Le 12:31 - Sơ̆p Hlabơar Nơ̆r 'Bok Kei-Dei

³¹ Lĕch đơ̆ng Êyiptơ lăm măng noh mơ̆n, Pharaôn krao hloi Môis păng Arôn na khan: Iung bĕ, măr iĕm păng kon pơlei Isơrael jah weh đơ̆ng kon pơlei inh, năm kơkuh kơ Kră Yang, kiơ̆ thoi lu iĕm apinh.

Le 12:31 Referans Kwoze

Le 6:1

Kră Yang pơma hăm Môis khan: Dang ei ih gô 'bôh dôm tơdrong Inh wă pơm kơ Pharaôn; yua đơ̆ng ti mơsêh mơyang Inh athei pơtao 'noh sư gô achăng kon pơlei păng puh tơlĕch hloi kon pơlei Isơrael đơ̆ng dêh sư.

Horiso 105:38

Bơngai Êyiptơ chhôk hal dêh kơ Isơrael weh năm, Yua kơ lu sư hli krưp dêh kơ bơngai Isơrael.

Le 10:9

Môis tơl khan: Lu nhôn năm, gô chông đĭ-đăng lu kon drŏ-nglo drŏ-kăn 'lơ̆p 'lŏ hơmuh hơmŏng păng lu kră, khŭl triu, rơmo, yua kơ lu nhôn, wă hơmet tơmam et sa tih kơkuh kơ Kră Yang.

Le 8:8

Pharaôn krao hloi Môis păng Arôn na khan: Krao khan bĕ kơ Kră Yang wă kơ Sư puh kit weh đơ̆ng inh păng đơ̆ng kon pơlei inh; na inh gô achăng kon pơlei Hêbrơ năm pơyơ̆r tơmam soi kơkuh kơ Kră Yang.

Le 11:8

Đĭ-đăng lu đĭch đam ih gô năm truh tơ inh, kơkuh 'bơ̆t anăp inh khan: Năm bĕ, ih hăm đĭ-đăng kon pơlei kiơ̆ ih! Đơ̆ng noh inh gô năm. Môis lĕch hloi đơ̆ng Pharaôn lăm jơhngơ̆m sư ơh blĕk dêh tơpă.

Le 10:29

Môis khan: Ih pơma trŏ boih; inh ưh pă wă tơ'bơ̆p ih dơ̆ng ôh.

Le 8:25

Pharaôn krao hloi Môis păng Arôn na khan: Năm bĕ pơyơ̆r tơmam soi kơ Kră Yang 'Bok Kei-Dei lu iĕm tơ lăm dêh âu:

Le 11:1

Kră Yang khan kơ Môis: Inh gô ăn tơdrong truh dơ̆ng kơ Pharaôn păng dêh Êyiptơ; đơ̆ng noh sư gô achăng lê̆ lu iĕm năm. Mưh sư ăn kơ lu iĕm năm, sư kư̆m gô pơpuh lu iĕm lĕch đĭ đơ̆ng anih 'nâu.

Le 12:39

Lu sư pơm 'bĕng ưh kơ đei 'buih pông tơpŭng mă lu sư chĕp ba đơ̆ng dêh Êyiptơ. Tơpŭng ưh kơ đei hrâu 'buih pông ôh yua kơ đe puh lu sư hăt hot dêh lĕch đơ̆ng dêh Êyiptơ, ưh kơ gơh hiơ̆ păng kư̆m ưh kơ đei hơmet hiă lê̆ tơmam sa kơdih.

I Sam 6:6

Liơ mă lu iĕm oei arăng kơ̆l thoi lu bơngai Êyiptơ păng Pharaôn pơm. Iĕm hăm 'blŏk ưh Kră Yang phak pơmat lu sư thoi yơ, na mah ăn kơ kon pơlei năm.