Le 18:22 - Sơ̆p Hlabơar Nơ̆r 'Bok Kei-Dei

²² Wă kơ lu sư chă sek tơlang ăn kơ kon pơlei rim năr. Tơdah đei tơdrong truh tih, lu sư athei ba tơ ih; na mă dôm tơdrong iĕ, lu sư chă sek tơlang kơdih. Lei na tơdrong jang ih hơiơch 'biơ̆; lu sư gô wang pŭ tơdrong jang hơdai ih.

Le 18:22 Referans Kwoze

Jo 11:17

Na Inh gô jur, pơma dơnuh hăm ih tơ noh; Inh gô iŏk ăn Yang Bơhngol Inh oei lăm ih păng oei lăm lu sư mơ̆n, wă kơ lu sư wang pŭ tơdrong trăp kon pơlei hơdai ih păng ih huay pă pŭ minh drô̆ ih.

Jo 36:1

Lu yŏng kơdră Gileat, kon drŏ-nglo Makir, sâu Manase, lăm adrĕch adrung kon sâu Jôsep, năm jê̆ păng pơma tơm măt kơ Môis păng lu yŏng kơdră lu bơngai Isơrael,

Jo 27:2

Lu sư năm dơ̆ng 'bơ̆t anăp Môis păng Êlêasar 'bok soi, 'bơ̆t anăp lu kră pơgơ̆r păng 'bơ̆t 'măng Bơsŭn Anih Akŭm păng khăn, na khan:

Jo 15:33

lu bơngai mă tơ'bơ̆p bơngai noh oei dônh 'long ŭnh chông ba sư tơ Môis, Arôn păng tơ đĭ-đăng khŭl tơpôl akŭm.

Lêwi 24:11

Kon bơngai drŏ-kăn Isơrael noh pơma blông păng hiap kơ anăn Kră Yang đe chông ba sư tơ Môis. Anăn mĕ sư Sôlômit, kon yă Dibri, đơ̆ng adrĕch adrung Đan.

Le 18:26

lu sư chă sek tơlang kơ kon pơlei ling-lang. Dôm tơdrong anat lu sư ba ăn tơ Môis sek mă-lei lu sư sek tơlang dôm lu tơdrong iĕ 'bônh.

Rom 13:6

Thoi noh na mă sư iŏk thuê̆ đơ̆ng bơ̆n trŏ tơpă, yua kơ lu sư dang jang tơdrong 'Bok Kei-Dei.

Le 18:18

Tơpă, ih hăm kon pơlei oei hơdai ih gô rơdu rơmơ̆n ưh kơ weh ôh, tơdrong noh trăp dêh kơ ih, minh 'nu ih pŭ ưh kơ kĕ ôh.

Le 18:23

Tơdah ih pơm thoi noh păng Kră Yang 'Bok Kei-Dei kư̆m ăn thoi noh mơ̆n, ih gô kĕ pơm keh đang đĭ dôm tơdrong jang păng đĭ-đăng kon pơlei kư̆m đei jơhngơ̆m hiôk hơđơ̆ng wih brŏk tơ hnam.

Esơra 7:25

Gah ih, ơ Esơra, kiơ̆ kơ tơdrong hơgei Kră Yang 'Bok Kei-Dei ih, đei boih lăm ti ih, pơjing bĕ lu 'bok wei-lăng, 'bok sek tơlang, jĭ lu bơngai hlôh băt tôm khôi juăt Kră Yang 'Bok Kei-Dei ăn kơ ih, wă kơ lu sư sek tơlang ăn đĭ kon pơlei oei gah bơmơ̆t kơ đak krong; na lu đe bu mă ưh kơ băt khôi juăt, ih athei bơtho lu sư wă kơ băt.