Le 14:14 - Sơ̆p Hlabơar Nơ̆r 'Bok Kei-Dei

¹⁴ Kră Yang gô tơblah tơgŭm iĕm, lu iĕm kư̆ oei mă hơđơ̆ng.

Le 14:14 Referans Kwoze

Both 3:22

'Nĕ kơ hli lu teh đak noh; yua kơ Kră Yang 'Bok Kei-Dei lu iĕm gô blah dŏng lu iĕm.

Both 20:4

Yua kơ Kră Yang 'Bok Kei-Dei lu iĕm gô năm hơdai hăm lu iĕm, tơblah lu ayăt dŏng lu iĕm păng ăn jei lu iĕm.

II Ho 20:17

Lu iĕm huay kơ kăl kơ tơblah; săp bĕ, lu linh oei hreh tơ noh, na lăng tơdrong Kră Yang, Tơ'ngla oei hơdai iĕm gô dŏng pơklaih iĕm. Ơ bơngai Juđa păng kon pơlei Jêrusalem 'nĕ kơ hli 'nĕ kơ tơrơ. Dơning năm tơ'bơ̆p lu sư bĕ! Kră Yang oei hơdai iĕm.”

Jôsuê 23:3

Lu iĕm 'bôh boih tôm tơdrong Kră Yang 'Bok Kei-Dei lu iĕm hlôi pơm kơ adrĕch adrung âu yua kơ lu iĕm; kơdih akâu Kră Yang 'Bok Kei-Dei lu iĕm hlôi tơblah ăn kơ lu iĕm.

Both 1:30

Kră Yang 'Bok Kei-Dei lu iĕm năm adrol, sư gô tơblah dŏng lu iĕm, kư̆m thoi sư đei pơm boih 'bơ̆t anăp lu iĕm tơ dêh Êyiptơ.

Jôsuê 23:10

Minh 'nu lăm lu iĕm gơh pơpuh rơbâu 'nu ayăt; yua kơ Kră Yang 'Bok Kei-Dei lu iĕm tơblah ăn kơ lu iĕm, thoi Sư đei pơkă boih.

Êsai 30:15

'Nâu Kră Yang, Tơ'ngla 'Lơ̆ng Rơgoh đe Isơrael khan: “Lu iĕm gơh klaih đơ̆ng lu iĕm wơ̆t brŏk dơ̆ng păng pơdơh lăm Inh. Lu iĕm gô đei jơhngơ̆m pran, yua kơ lu iĕm oei hơđơ̆ng păng gơnang kơ Inh. Mă-lei lu iĕm ưh kơ wă kơ thoi noh.

II Ho 20:29

Wă lu kon pơlei pơla kơtơ̆ng kơ tơdrong Kră Yang blah pơrăm lu ayăt kơ bơngai Isơrael, na lu sư hli tơpă kơ Kră Yang 'Bok Kei-Dei.

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Le 15:3

Kră Yang thoi linh tơblah; Anăn Sư Kră Yang.

Le 14:25

Kră Yang pơm kơ lu jơ̆ng gre lu sư, tơplôh lu sư tŭn hor pơmat-tat gre aseh pă gơh kơdâu. Na bơngai Êyiptơ khan dih băl: Bĕ bơ̆n kơdâu weh đơ̆ng kon pơlei Isơrael, yua kơ Kră Yang tơblah bơngai Êyiptơ dŏng lu sư.

Ne 4:20

Tơ anih ayơ lu iĕm kơtơ̆ng đe hlôm keng, na akŭm pơpôi băl tơduă lu iĕm tơ noh; Kră Yang 'Bok Kei-Dei lu bơ̆n gô blah dŏng lu bơ̆n.

Horiso 83:1

Ơ Kră Yang 'Bok Kei-Dei 'nĕ kơ ngăn, ơ Kră Yang 'Bok Kei-Dei, 'nĕ kơ ĕnh 'nĕ kơ dơ̆ng đĕch.

Jôsuê 10:42

Lăm minh kơchon noh Jôsuê blah rôp lu pơtao păng blah iŏk pơlei tơring char 'nâu, yua kơ Kră Yang 'Bok Kei-Dei Isơrael, tơblah ăn kơ Isơrael.

Jôsuê 10:14

Đơ̆ng sơ̆ ưh tam biơh khơ̆ ning-mônh ưh kơ đei layơ thoi năr noh, 'noh jing năr Kră Yang mơ̆ng nơ̆r kon bơngai. Tơpă Kră Yang tơblah dŏng kon pơlei Isơrael.

Jôsuê 10:10

Kră Yang pơm ăn kơ lu linh ayăt hli rŭng răng kơdâu tơklah tơklang 'bơ̆t anăp linh Isơrael, lu bơngai Isơrael tơblah ayăt jei jơnei tih jê̆ pơlei Gibeôn, lu linh Isơrael druh lu ayăt tŏk tơ trong suăn kơ pơlei Bêt Hôrôn, blah drŭt lu sư truh tơ pơlei Asêka păng pơlei Makkêđa.

Lu 5:20

Lu sơnglŏng tơ plĕnh kư̆m tơblah; Kiơ̆ kơ trong lu sư, na năm blah Sisêra.

Le 14:15

Kră Yang khan kơ Môis: Liơ lu iĕm ôr krao chă Inh? Khan kơ kon pơlei Isơrael kư̆ yak tơ anăp;

I Sam 4:7

Kon pơlei Philistin lu sư hli, lu sư khan: Lu yang 'nao truh lăm kơđông linh. Đơ̆ng noh lu sư ôr khan Răm boih kơ lu bơ̆n! Mă đơ̆ng sơ̆ ưh tam lah kơtơ̆ng khan đei tơdrong truh thoi noh.

II Ho 20:15

Sư khan: “Ơ pơtao Jêhôsaphat, bơngai Juđa đơ̆ng jơ̆p pơlei păng kon pơlei oei lăm pơlei Jêrusalem, mơ̆ng bĕ! Kră Yang khan: ‘Lu iĕm 'nĕ kơ hli, 'nĕ tơrơ kơ lu linh lơ kơdrâ̆m 'nâu, yua kơ tơdrong tơblah 'nâu ưh kơ sĭ kơ lu iĕm ôh, 'nâu kơ Kră Yang 'Bok Kei-Dei.’

Ne 4:14

Inh iung chă lăng păng pơma dơnuh hăm lu bơngai mơdrŏng, lu bơngai pơm kuan tih păng lu kon pơlei thoi âu: 'Nĕ kơ hli kơ lu sư; athei 'blŏk kơ Kră Yang Tih Hloh păng trŏ kơ pơyom kơkuh, adrin tơblah dŏng lu 'nhŏng oh, dŏng kon tơdăm kon adruh lu bơ̆n, dŏng akăn păng hnam dơnŏ lu bơ̆n.

Ne 9:11

Ih tơklah lê̆ đak dơsĭ 'bơ̆t anăp lu sư. Lu sư yak tŏk-bŏk đak dơsĭ hlôi thoi nơnăm kơpal teh hrĕng kro, bĕ lu bơngai druh, Ih klơ̆m lê̆ lu sư tơ sơlŭng jrŭ, nhen thoi klơ̆m tơmo lăm đak tih.

Horiso 35:1

Ơ Kră Yang, pơjah pơjăng bĕ, a hăm lu bơngai pơjah pơjăng hăm inh. Tơblah bĕ hăm lu bơngai tơblah păng inh.

Nhom 3:26

'Lơ̆ng dêh bơngai bu chang gô păng kĕ ĕnh gô tơdrong dŏng pơklaih đơ̆ng Kră Yang.