Le 1:17 - Sơ̆p Hlabơar Nơ̆r 'Bok Kei-Dei

¹⁷ Mă-lei lu yă kơ'mĭn đe tơpŭ mă băt hli yom kơ Kră Yang 'Bok Kei-Dei ưh kơ đei pơm kiơ̆ nơ̆r pơtao Êyiptơ pơkă pơkăm, sư rong đĭ lu nge drŏ-nglo arih ngăl.

Le 1:17 Referans Kwoze

Jang 5:29

Pêtrôs tơl tang lu bôl sư: “Nhôn athei chu Kră Yang 'Bok Kei-Dei đĕch, nhôn ưh kơ wă chu kon bơngai ôh.

Le 1:21

Yua kơ lu yă kơ'mĭn đei jơhngơ̆m hli yom tơpă kơ Kră Yang 'Bok Kei-Dei, na Kră Yang 'Bok Kei-Dei ăn kơ hnam dơnŏ lu sư hiôk jơnap,

Luka 12:5

Iĕm athei hli kơ 'Bok Kei-Dei mă gơh pơlôch akâu iĕm păng gơh hơtat iĕm tơ dơnâu ŭnh. Minh 'nu 'Bok Kei-Dei đĕch iĕm athei hli yom.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Da 6:13

Lu sư tơl păng khan kơ pơtao thoi âu: Đaniel minh 'nu lăm lu kon sâu Juđa mă pơm đĭch, sư ưh kơ wă mơ̆ng, ưh kơ wă pơyom kơ pơtao hơya tŏ sĕt, ơ pơtao, mă truh tơdrong pơtao pơkơ̆m păng kĭ anăn boih ră, mă-lei sư kư̆ oei krao khan rim năr pêng wơ̆t.

Tơdrông Pơđơk 16:6

Đơ̆ng 'mêm băt sĭt tơdrong yoch gơh klaih; Đơ̆ng hli yom kơ Kră Yang na gơh weh đơ̆ng tơdrong kơnê̆.

Bôk Bơthô 8:12

Yua kơ lu bơngai mă pơm kơnê̆ hơdôm hrĕng wơ̆t, kư̆m oei arih sot; lei ră inh băt lu bơngai hli yom kơ Kră Yang 'Bok Kei-Dei, sĭt gô đei tơdrong pŭn hiôk yua lu sư hli yom Kră Yang 'Bok Kei-Dei.

Horiso 31:19

Tơdrong 'lơ̆ng tơpăt Ih tih dêh, Mă ăn boih kơ lu bơngai hli yom kơ Ih păng ăn boih kơ lu bơngai năm kơ'nơp lăm Ih. 'Bơ̆t anăp lu kon bơngai.

Bl 42:18

Truh năr mă pêng; Jôsep khan kơ lu sư thoi âu: Inh hli kơ Kră Yang 'Bok Kei-Dei; athei pơm thoi âu, na gơh arih.

Hôsia 5:11

Đe pơjuă pơđep boih lu bơngai Êphraim, pơchah pơchek lu sư lăm năr sek tơlang, yua kơ lu sư lăp đon rơih boih kiơ̆ lu yang nai.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Ne 5:15

Mă-lei lu kră wei-lăng adrol kơ inh pơgŏ kon pơlei tơgŭm tơmam sa păng sik, 'nguaih kơ puăn-jĭt sêikơl jên hu; lu bơngai đĭch đam kiơ̆ wei-lăng sư kư̆m wang chă apinh đơ̆ng kon pơlei đơ̆ng, mă-lei gah inh ưh kơ pơm thoi noh ôh; yua kơ hli yom kơ Kră Yang 'Bok Kei-Dei.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Bl 20:11

Abraham tơl: “Inh tơchĕng lăm dêh char âu ưh kơ đei bu băt hli yom kơ Kră Yang 'Bok Kei-Dei; na lu sư gô pơlôch inh, yua kơ 'ngeng kơ akăn inh.

Le 1:18

Pơtao dêh Êyiptơ krao lu yă kơ'mĭn ei khan: Liơ mă lu iĕm pơm thoi noh, rong lu kon drŏ-nglo arih ngăl?

I Sam 22:17

Pơtao khan kơ lu bơngai pơm đam kơ'yĕng sư dơ̆ng jê̆ sư thoi âu: Năm pơlôch bĕ, lu 'bok soi đơ̆ng Kră Yang yua kơ lu sư tơgŭm Đawit, băt kơ sư ôn mă ưh kơ roi kơ inh băt; mă-lei lu đĭch đam pơtao ưh kơ pơ̆n wă pơlôch lu 'bok soi đơ̆ng Kră Yang.

II Sam 24:4

Lei ră nơ̆r pơtao pơkă, ưh kơ đei tơplih, na Jôap păng lu yŏng linh, khŏm athei năm jô̆ kơ̆l kon bơngai jơ̆p kơ teh đak Isơrael.

Esther 3:3

Lu bơngai jang lăm anih pơtao khan kơ Morđêkai. Liơ ih ưh kơ chu, kuă kiơ̆ nơ̆r pơtao pơkă?