Kôlôsê 2:14 - Sơ̆p Hlabơar Nơ̆r 'Bok Kei-Dei

¹⁴ Sơ̆ dang bơ̆n đei hla bơar 'Bok Kei-Dei chih ată kơ bơ̆n pơm tơdrong yoch trŏ kơ Sư phak, mă-lei dang ei huay boih, Sư sut đĭ dôm tơdrong yoch Sư chih 'noh hăm pơ̆ng hla bơar 'noh tơ 'long pơglang.

Kôlôsê 2:14 Referans Kwoze

Êsai 44:22

Inh sŭt lê̆ bơih tơdrong lu iĕm pơm yoch nhen thoi sŭt lê̆ hơmơ̆l, tơdrong yoch lu iĕm nhen thoi tŭk. Wơ̆t brŏk bĕ tơ Inh, yua kơ Inh huai iŏk lu iĕm bơih.”

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

Hêbrơ 8:13

'Bok Kei-Dei pơma dơ̆ng gah tơdrong pơgơ̆p 'nao, Sư jô̆ kơ tơdrong pơgơ̆p hơdrol sơ̆ thoi lĕ kơ so boih. Tơdrong kiơ so, tơdrong noh wă jê̆ hiong tôch boih.

Hêbrơ 7:18

Thoi noh na tơdrong juăt Môis noh sơ̆, 'Bok Kei-Dei tŭk lê̆ boih, yua kơ tơdrong juăt noh ưh kơ pơyua kon bơngai.

Kôlôsê 2:20

Lu iĕm dang lôch hơdai hăm Yêsu Krist boih, thoi noh iĕm rơngei boih đơ̆ng yang nai pơgơ̆r, mă-lei lơliơ iĕm oei kiơ̆ thoi bơngai tơ ala teh?

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Êsai 57:14

Sư gô khan: “Man bĕ, pơdơ̆ng bĕ, hơmet bĕ trong! Bơ'nguơih bĕ lu tơdrong găn kon pơlei Inh.”

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Jo 5:23

Đơ̆ng noh 'bok soi athei chih minh hlak hla bơar akar tơdrong hiap, na đang kơ noh iŏk đak tăng noh ôp.

II Tes 2:7

'Bok Kei-Dei ăn kơ bơ̆n băt gah tơdrong bơngai kơnê̆ ayăt kơ Sư ning-mônh ei. Dang ei kư̆m đei lu bơngai wă pơm kơnê̆ thoi bơngai mă kơnê̆ ei ning-mônh mơ̆n. Na 'bok yŏng lu sư, wă khan 'bok mă pơm kơnê̆ tam mă truh ei, gô đe achăng tơdrong pơgăn sư 'mơ̆i na sư truh.

Horiso 51:9

Ôn muh măt Ih 'nĕ pă lăng tơdrong yoch inh, Păng sut rơgoh đĭ yoch kơnê̆ inh.

Esther 3:12

Lăm năr mơjĭt-pêng khei mă mônh, krao lu bơngai jang chih hla bơar tơbăt kơ tơdrong juăt kiơ̆ kơ Haman tơtă boih kơ lu kuan tih pơtao đĭ-đăng lu kră pơgơ̆r tơring păng đĭ kơ lu kră pơgơ̆r rim kon pơlei lăm jơ̆p kơ dêh, tơring ayơ chih kiơ̆ kơ nơ̆r sư kơdih, adrĕch ayơ chih kiơ̆ nơ̆r pơma sư kơdih. Lu đe chih tơdrong kĭ anăn pơtao Asêrus păng iŏk tơkhiĕn pơtao chơ̆m hla bơar noh.

Ne 4:5

'Nĕ kơ đơ̆p lê̆ tơdrong kơnê̆ lu sư, 'nĕ kơ sŭt lê̆ tơdrong yoch lu sư 'bơ̆t anăp Ih; yua kơ 'bơ̆t anăp Ih lu bơngai man dur, lu sư tơblĕk Ih.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Esther 8:8

Thoi noh măr iĕm chih roi bĕ kiơ̆ kơ măr iĕm tơchĕng lăp gah adrĕch Juđa hăm anăn pơtao păng iŏk tơkhiĕn pơtao pơsĭt; yua kơ lăm tơdrong juăt đei chih hăm anăn pơtao păng chơ̆m pơsĭt boih hăm tơkhiĕn pơtao đe ưh pă gơh tơplih dơ̆ng.