Le 16:7 - Sơ̆p Hlabơar Nơ̆r 'Bok Kei-Dei

⁷ Na pơgê dơning lu iĕm gô 'bôh tơdrong ư-ang tih Kră Yang, yua kơ Sư kơtơ̆ng boih nơ̆r lu iĕm hil jŏk kơ Sư, lu nhôn âu bu na mă lu iĕm mah hil jŏk kơ lu nhôn?

Le 16:7 Referans Kwoze

Êsai 40:5

Kơplah noh tơdrong ư-ang Kră Yang gô pơdah păng đĭ-đăng kon bơngai gô lăng 'bôh; yua kơ 'bơ̆r Kră Yang pơma bơih thoi noh.

Jo 16:11

Yua kơ thoi noh ih păng lu khŭl kiơ̆ ih oei pơgơ̆p chă đon wă blah Kră Yang! Arôn noh bu mă lu iĕm hil jŏk kơ sư?

Yo 11:40

Yêsu khan kơ sư: “Inh khan kơ ih boih, dah ih lui ih gô 'bôh tơdrong mơsêh mơyang đơ̆ng 'Bok Kei-Dei.”

Yo 11:4

Yêsu kơtơ̆ng thoi noh na khan: “Tơdrong jĭ sư 'noh huay kơ lôch ôh. Tơdrong jĭ 'noh wă kơ đe ư-ang kơ 'Bok Kei-Dei păng ư-ang kơ Kon Sư mơ̆n.”

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Le 40:34

Hơmơ̆l gom Bơsŭn Anih Akŭm păng tơdrong hơdah rang mơnhal Kră Yang 'bĕnh kơ Bơsŭn,

Le 16:10

Kơplah Arôn oei pơma hăm kon pơlei Isơrael, lu sư lăng tơ gah tơmăn glă, 'bôh tơdrong ư-ang rang hơdah tih Kră Yang tơ hơmơ̆l.

Jo 16:42

Kơplah lu khŭl kon pơlei oei pơma kơ Môis păng Arôn, lu sư lăng tơ gah Bơsŭn Anih Akŭm 'bôh hơmơ̆l gom Bơsŭn păng đei tơdrong ư-ang rang mơnhal Kră Yang pơchrang.

Jo 14:10

Kơplah noh lu kon pơlei Isơrael akŭm wă klơ̆m bre sư tơmo, mă-lei đei tơdrong rang mơnhal Kră Yang đei pơdah pơchrang tơ Bơsŭn Anih Akŭm 'bơ̆t anăp lu kon pơlei Isơrael Akŭm.

Jo 14:27

Oei pă dang yơ dơ̆ng Inh gô mơ̆ng lu tơpôl bơngai kơnê̆ âu jŏk? Inh đei kơtơ̆ng boih lu tơpôl kon pơlei Isơrael jŏk chrih kơ Inh.

Le 24:16

Tơdrong rang hơdah 'lơ̆ng Kră Yang tơ kơpal kông Sinai; lăm tơdrâu năr hơmơ̆l gom kông, truh năr mă tơpơh Kră Yang đơ̆ng lăm hơmơ̆l krao Môis.

Le 24:10

Tơmang 'bôh Kră Yang 'Bok Kei-Dei Isơrael tơ ala jơ̆ng Sư đei minh pôm tơmam thoi trong lơ̆k tơmo gĭt rang, nhen thoi hơdah plĕnh.

Lêwi 9:6

Môis khan: 'Nâu tơdrong mă Kră Yang tơtă, lu iĕm pơm bĕ na tơdrong ư-ang Kră Yang gô tơ'bôh kơ lu iĕm.

Le 16:12

Inh kơtơ̆ng boih nơ̆r kon pơlei Isơrael hil jŏk. Na ih athei khan kơ lu sư: Gơsơ̆ kơnh lu iĕm gô sa 'nhĕm hrăp; pơgê dơning lu iĕm gô sa 'bĕng phĭ rơkah; na lu iĕm gô băt Inh boih Kră Yang 'Bok Kei-Dei lu iĕm.

Le 16:8

Môis khan dơ̆ng: Lu iĕm gô 'bôh Kră Yang ăn 'nhĕm sa kơsơ̆ 'nâu, 'bĕng sa pơgê dơning, yua kơ Kră Yang kơtơ̆ng boih nơ̆r lu iĕm hil jŏk kơ Sư. Lu nhôn âu bu? Dôm nơ̆r lu iĕm hil jŏk ưh kơ trŏ kơ hil jŏk kơ lu nhôn ôh, mă tơpă noh iĕm hil jŏk kơ Kră Yang.

Jo 17:5

Bơngai bu mă inh rơih iŏk, 'long jra noh đei bluh pơkao; thoi noh Inh wă chĭt lê̆ 'bơ̆r lu bơngai Isơrael mă đei jŏk pơjah hăm lu iĕm.