Jôsuê 22:22 - Sơ̆p Hlabơar Nơ̆r 'Bok Kei-Dei

²² Kră Yang 'Bok Kei-Dei oei Tih Hloh, Kră Yang 'Bok Kei-Dei Tih Hloh mơsêh mơyang băt tơdrong noh păng Isơrael gô băt! Tơdah 'nâu minh tơdrong blah păng ưh kơ chu kiơ̆ nơ̆r Kră Yang noh lei dang ei apinh Kră Yang 'nĕ pă ăn lu nhôn arih.

Jôsuê 22:22 Referans Kwoze

I Pot 8:39

apinh Ih đơ̆ng kơpal plĕnh ti, anih mă Ih oei Ih mơ̆ng păng mơnat ăn kơ yoch lu sư, tơgŭm rim 'nu kơ lu sư kiơ̆ kơ tơdrong jang sư pơm, yua kơ Ih băt jơhngơ̆m lu sư, lăp minh 'nu Ih đĕch băt lăm jơhngơ̆m kon bơngai.

Both 10:17

Yua kơ Kră Yang 'Bok Kei-Dei lu iĕm jơ̆ Kră Yang 'Bok Kei-Dei kơ lu yang păng yŏng kơ đĭ-đăng lu yŏng, wă khan Kră Yang 'Bok Kei-Dei Tih Hloh, mơsêh mơyang păng trŏ kơ hli yom. Sư ưh kơ pơdê bơngai bu, kư̆m ưh kơ đei pơgâm sa bu.

Horiso 44:21

Kră Yang 'Bok Kei-Dei ưh kơ băt tơdrong noh hă? Yua kơ Ih băt tơdrong hlơp lăm jơhngơ̆m.

Jop 10:7

Mă khan Ih băt kơ inh ưh kơ yoch ră, ưh kơ đei bu gơh dŏng pơklaih inh đơ̆ng ti Ih.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

II Kor 11:31

'Bok Kei-Dei 'Bă Yŏng bơ̆n Yêsu Krist, Sư trŏ kơ bơ̆n ư-ang ling-lang ưh kơ layơ tôch, Sư băt kơ inh pơma ưh kơ hơlĕnh.

II Kor 11:11

Yua kơ kiơ inh pơma thoi noh, yua kơ inh ưh kơ 'mêm kơ iĕm hă? Ưh ôh. Tơdrong noh 'Bok Kei-Dei Sư băt kơ inh 'mêm kơ iĕm tơpă.

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.

Jang 25:11

Tơdah inh pơm kơnê̆ kơ sư lei trŏ kơ inh lôch, inh gơh chu lôch kư̆m bưh. Tơdah lu sư jâu inh ưh kơ đei tơdrong kiơ lei ưh kơ đei bu gơh jao inh tơ lu sư. Na dang ei inh apinh Sêsar, 'bok pơtao tơm bơngai Rôm đĕch sek tơlang tơdrong inh dang ei.”

Jang 1:24

Na lu sư krao khan kơ Kră Yang thoi âu: “Kră Yang, Ih băt đĭ lăm jơhngơ̆m đon kon bơngai. Apinh Ih tơ'bôh kơ nhôn bơngai ayơ Ih rơih boih wă pơm jơ̆ng 'bang Yêsu wă păl Juđa. Juđa tŭk tơdrong jang âu năm tơ anih sư trŏ dang noh boih.”

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

Mi 7:9

Inh pŭ iŏk tơdrong Kră Yang hil yua kơ inh đei pơm yoch boih hăm sư, dĭng truh tơ Sư tơgŭm inh dơ̆ng, sek tơlang tơdrong tơpăt inh, Sư gô chông ba inh truh tơ tơdrong hơdah păng inh gô 'bôh tơdrong tơpăt Sư.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Je 12:3

Mă-lei, ơ Kră Yang, Ih băt boih kơ inh, Ih 'bôh inh, Ih pơlong lăng păng băt jơhngơ̆m inh hăm Ih, Apinh Ih dui lu sư tơ 'nguaih thoi đe dui triu wă 'bet pơlôch, Apinh Ih lê̆ lu sư pha 'măn kơ năr wă 'bet pơlôch!

Horiso 136:2

Bơnê bĕ kơ Kră Yang 'Bok Kei-Dei, yang tih hloh kơ lu yang nai. Tơdrong 'mêm Sư oei oei ling-lang.

Horiso 97:7

Pơm bĕ kơ đĭ-đăng lu bơngai kơkuh kơ rup yang mơlâu. Lu gơnang kơ rup yang tơdrong kơ đei. Ơ lu yang, kơkuh bĕ kơ Kră Yang.

Horiso 95:3

Yua kơ Kră Yang jơ̆ 'Bok Kei-Dei Tih Hloh. Sư pơtao Tih Hloh kơ đĭ-đăng yang

Horiso 82:1

Kră Yang 'Bok Kei-Dei oei lăm khŭl akŭm tơ plĕnh ti. Sư sek tơlang kơ lu yang.

Horiso 37:6

Sư gô pơdah tơdrong tơpăt ih thoi hơdah hơdong Păng sek tơ'bôh tơdronga trŏ ih thoi 'năr dơ̆ng.

Jop 23:10

Mă-lei Kră Yang băt trong inh nơnăm; kơplah Kră Yang pơlong lăng inh, inh gô lĕch thoi maih.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Jôsuê 22:21

Na lu bơngai Rubên, bơngai Gat păng minh puăt bơngai Manase tơl lu kră kơdră adrĕch bơngai Isơrael:

Horiso 40:9

Lăm năr akŭm tih inh ră roi boih kơ tơdrong 'nao 'lơ̆ng tơpăt Ih; to, inh ưh kơ đei ôn 'bơ̆r, Ơ Kră Yang, inh băt boih tơdrong noh.

Horiso 50:1

Tơ'ngla mơsêh, jơ̆ Kră Yang 'Bok Kei-Dei, Kră Yang khan: Sư krao kon bơngai lăm teh đak. Đơ̆ng gah măt 'năr lĕch, truh tơ gah măt 'năr mơ̆ta

I Sam 2:3

Thôi, 'nĕ pă pơma pơang dêh. 'Nĕ pă ăn tơdrong pơang lĕch đơ̆ng 'bơ̆r ih; Yua kơ Kră Yang bơih 'Bok Kei-Dei băt đi; Sư boih kŏng pơtŏ lăng đĭ tơdrong bơ̆n jang.

Jop 31:22

Ăn kơ hơngiĕng inh tơhleh đơ̆ng akâu inh, Păng kơkŏng ti inh tơgơ̆ kơtĕch đơ̆ng 'bơ̆t kŭl-keng.

Horiso 44:22

Sĭt tơpă, yua kơ Ih boih na đe pơlôch nhôn rim năr. Lu nhôn thoi lu kon triu đe wă 'buh sa.