu noh truh wă dŏng klo sư, na ti sư rôp 'bơm 'bơ̆t anih hlơp bơngai ei.

Le 21:22

Tơdah đei tơtôn tơteh băl, hăm minh 'nu bơngai oei anăp, pơm kơ nge sư huŏng, mă-lei huay kơ đei jĭ răm nai, lei bơngai teh đe 'noh athei duh kiơ̆ kơ klo sư hơgăt păng ăn jên kư̆m kiơ̆ kơ 'bok sek tơlang.

Le 2:13

Truh năr đơ̆ng rŏng, Môis năm tơ noh dơ̆ng, sư 'bôh 'bar 'nu bơngai Hêbrơ tơteh băl, sư khan hăm bơngai mă pơm yoch ei thoi âu: Liơ mă măr iĕm tơteh băl tơduă buăl kơdih?

Le 21:17

Bơngai bu blei hiap 'bă dah mĕ sư kơdih, đe gô sek pơlôch sư,

Le 21:19

tơdah oei gơh iung chĕp 'long jra năm chă ngôi tơ 'nguaih bơngai mă teh noh đe gô mơnat ăn yoch sư. Mă-lei athei duh jên hơmet tơdrong jĭ kơplah dôm năr sư păn păng rong truh kơ sư klaih praih hiôk pran.