Jôsuê 9:10 - Sơ̆p Hlabơar Nơ̆r 'Bok Kei-Dei

¹⁰ Păng kơtơ̆ng dôm tơdrong Kră Yang pơm boih kơ 'bar 'nu pơtao Amôrit, oei gah hơlĕch kơ đak Krong Jôrđăn, Sihôn pơtao Hesbôn păng Ok pơtao char Basan pơgơ̆r tơ Astarôt.

Jôsuê 9:10 Referans Kwoze

Jôsuê 12:4

Ok pơtao Basan, minh 'nu bơngai oei arih hlot lăm kon pơlei Rêphaim oei tơ Astarôt păng Êdrei.

Both 2:30

Mă-lei Sihôn, pơtao Hesbôn, ưh kơ ăn kơ lu nhôn yak năm rok teh đak lu sư ôh; yua kơ Kră Yang 'Bok Kei-Dei pơm jơhngơ̆m kơ̆l pơtao arăng, wă jao sư lăm tơpang ti nhôn, kư̆m thoi năr 'nâu.

Both 1:4

Đơ̆ng rŏng kơ sư blah pơlôch Sihôn pơtao Amôrit oei tơ pơlei Hesbôn păng Ôk pơtao Basan oei tơ pơlei Astarôt păng pơlei Êdrei.

I Ho 6:71

Kon sâu Gersôm iŏk đơ̆ng minh puăt adrĕch Manase, pơlei Gôlan tơring Basan hăm dơnih 'nhĕt sư Astarôt hăm dơnih 'nhĕt sư;

Bl 14:5

Lăm sơnăm mă mơjĭt-puăn, pơtao Kêtrôlaôme hăm lu pơtao khŭl sư năm blah iŏk bơngai Rêphaim lăm teh đak Astarôt Kanaim, bơngai Susin tơ teh đak Ham, bơngai Êmim oei tơ lăm Thŭng Kiriathim.

Jo 20:14

Đơ̆ng pơlei Kades, Môis wơh bơngai năm roi tơbăt ăn kơ pơtao Eđôm thoi âu: Isơrael noh oh ih, đei khan thoi âu: Ơ pơtao ih băt boih đei tơdrong pơmat-tat truh kơ lu nhôn,

Jôsuê 2:9

pơma khan: Inh băt Kră Yang ăn boih kơ lu iĕm dêh char âu, lu nhôn hli krưp dêh păng đĭ-đăng kon pơlei pơla lăm char âu jơhngơ̆m lu sư hli tơrơ dêh kơ lu iĕm tơpă.

Jôsuê 9:9

Lu sư tơl, lu đĭch đam ih âu đơ̆ng dêh ataih kơtơ̆ng ang kơ anăn Kră Yang 'Bok Kei-Dei ih, yua kơ lu nhôn đei kơtơ̆ng boih đe roi gah Kră Yang păng tôm tơdrong Kră Yang hlôi pơm boih lăm char Êyiptơ.

Jôsuê 9:11

Lu kră pơlei nhôn hăm đĭ-đăng lu kon pơlei mă oei lăm char nhôn khan kơ lu nhôn. Iŏk hơmet ba bĕ tơmam sa yak kơ trong, năm tơ'bơ̆p lu sư păng khan: Lu nhôn jing đĭch đam iĕm, dang ei bĕ bơ̆n pơm tơdrong pơgơ̆p băl.

Jôsuê 13:31

Minh puăt char Gileat, pơlei Astarôt, pơlei Êdrei, ('bar tŏ pơlei noh lăm char Ok lăm tơring Basan), pơlei âu đei asong ăn kơ kon sâu Makir, kon drŏ-nglo Manase, wă khan minh puăt lu kon drŏ-nglo Makir kiơ̆ kơ adrĕch adrung lu sư.

Jôsuê 2:10

Lu nhôn kư̆m băt hơdah, lu iĕm lĕch đơ̆ng char Êyiptơ, Kră Yang pơm ăn kơ đak Dơsĭ 'Brê hrơ̆, tơ'bôh hơdah 'bơ̆t anăp lu iĕm păng lu iĕm đei pơm boih kơ Sihôn păng Ôk, 'bar 'nu pơtao Amôrit, gah to đak Krong Jôrđăn, mă lu iĕm đei pơlôch pơrăm đĭ boih.