Jôsuê 3:7 - Sơ̆p Hlabơar Nơ̆r 'Bok Kei-Dei

⁷ Kră Yang khan kơ Jôsuê: Dang ei Inh gô pôk pơyom ih 'bơ̆t anăp lu bơngai Isơrael, wă kơ lu sư băt Inh Kră Yang oei hơdai ih, thoi Inh đei oei hơdai hăm Môis sơ̆.

Jôsuê 3:7 Referans Kwoze

Jôsuê 4:14

Năr noh Kră Yang ăn kơ Jôsuê jing đe pơyom 'bơ̆t anăp đĭ-đăng bơngai Isơrael păng đe hli yom đĭ chăl sư oei arih, thoi đe chu yom kơ Môis mơ̆n.

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.

I Ho 29:25

Kră Yang pơm ăn kơ Sôlômôn đei pơyom 'bơ̆t anăp đĭ-đăng kon pơlei Isơrael; Sư ăn kơ dêh char Sôlômôn pơtao 'lơ̆ng rŏ hơbŏ krưp, ưh tam đei minh 'nu pơtao Isơrael ayơ adrol kơ sư mă đei thoi noh.

Horiso 18:35

Kră Yang ăn kơ inh khêl tơdrong dŏng pơklaih;d Ti gah 'ma Ih tơiung inh, Đơ̆ng tơdrong Ih dŏng na inh jing tih mơng.

Jôsuê 1:17

Lu nhôn chu kiơ̆ ih lăm tôm tơdrong jang, thoi chu kiơ̆ Môis, apinh Kră Yang 'Bok Kei-Dei oei hơdai ih, thoi Kră Yang oei hơdai Môis.

Jop 7:17

“Kon bơngai noh kiơ Ih mă gĭt kơ sư, Ih mah 'blŏk tơchĕng kơ sư,

II Ho 1:1

Sôlômôn, kon drŏ-nglo Đawit pơgơ̆r dêh char pơtao sư pran kơjăp; Kră Yang 'Bok Kei-Dei oei hơdai sư ăn kơ sư pran kơjăp tih dêh tơpă.

Yo 17:1

Đang kơ Yêsu pơma thoi noh boih na Sư ngoi tơ plĕnh krao khan kơ 'Bă Sư: “Ơ 'Bă, truh jơ Inh boih. Apinh Ih atŏk Inh Kon Ih brŏk oei păng Ih bĕ dang ei wă kơ Inh gơh pơư pơang anăn Ih dơ̆ng.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

Jôsuê 3:6

Jôsuê khan lu 'bok soi: Lu iĕm athei tung Hom Pơgơ̆p Kră Yang năm adrol kơ lu kon pơlei. Lei na lu 'bok soi tung hom tơdrong pơgơ̆p Kră Yang yak adrol kơ kon pơlei.

Jôsuê 3:8

Ih athei khan kơ lu 'bok soi tung Hom Pơgơ̆p: Lăp lu iĕm truh 'bơ̆t jih đak Krong Jôrđăn lu iĕm jur dơ̆ng tŏk-bŏk đak krong.

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.