Jôsuê 7:2 - Sơ̆p Hlabơar Nơ̆r 'Bok Kei-Dei

² Đơ̆ng Jêrikô Jôsuê wơh bơngai năm chop lăng pơlei Ahi, Jê̆ Bêt Awen, gah hơlĕch kơ Bethel na khan: Năm chop lăng bĕ tơring noh. Lei na lu sư năm chop lăng pơlei Ahi.

Jôsuê 7:2 Referans Kwoze

Jôsuê 18:12

Hơdral kơ Bênjamin gah yă-nơ̆m iŏk đơ̆ng đak Krong Jôrđăn, rok tŏk tơ gah yă-nơ̆m tơter kông pơlei Jêrikô tơ gah bơmơ̆t tŏk truh tơ kông groi tơ'bưh tơ lăm thŭng Bêt Awen.

Hôsia 4:15

Ơ bơngai Isơrael, ih pơm pơyô kư̆ kă dêh, ơ bơngai Juđa kơchăng bĕ 'nĕ kơ pơm yoch thoi sư, 'nĕ kơ mơ̆t tơ anih Gilgal, kư̆m 'nĕ tŏk tơ pơlei Bêt Awen; 'nĕ pơkă hiap kơdih akâu khan. Tơpă mă thoi Kră Yang arih.

I Sam 14:23

Kră Yang dŏng pơklaih bơngai Isơrael lăm năr 'noh; tơdrong tơblah lanh truh tơ Bêt Awen.

I Sam 13:5

Bơngai Philistin kư̆m akŭm pơpôi băl wă blah bơngai Isơrael: Lu sư đei pêng-jĭt rơbâu gre, aseh tơdrâu-rơbâu linh hao aseh păng linh yak jơ̆ng lơ thoi lĕ kơ chuơh tơ đak dơsĭ. Lu sư tŏk năm blah, lu sư pơm kơđông 'bơ̆t Mikmas, tơ gah hơlĕch kơ Bêt Awen.

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Tơdrông Pơđơk 24:6

Ih athei đei chă đon hlôh wao na năm tơblah. Gô jei jơnei tih dah ih đei lơ bơngai bơtho tơ'bôh.

Tơdrông Pơđơk 20:18

Đơ̆ng bơtho tơ'bôh na chă đon gơh kơjăp. Năm tơblah athei đei đon pơgơ̆r hơgei.

Bl 12:8

Đơ̆ng noh, sư yak găn kông groi gah hơlĕch kơ pơlei Bethel, na pơm bơsŭn; bơmơ̆t kơ noh Bethel, tơ gah hơlĕch đei Ahi. Na sư pơm minh pôm chơnang soi tơ noh kơ Kră Yang wă krao apinh Sư.

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Ne 11:31

Lu Bơngai Bênjamin kư̆m oei đơ̆ng pơlei Gêba truh tơ Mikmas, Aiya, Bethel păng lu pơlei jê̆ sư;

Jôsuê 12:9

Pơtao Jêrikô, pơtao Ahi oei jê̆ Bethel.

Jôsuê 2:1

Jôsuê kon drŏ-nglo Nun, đơ̆ng Sitim, wơh 'bar 'nu bơngai năm chop lăng char, sư khan: “Năm chop lăng char, mă loi pơlei Jêrikô, thoi noh 'bar 'nu bơngai noh năm truh tơ hnam minh 'nu bơngai drŏ-kăn pơm đi anăn sư Rahap, 'bĭch hloi tơ noh.

Bl 28:19

na sư krao anăn anih âu Bethel;b tơplih anăn pơlei Lus.

Jôsuê 7:3

Lu sư wih brŏk tơ Jôsuê păng khan: Ưh kơ kăl kơ chông ba đĭ kon pơlei năm tơ noh ôh, tơdrong kơ đei, ih athei ăn dang 'bar dah pêng-rơbâu 'nu bơngai đĕch, năm tơblah pơlei Ahi, 'nĕ kơ ăn đĭ kon pơlei năm gleh lap tơ noh, yua kơ bơngai pơlei Ahi lăp tŏ sĕt đĕch.

I Sam 30:27

Đawit asong ăn kơ lu bơngai kră mă oei tơ Bethel, Ramôt tơ Negep păng Jatir.

Je 49:3

“Nhơ̆m hmoi bĕ! Ơ pơlei Hesbôn, yua kơ đe pơrăm boih pơlei Ahi! Nhơ̆m bĕ, ơ kon pơlei Rapba! Ôr krao bĕ, hrŭk bĕ ao 'bi, tŭr kơtơh, raih akâu bĕ na kơdâu tơ âu tơ noh! Yua kơ yang Molek gô chĕp ba, hơdai hăm lu 'bok soi, hăm lu yŏng sư, năm pơm bơnă đe.

I Pot 12:29

Sư dan minh pôm rup yang lăm pơlei Bethel, minh pôm rup nai sư dan lăm pơlei Đan.

Êsai 10:28

Sư blah truh tơ pơlei Ayat. Sư rok pơlei Migrôn. Sư mong 'măn lê̆ tơmam sư lăm pơlei Mikmas.