Le 11:7 - Sơ̆p Hlabơar Nơ̆r 'Bok Kei-Dei

⁷ Mă-lei, lăm đĭ-đăng kon pơlei Isơrael hiôk-hian mă đơ̆ng kon kŏ kư̆m gô ưh kơ kuăl, mă kon bơngai, mă sem dơrong; wă kơ lu iĕm băt kơ Kră Yang ăn kơ kon pơlei Isơrael hăm bơngai Êyiptơ phara.

Le 11:7 Referans Kwoze

Jôsuê 10:21

Khŭl linh wih brŏk hơdai hăm Jôsuê hiôk-hian tơ lăm anih kơđông Makkêđa, ưh kơ đei bơngai bu pơ̆n wă pơma kơnê̆ kơ kon pơlei Isơrael dơ̆ng.

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

Le 10:23

lăm pêng năr noh lu đe ưh kơ gơh 'bôh dih băl ưh kơ đei bu gơh chă rơrĭ tơ nai. Mă-lei lăm tơring kon pơlei Isơrael oei tơ noh đei hơdah jơ̆p-jang.

Le 8:22

Mă-lei năr noh, lăm tơring Gôsen, anih kon pơlei Inh oei, ưh kơ đei roi wŏng iam, wă kơ ih băt kơ Inh, Kră Yang oei lăm dêh 'nâu.

Le 9:4

Kră Yang gô klah lê̆, sem dơrong lu bơngai Isơrael ưh kơ đei minh pôm lôch kơ toi, sem dơrong lu bơngai Êyiptơ đei lôch kơ toi đĭ.

Jop 5:16

Thoi noh lu bơngai dơnuh hoh đei chang hơmĕng, lu bơngai kơnê̆ Kră Yang pơŏm lê̆ 'bơ̆r.”

I Kor 4:7

Bu pôk ih pơm tih hloh kơ đe? 'Bok Kei-Dei ăn kơ ih tôm tĕch tôm-tơ̆l tôm tơdrong ih gĭt ih wă, mă-lei ih oei pơang akâu kơdih thoi noh na ih kư̆m dang lĕ khan dôm tơdrong ih đei noh ih đei kơdih ngăl.

Le 7:22

Kơplah noh lu 'bok pơjâu tơwir bơngai Êyiptơ kư̆m gơh pơm tơwir lei-lăi thoi noh, na jơhngơ̆m Pharaôn, oei arăng ưh kơ chu, ưh kơ mơ̆ng Môis păng Arôn tŏ sĕt, trŏ thoi nơ̆r Kră Yang đei khan.

Le 9:26

Lăp pă minh tơring Gôsen đĕch anih kon pơlei Isơrael oei mă ưh kơ đei 'mi prĕl truh tơ noh.

Horiso 7:12

Tơdah lu bơngai kơnê̆ ưh kơ tơbral, Kră Yang 'Bok Kei-Dei gô pat đao Sư, Hơ'năk lê̆ hră Sư răp tơ noh

Le 8:19

Lu bơngai pơjâu khan kơ Pharaôn, 'Nâu boih hơnglâu ti Kră Yang 'Bok Kei-Dei; mă-lei Pharaôn oei arăng kơ̆l ưh kơ chu, ưh kơ mơ̆ng Môis păng Arôn thoi nơ̆r Kră Yang khan boih.