Le 15:11 - Sơ̆p Hlabơar Nơ̆r 'Bok Kei-Dei

¹¹ Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Le 15:11 Referans Kwoze

I Pot 8:23

Păng khan; “Ơ Kră Yang lu bơngai Isơrael, mă oei tơ kơpal plĕnh ti dah tơ anih âu, ưh kơ đei yang nai thoi Ih, Ih 'mêm mơnat kơ lu đĭch đam Ih păng wei răk dôm nơ̆r Ih đei pơkă pơkăm hăm lu sư. Bu mă đĭ jơhngơ̆m năm păng oei hăm Ih.

I Sam 2:2

Ưh kơ đei bu 'lơ̆ng rơgoh thoi Kră Yang ôh, Ưh kơ đei bu nai thoi Ih; ưh kơ đei tơmo ayơ pĕng lu nhôn thoi Kră Yang 'Bok Kei-Dei.

II Sam 7:22

Ơ Kră Yang, Kră Yang inh, Ih boih Kră Yang Tih Hloh ưh kơ đei bu hơtŏ kơ Ih, păng ưh kơ đei Kră Yang 'Bok Kei-Dei nai hloh kơ Ih, thoi kơ đon nhôn đei kơtơ̆ng boih.

Tơdrông Tơ'bôh 4:8

Rim kơ puăn anăn noh đei tơdrâu hlak pơnăr păng đei klong măt rŏng anăp jơ̆p-jang kơ akâu. Lu sư hơri ư-ang 'Bok Kei-Dei măng năr pă pơdơh 'bơ̆r. Tơdrong lu sư hơri ei thoi âu: “Ô 'lơ̆ng tơpă, ô kăl tơpă 'Bok Kei-Dei Kră Yang Tih Hloh. Pôm Ih đĕch 'lơ̆ng tơpăt. Ih đei đơ̆ng sơ̆ khơ̆ dang ei păng Ih gô jur ning-mônh.”

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Both 3:24

Ơ Kră Yang, Ih hlôi tơ'bôh kơ đĭch đam Ih tơdrong krưp tih păng tơpang ti mơyang Ih, yua kơpal plĕnh ala teh âu ưh kơ đei yang ayơ gơh pơm tơdrong mơsêh mơyang thoi Ih.

Horiso 86:8

Ơ Kră Yang, lăm lu yang ưh kơ đei bu thoi Ih; Dôm tơdrong jang lu sư kư̆m ưh kơ đei thoi tơdrong jang Ih.

Horiso 77:14

Ih boih Kră Yang 'Bok Kei-Dei oei pơm tơdrong hlĭch chrơp, Ih đei tơ'bôh boih tơdrong mơsêh Ih kơ kon pơlei.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”

Êsai 40:25

Tơ'ngla 'Lơ̆ng Rơgoh khan: “Lu iĕm wă pơting Inh hăm bu?” Bu hơtŏ hăm Inh?

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Horiso 77:19

Ih yak lăm đak dơsĭ. Trong Ih rok đak dơsĭ jrŭ, mă-lei đêl jơ̆ng Ih ưh kơ đei bu 'bôh.b

Êsai 40:18

Lu iĕm hăm gơh pơting Kră Yang 'Bok Kei-Dei hăm bu? Iĕm iŏk hơbŏ kiơ wă pơtih hăm Sư?

Horiso 35:10

Lu kơting inh khan: “Ơ Kră Yang. Bu thoi Ih, Ih pơklaih lu bơngai tơrăn đơ̆ng lu bơngai pran hloh kơ sư. Tơgŭm lu bơngai pơmat păng lu bơngai dơnuh hoh kơđei đơ̆ng ti lu bơngai tơtông tơgar.”

Le 8:10

Pơtao tơl khan: Năr dơning, Môis khan: Lei ăn kơ nơ̆r ih pơma noh jing thoi noh, wă kơ ih băt ưh kơ đei bơngai bu thoi Kră Yang 'Bok Kei-Dei lu nhôn.

Horiso 66:5

Năm lăng, bĕ dôm tơdrong jang Kră Yang 'Bok Kei-Dei: Tơdrong jang Sư pơm kơ kon bơngai trŏ hli yom tơpă.

Je 49:19

'Nâu, thoi dăm-brang đơ̆ng bri brah Krong Jôrđăn năm mơ̆t lăm tơmăn 'nhĕt hơdrih 'lơ̆ng, Inh gô puh hloi lu bơngai Êđôm, Inh gô ăn yŏng pơgơ̆r sư kiơ̆ kơ Inh rơih iŏk, Bu thoi Inh? Bu pơ̆n athei Inh? Bơngai wei triu bu pơ̆n blah Inh?

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Horiso 145:17

Kră Yang boih 'lơ̆ng tơpăt lăm rim trong Sư. Băt 'mêm kơ rim tơdrong jang Sư.

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Luka 12:5

Iĕm athei hli kơ 'Bok Kei-Dei mă gơh pơlôch akâu iĕm păng gơh hơtat iĕm tơ dơnâu ŭnh. Minh 'nu 'Bok Kei-Dei đĕch iĕm athei hli yom.

Horiso 90:11

Bu băt tơdrong kơtang mă Kră Yang hil? Bu kĕ băt tơdrong Ih hil mĭl, sư gô jing thoi yơ?

Lêwi 19:2

Roi tơbăt ăn bĕ kơ đĭ-đăng kon pơlei Isơrael khŭl akŭm, lu iĕm athei oei sa mă 'lơ̆ng rơgoh bĕ, yua kơ Inh Kră Yang lu iĕm 'lơ̆ng rơgoh.

Êsai 30:11

Weh bĕ trong nai, tơklah bĕ đơ̆ng trong noh lê̆ pă roi gah Tơ'ngla 'Lơ̆ng Rơgoh đe Isơrael, weh bĕ đơ̆ng muh măt lu nhôn.”

Horiso 89:18

Ih jơ̆ khêl pĕng lu nhôn. Kră Yang 'lơ̆ng rơgoh Isơrael jơ̆ pơtao lu nhôn.

Tơdrông Tơ'bôh 13:4

Na kon bơngai đei mơ'nah kơkuh kơ yă-grai ei, yua kơ yă-grai ei pơjao kơ sem ei gơh pơgơ̆r. Lu sư kư̆m kơkuh kơ sem ei mơ̆n. Lu sư khan: “Hăm đei bu tih atŏ kơ sem âu, hăm đei bu kĕ blah sư? Ưh kơ đei ôh.”

Le 3:20

Mă-lei inh gô chro ti pơm kơ dêh Êyiptơ hăm tơdrong mơsêh hlĭch tơ lăm dêh 'noh, đơ̆ng rŏng kơ 'noh sư gô ăn kơ iĕm năm.

Le 9:14

'Bơ̆t jơ 'nâu, Inh gô tuh tơdrong pơmat jĭ lăm jơhngơ̆m ih đĭch đam ih; păng kon pơlei ih, wă kơ ih băt, jơ̆p kơ teh đak ưh kơ đei bu thoi Inh.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Le 20:3

Minh 'nu Inh đĕch, iĕm 'nĕ kơ đei lu yang nai.

II Ho 2:5

Hnam mă inh wă pơm tih dêh tơpă. Yua kơ Kră Yang 'Bok Kei-Dei lu nhôn tih dêh hloh kơ lu yang nai.

II Ho 6:14

Sư khan: “Bơnê kơkuh kơ Ih Kră Yang 'Bok Kei-Dei Isơrael kơpal plĕnh păng ala teh ưh kơ đei yang kiơ nai mă thoi Ih wei răk dôm nơ̆r đêl pơkă wă 'mêm mơnat kơ đĭch đam Ih, mưh lu sư đĭ jơhngơ̆m năm kiơ̆ Ih.

Horiso 22:23

Ơ lu bơngai băt hli yom kơ Kră Yang, bơnê bĕ kơ Sư, Ơ đĭ-đăng adrĕch Jakôp, kơkuh ư-ang bĕ kơ Sư, Ơ đĭ-đăng adrĕch adrung Isơrael hli yom bĕ kơ sư.

Horiso 113:5

Bu đei thoi Kră Yang 'Bok Kei-Dei lu bơ̆n? Tơ'ngla oei lăm anih kơpal hloh;

Horiso 136:4

Lăp minh 'nu Sư đĕch mă pơm mơsêh hlĭch dêh. Tơdrong 'mêm Sư oei oei ling-lang.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Le 8:6

Na, Arôn yơ̆r ti sư tơklă đak krong dêh Êyiptơ, kit tih iĕ mơmŏ tŏk lanh 'bĕnh jơ̆p-jang hloi dêh Êyiptơ.

Both 1:30

Kră Yang 'Bok Kei-Dei lu iĕm năm adrol, sư gô tơblah dŏng lu iĕm, kư̆m thoi sư đei pơm boih 'bơ̆t anăp lu iĕm tơ dêh Êyiptơ.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

I Ho 16:25

Yua kơ Kră Yang tih krưp tơpă, trŏ kơkuh bơnê. Trŏ kơ hli pơyom hloh kơ đĭ-đăng lu yang.

Horiso 60:2

Ih pơm boih kơ teh tơdrŏ, păng pơm kơ lu sư hơđang. Apinh Ih hơmet ming lu hơđang sư noh, yua kơ đêl sư pơpơ̆.

Horiso 77:11

Inh tơ'blŏk dơ̆ng kơ dôm tơdrong jang Kră Yang, Inh 'blŏk dơ̆ng kơ lu tơdrong mơsêh hlĭch Ih pơm sơ̆

Horiso 86:10

Ih Kră Yang mơsêh, pơm tôm tơdrong hlĭch chrơp; Lăp minh 'nu Ih đĕch Kră Yang 'Bok Kei-Dei.

Êsai 46:9

Lu iĕm athei 'blŏk hơdơ̆r bĕ chăl adrol sơ̆, yua kơ Inh bơih Kră Yang 'Bok Kei-Dei ưh kơ đei yang nai ôh; Inh jơ̆ 'Bok Kei-Dei ưh kơ đei bu dang Inh.