Le 2:5 - Sơ̆p Hlabơar Nơ̆r 'Bok Kei-Dei

⁵ Na truh kon adruh pơtao Pharaôn năm jur hum tơ đak krong, dôm lu đam sư dăr ngôi kiơ̆ jih đak krong ei; kon adruh pơtao 'bôh bai hre noh tơ lăm 'nhĕt trang na sư krao lu đam sư ei pôk iŏk hơtŏk kơ sư.

Le 2:5 Referans Kwoze

Jang 7:21

Kơplah 'noh mĕ sư tah lăm bai năm tơ'bĭch tơ kơpơ̆ng đak krong. Na kon adruh 'bok pơtao iŏk 'me rong nge Môis, pơm kon kơdih hloi.

Horiso 12:5

Yua kơ đe pơjuă lu bơngai răm-'băm păng lu dơnuh hin ôr krao, Kră Yang khan: “Dang ei Inh gô iung, Inh gô ăn kơ lu sư oei hiôk-hian kiơ̆ thoi lu sư krao apinh.”

Horiso 9:9

Kră Yang jơ̆ anih kơ'nơp tih kơ bu mă đe pơjuă pơđep. Minh anih kơ'nơp tih lăm năr đei gleh truh

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Le 8:20

Đơ̆ng noh, Kră Yang khan kơ Môis, Pharaôn sư gô lĕch ngôi jê̆ đak krong, ih athei iung mă hrôih năm tơ'bơ̆p sư na roi tơbăt ăn kơ sư, Kră Yang khan thoi âu: Ăn kon pơlei inh năm, wă kơ lu sư gơh kơkuh kơ inh.

Le 7:15

Pơgê dơning Pharaôn sư gô lĕch ngôi tơ đak krong, ih athei năm 'bơ̆t anăp sư tơ cheng đak krong păng chĕp ba 'long jra mă jing 'bih noh.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

I Pot 17:6

Rim pơgê kơsơ̆ ak jơngong ba ăn kơ sư 'bĕng mi păng 'nhĕm kông păng sư nhă đak thong Kêrit.

Jôna 1:17

Mă-lei Kră Yang hơmet lê̆ ka tih luăn Jôna. Jôna oei lăm klak ka pêng năr pêng măng.

Jôna 2:10

Kră Yang athei ka, na ka năm hăk lê̆ Jôna tơ jih đak dơsĭ.

Le 2:6

Kon adruh pơtao pơih bai 'bôh kon nge drŏ-nglo oei nhơ̆m, sư 'brơ̆k mơnat khan: Âu boih minh 'nu kon lu bơngai Hêbrơ.