Le 19:20 - Sơ̆p Hlabơar Nơ̆r 'Bok Kei-Dei

²⁰ Kră Yang jur kơpal kơ̆l kông Sinai, Krao Môis tŏk tơ kông Môis tŏk hloi.

Le 19:20 Referans Kwoze

Ne 9:13

Ih kư̆m jur tơ kơpal kông Sinai, pơma hăm lu sư đơ̆ng kơpal plĕnh, tơjur ăn kơ lu sư dôm tơdrong trŏ, khôi juăt tơpăt 'lơ̆ng, tơdrong tơtă sĭt.

Horiso 81:7

Lăm năr anat anot iĕm krao apinh, Inh dŏng pơklaih iĕm. Inh tơl tơwih kơ iĕm đơ̆ng anih hlơp lăm grơ̆m glaih, Păng pơlong lăng ih 'bơ̆t tu đak Mêri 'ba. Sêla

Le 34:4

Thoi noh Môis traih hloi 'bar hlak gơ'bang păng tơmo thoi adrol ki. Sư iung đơ̆ng hrôih tŏk tơ kông Sinai, chĕp ba 'bar hlak gơ'bang noh kiơ̆ thoi nơ̆r Kră Yang đei tơtă kơ sư.

Le 34:2

Dơning athei năm bĕ tơ kông Sinai; đơ̆ng hrôih gô inh na gô tơ'bơ̆p Inh tơ kơpal kông.

Le 24:18

Môis mơ̆t tơ tŏk-bŏk hơmơ̆l, tŏk tơ kơpal kông, oei tơ noh lăm puăn-jĭt năr păng puăn-jĭt măng.

Le 19:11

Ăn kơ lu sư kơchăng lăm năr mă pêng, yua năr noh Kră Yang wă jur tơ kơpal kông Sinai 'bơ̆t anăp kon pơlei.

Le 19:3

Môis tŏk tơ kông năm tơ Kră Yang 'Bok Kei-Dei, Kră Yang krao sư đơ̆ng kơpal kông khan: Ih athei roi ăn kơ adrĕch Jakôp păng roi tơbăt dơ̆ng kơ kon pơlei Isơrael:

Both 9:9

Kơplah inh năm tŏk tơ kông iŏk 'bar hlak tơmo lat, 'bar hlak tơmo tơdrong pơgơ̆p mă Kră Yang hlôi pơgơ̆p hăm lu iĕm, inh oei tơ kơpal kông puăn-jĭt năr păng puăn-jĭt măng; ưh kơ sŏng sa kư̆m ưh kơ nhă đak;

Both 33:2

Sư khan: Kră Yang truh đơ̆ng kông Sinai. Pơchrang hơdah kơpal lu bơ̆n đơ̆ng Seirơ, păng rang mơnhal đơ̆ng Kông Paran; Sư truh hăm lơ rơbâu hơngan linh jang, Rang hơdah kơmlat lĕch đơ̆ng ti 'ma Sư.

I Pot 19:11

Kră Yang khan: “Lĕch bĕ păng dơ̆ng 'bơ̆t anăp Kră Yang tơ kơpal kông, yua kơ Kră Yang wă năm trong 'noh.” Đei hloi kial tih tơthu kơtang 'bơ̆t anăp Kră Yang, kial tơthu pơm kơ kông 'noh đah lang păng lu tơmo pơchah đĭ, mă-lei Kră Yang ưh kơ đei lăm kial 'noh. Đơ̆ng rŏng kơ kial hơbŭt 'noh đei teh tơdrŏ, mă-lei Kră Yang kư̆m ưh kơ đei lăm teh tơdrŏ.

Le 24:15

Thoi noh, Môis tŏk tơ kơpal kông, hơmơ̆l gom lê̆ kông.