Le 2:24 - Sơ̆p Hlabơar Nơ̆r 'Bok Kei-Dei

²⁴ Kră Yang 'Bok Kei-Dei kơtơ̆ng tơdrong ơh sơ'ngon pơmat-tat lu sư, 'blŏk hơdơ̆r tơdrong pơgơ̆p hăm Abraham, Isăk păng Jakôp.

Le 2:24 Referans Kwoze

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Horiso 105:42

Yua kơ Sư 'blŏk kơ nơ̆r pơgơ̆p rơgoh Sư mă đei pơkă hăm Abraham đĭch đam Sư.

Le 6:5

Inh kư̆m đei kơtơ̆ng nơ̆r krao ôr pơmat-tat đơ̆ng kon pơlei Isơrael đơ̆ng bơngai Êyiptơ rôp pơgŏ pơm đĭch păng Inh 'blŏk kơ tơdrong Inh pơgơ̆p.

Horiso 106:45

'Blŏk dơ̆ng kơ lu sư, yua đơ̆ng nơ̆r Sư pơgơ̆p. Yua kơ đơ̆ng tơdrong 'mêm mơnat tih Sư 'mêm mơnat kơ lu sư.

Horiso 102:20

Wă kơtơ̆ng nơ̆r đơ̆ng lu bơnă ôr krao. Păng dŏng pơklaih bơngai mă đe wă pơlôch;

Horiso 22:24

Yua kơ Sư ưh kơ đei pơdê, ưh kơ krưp. Tơdrong pơmat kơ lu đe bu mă pơmat-tat, Kŭm ưh kơ đei ôn muh măt Sư kơ đe noh; Mưh lu sư krao apinh Sư, Sư tơl tơwih hloi

Horiso 138:3

Lăm năr inh krao apinh, Ih tơl tơwih, Ăn kơ jơhngơ̆m inh rai nuih pran kơtang.

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Horiso 22:5

Lu sư krao apinh Ih, na Ih dŏng pơklaih lu sư. Lu sư gơnang kơ Ih huay kơ mơlâu.

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.

Bl 18:18

Yua kơ Abraham gô jing minh adrĕch adrung tih păng pran; rim adrĕch kon bơngai kơpal teh gô đei pŭn hiôk yua kơ đơ̆ng sư.

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

Horiso 79:11

Ăn kơ tơdrong lu bơngai bơnă krao ôr tơtok truh tơ Ih; Kiơ̆ kơ tơdrong mơsêh tih Ih apinh Ih tơgŭm pơklaih bĕ lu bơngai mă đe wă pơlôch.

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”

Jang 7:34

Inh 'bôh boih tơdrong đe Êyiptơ pơđep lu iĕm mă kon Inh. Inh kơtơ̆ng iĕm nhơ̆m hmoi na dang ei Inh jur wă dŏng mơnat kơ lu iĕm. Iung bĕ, Inh wơh ih năm tơ dêh Êyiptơ.’

Bl 8:1

Kră Yang 'Bok Kei-Dei 'blŏk kơ Nôê păng dôm lu sem brem mă mơ̆t hơdai sư lăm duk, na Kră Yang 'Bok Kei-Dei ăn kial tih tơthu bah tơ kơpal teh, na đak sư dơ̆ng.

Bl 15:13

Na Kră Yang khan kơ Abram thoi âu: “Inh khan kơ ih tơpă lu adrĕch adrung ih gô oei tơ lăm minh pôm char ưh kơ trŏ char lu sư, oei tơ ei thoi tơmoi đĕch păng pơm đĭch đam kơ char noh, na char noh gô pơjuă pơđep lu sư lăm puăn-hrĕng sơnăm.

Bl 16:11

Na khan dơ̆ng. “'Nâu, ih oei anăp, ih gô tơpŭ kơ minh 'nu kon drŏ-nglo, ih gô krao anăn sư Ismael, a yua kơ Kră Yang đei kơtơ̆ng tơdrong ih ơh sơ'ngon.

Bl 22:16

Na Kră Yang khan thoi âu: “Yua kơ ih đei pơm boih tơdrong, noh huay kơeng kơ kon ih, mă khan kon pôm ră, na kơdih akâu Inh pơkă pơkăm:

Bl 26:2

Kră Yang tơ'bơ̆p sư păng khan thoi âu: “'Nĕ kơ jur tơ dêh Êyiptơ, athei oei bĕ tơ anih mă Inh gô tơ'bôh kơ ih.

Bl 35:11

Kră Yang 'Bok Kei-Dei khan dơ̆ng thoi âu: Inh boih Kră Yang 'Bok Kei-Dei mơsêh mơyang, ih athei pơjing kon hơ'lơ̆p mă rai lơ; jing minh adrĕch adrung kơdrâ̆m păng lơ adrĕch adrung gô đơ̆ng ih, kư̆m đơ̆ng adrĕch adrung ih gô đei lu pơtao.

Bl 35:12

Char inh mă đei ăn boih kơ Abraham păng Isăk na Inh gô ăn kơ ih păng lu adrĕch adrung ih.

Jo 20:16

Lu nhôn đei krao apinh Kră Yang; sư kơtơ̆ng boih nơ̆r lu nhôn krao khan, na ăn hloi đei minh 'nu linh jang chông tơlĕch nhôn đơ̆ng dêh char Êyiptơ. 'Nâu, dang ei lu nhôn oei lăm pơlei Kades, noh jĭ minh pôm pơlei oei jih sơlam char iĕm.

I Sam 9:16

Năr dơning, kư̆m lăm jơ 'nâu mơ̆n, inh gô wơh minh 'nu bơngai đơ̆ng lăm dêh Bênjamin năm tơ'bơ̆p ih, ih gô tuh đak pơgang ăn kơ sư pơm pơtao đe Isơrael. Sư gô dŏng pơklaih kon pơlei Inh đơ̆ng ti đe Philistin; yua kơ Inh 'blŏk mơnat kơ kon pơlei Inh păng nơ̆r lu sư ôr krao kơtơ̆ng truh tơ Inh.

II Pot 13:23

Mă-lei Kră Yang mơnat tơgŭm wei-lăng lu sư yua kơ Sư pơkă bơih hăm Abraham, Isăk păng Jakôp. Kră Yang ưh kơ wă pơrăm lu sư, ưh kơ achăng lê̆ lu sư truh tơ dang ei.

Horiso 102:2

Lăm năr pơmat-tat, apinh 'nĕ ôn muh măt Ih kơ inh. Apinh Ih pơgling đon mơ̆ng nơ̆r inh; Lăm năr inh krao hơpơi, apinh mă kuăng jah tơl tơwih kơ inh.