Jôsuê 3:16 - Sơ̆p Hlabơar Nơ̆r 'Bok Kei-Dei

¹⁶ Na đak đơ̆ng tu khơ̆t kơtĕch hloi, đak pơpôi minh 'bôt 'bĕnh tŏk truh tơ pơlei Ađam, pơlei noh jê̆ pơlei Sarêthan; na bơbah đak ro truh tơ đak dơsĭ Araba, ‘wă khan Dơsĭ 'Boh,’ hrơ̆ hrĕng, na lu kon pơlei jur yak tŏk rok tơklă pơlei Jêrikô,

Jôsuê 3:16 Referans Kwoze

Jôsuê 3:13

Păng mưh lu 'bok soi tung Hom tơdrong pơgơ̆p Kră Yang, Sư Kră Yang pơgơ̆r plĕnh teh, lăp lu sư 'nao jur tong jơ̆ng tơ lăm đak Krong Jôrđăn, đak kơtĕch tơklah păng akŭm jing minh 'bôt.”

I Pot 7:46

Pơtao Sôlômôn athei Hiram man lu tơmam âu tơ anih thŭng (Jôrđăn) tơ lăm anih 'noh đei teh lơ̆n, anih 'noh sơlam Sukôt păng Sarethan.

I Pot 4:12

Baana kon drŏ-nglo Ahilut wei-lăng lăm pơlei Taanach, pơlei Mêgiđô păng đĭ kơ pơlei Bêtsan jê̆ pơlei Sarêthan gah ala kơ pơlei Jêsreel păng iŏk đơ̆ng pơlei Bêt Sêan truh kơ pơlei Abel Mêhôla, truh tơ pah to pơlei Jôkmêam.

Bl 14:3

Lu pơtao âu lu sư pơđâu akŭm băl lăm thŭng Sidim, dang ei krao đak dơsĭ 'boh.

Horiso 114:3

Đak dơsĭ 'bôh thoi noh, na kơdâu ôn; Đak Krong Jôrđăn ro hơlơ̆k tơ rŏng,

Both 1:1

Nâu nơ̆r Môis pơma khan kơ đĭ-đăng bơngai Isơrael, gah hơlĕch kơ đak Krong Jôrđăn, tơ lăm thŭng Araba jê̆ pơlei Supha sơlam pơlei Paran păng Tôphêl, La'ban. Haserôt păng Đisahap.

Jo 34:3

Gah gơal hơdral lu iĕm, iŏk đơ̆ng tơmăn glă Yin, rok hơdral char Eđôm. Pơtơm đơ̆ng bơbah đak Dơsĭ 'Boh tơ gah hơlĕch.

Horiso 77:19

Ih yak lăm đak dơsĭ. Trong Ih rok đak dơsĭ jrŭ, mă-lei đêl jơ̆ng Ih ưh kơ đei bu 'bôh.b

Horiso 74:15

Ih boih pơih tu đak lĕch ăn kơ krong đei đak ro, păng pơhrơ̆ lê̆ lu đak krong tih.

Horiso 66:6

Sư tơplih đak dơsĭ jing teh hrĕng kro. Kon bơngai yak jơ̆ng tŏk kơ đak krong. Bĕ bơ̆n chơt hiôk lăm Sư.

Horiso 29:10

Kră Yang oei tơ kơpal đak lơ̆p, Kră Yang pơm pơtao ling-lang ưh kơ layơ tôch

Jôsuê 15:2

Hơdral gah gơal iŏk đơ̆ng rong đak dơsĭ tơ gah gơal tôch kơ Dơsĭ 'Boh.

Both 3:17

Hơdral gah bơmơ̆t noh thŭng glă Jôrđăn lăm teh Araba, đơ̆ng Kinêret truh tơ thŭng glă đak dơsĭ Araba noh đak Dơsĭ 'Boh, b tơ jơ̆ng kông Pisga, tơ gah hơlĕch.

Le 14:21

Môis yơ̆r ti sư tơ đak dơsĭ Kră Yang pơm kial tih đơ̆ng gah hơlĕch tơthu tơ đak dơsĭ pơm kơ đak akŭm tơklah asong 'bar pah jing teh hrĕng,

Horiso 33:7

Sư akŭm mong đak dơsĭ lăm đak poh-yă, Păng 'măn lu đak jrŭ lăm hnam mong lu sư.

Horiso 114:5

Ơ đak dơsĭ yua kơ kiơ ih kơdâu ôn? Ơ đak Krong Jôrđăn, yua kơ kiơ mah ro hơlơ̆k tơ rŏng?

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Êsêkiên 47:8

Sư khan kơ inh: “Đak krong âu ro tơpăt tơ gah hơlĕch, truh tơ tơring Araba, ro mơ̆t tơ đak dơsĭ, mưh ro truh tơ đak dơsĭ boih đak dơsĭ noh gô hlăng 'lơ̆ng.

Na 1:4

Sư chrih kơ đak dơsĭ, đak dơsĭ hrĕng kro hloi; păng pơhrơ̆ đĭ-đăng lu đak krong. Mir chŭn pơgar tơring Basan păng Karmel hrĕng kro, pơkao char Liban jô hơlŭng.

Habakuk 3:8

Ơ Kră Yang hăm trŏ kơ Ih blĕk hil kơ lu đak krong ưh? Tơdrong hil Ih tuh kơ đak glung ưh? Hăm trŏ tơdrong hil Ih blah đak dơsĭ, kơplah Ih hao aseh hao gre aseh Ih năm wă dŏng pơklaih?

Le 14:22

kon pơlei Isơrael jur lăm đak dơsĭ, yak năm thoi kơpal teh hrĕng; na đak pĕng thoi bơnơ̆ tơ 'bar pah gah 'ma păng gah 'ngiĕo kơ lu sư.

Le 14:29

Mă-lei lu kon pơlei Isơrael năm yak tŏk-bŏk đak dơsĭ thoi kơpal teh kông hrĕng; đak pơm bơnơ̆ pĕng gah 'ma păng gah 'ngiĕo.

Le 15:8

Hơyuh đơ̆ng 'bơ̆r Ih tơthu bơ̆ lê̆ đak khơ̆t tŏk thoi bơnơ̆; Anih đak jrŭ jing arăng lăm đak dơsĭ.

Jôsuê 4:22

Lu iĕm gô khan kơ lu kon sâu: “Lu bơngai Isơrael tŏk hlôi kơ đak Krong Jôrđăn rok teh hrĕng.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

Jôsuê 12:3

Sư kư̆m pơgơ̆r wei-lăng đĭ tơ lăm thŭng truh tơ đak dơsĭ Kinêrot gah hơlĕch thŭng đak Dơsĭ 'Boh, tơ gah hơlĕch kơ Bêt Jêsamôt, sư kư̆m wei-lăng truh lăm thŭng gah gơal jê̆ jơ̆ng kông Pisga,

Jôsuê 16:7

Iŏk đơ̆ng Janôa hơdral jur truh tơklă pơlei Atarôt păng Nara, tơ'bưh kơ pơlei Jêrikô tôch đak Krong Jôrđăn.

Lu 7:22

Kơplah lu sư hlôm pêng-hrĕng tŏ tơgiĕp, Kră Yang pơm lu linh Miđian iŏk đao gưm 'bet pơlôch băl tơduă. Păng đĭ-đăng khŭl linh pơlôch băl tơduă Khŭl linh kơdâu ôn hlôi truh tơ pơlei Bet Sita tơklă char Sêrêra, păng truh tơ hơdral pơlei Abel Mêhôla jê̆ pơlei Tabat.

Horiso 78:13

Kră Yang blă lê̆ đak dơsĭ ăn kơ lu sư tŏk rok, Pơm ăn kơ đak dơ̆ng minh 'bôt tơbơ̆ng thoi dur.