Le 2:3 - Sơ̆p Hlabơar Nơ̆r 'Bok Kei-Dei

³ Mă sư 'maih ôn đunh hloh kơ noh ră mă-lei ưh kơ gơh boih, na duch ei iŏk minh pôm bai hre, pik chai hơngo, na tơ'bĭch kon nge lăm noh, năm ming ôn sư 'bơ̆t 'nhĕt trang tơter jih lăm đak krong.

Le 2:3 Referans Kwoze

Le 1:22

Pharaôn khan tơtă kơ đĭ-đăng kon pơlei sư kơdih thoi âu: Mưh iĕm 'bôh lu bơngai Hêbrơ 'nao tơpŭ kon drŏ-nglo iĕm klơ̆m lê̆ tơ đak krong Nil; kon drŏ-kăn iĕm rong sư arih.

Jang 7:19

'Bok pơtao ei pơm kơnê̆ kơ lu 'bok kơdră bơ̆n sơ̆ păng sư pơgŏ lu sư athei hŭt pơơ̆t đĭ kon nge lu sư wă kơ lu kon nge jah lôch.

Bl 6:14

Ih athei pơm minh pôm duk păng 'long gôphea, pơm đei lơ tăl, na pik chai tơ đaih păng tơ lăm.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Êsai 18:2

Ih wơh lu bơngai pơtruh nơ̆r tŏk đak dơsĭ, hao thŏng-nan pik hăm chai đông kơpal đak! Ơ lu bơngai năm pơtruh nơ̆r hơbĕch hơbal, năm tơ teh đak lu bơngai kơjung akar rơmuăn. Tơ kon pơlei mă jê̆ mă ataih hli ngăl; minh pôm teh đak đei bơngai pran kơtang, chă tơgar pơjuă pơđep lu sư pơma nơ̆r phara krưp. Dêh char đei lơ chơnglah krong klah asong teh đak sư.

Mathiơ 2:13

Hlôi đe noh wih boih, Yôsep tep kơmăng apo 'bôh linh jang 'lơ̆ng đơ̆ng 'Bok Kei-Dei khan kơ sư thoi âu: “Jah iung, pŭ nge Yêsu hăm anhăk ba mĕ Sư jăk oei tơ dêh Êyiptơ. Iĕm oei hloi tơ noh tơ̆p inh athei iĕm wih tơ âu na iĕm wih, yua kơ dang ei Hêrôt wă chă nge Yêsu wă pơlôch.”

Bl 11:3

Bơngai âu pơma dơnuh păng bơngai noh khan: “Âu! Bĕ bơ̆n man găch na 'buh lăm ŭnh.” Kơplah noh, găch tơplih kơ tơmo, chai pơm tơmam klep.

Êsai 19:6

Lu glung iĕ jing 'bâu ôm thong đak lăm char Êyiptơ gô hrơ̆ hrĕng kro. 'Nhĕt trang cheng krong lôch ôm đĭ.

Bl 14:10

Lăm thŭng Sidim đei lơ hơlŭng chai jăr; pơtao Sôđôm păng pơtao Gômôrơ thuơ kơdâu puh lăm sơlŭng; gah lu sư huay kơ huŏng kơdâu tŏk tơ kông.

Êsai 35:7

Teh chuơh tŏ gô jing dơnâu, teh hrĕng kro gô đei tu đak mơlĕch lơ. Anih đêl kŏ bri oei gô jing đei 'nhĕt gơlăr păng trang.