Jôsuê 22:20 - Sơ̆p Hlabơar Nơ̆r 'Bok Kei-Dei

²⁰ Kơplah Akan kon drŏ-nglo Sêra, đei pơm yoch glăi kơ tơmam trŏ kơ pơrăm păng pơyơ̆r kơ Kră Yang na tơdrong truh đơ̆ng Kră Yang hil mĭl hăm trŏ 'bơm kơ tơpôl lăm Isơrael păng bơngai noh ưh kơ sĭ lôch hơdrô̆ yua kơ yoch sư kơdih!

Jôsuê 22:20 Referans Kwoze

Jôsuê 7:5

Bơngai pơlei Ahi pơlôch dang pêng-jĭt tơdrâu 'nu, druh lu linh Isơrael đơ̆ng 'măng dur pơlei truh tơ Sêbarim, blah lu sư kơplah lu sư jur tơ krang, jơhngơ̆m lu sư hli tơrơ thoi đak ro

Jôsuê 7:1

Kon pơlei Isơrael đei pơm tơdrong yoch ưh kơ chu gah tơmam trŏ kơ pơyơ̆r; păng pơrăm Akan kon drŏ-nglo Karmi, sâu Sapđi, sâu i Sêra, đơ̆ng adrĕch Juđa, đei iŏk tơmam trŏ kơ soh pơrăm lê̆ păng trŏ kơ pơyơ̆r noh, lei Kră Yang, hil mĭl kơ kon pơlei Isơrael.

I Kor 10:6

'Bok Kei-Dei phak lu sư dang noh, Sư wă kơ bơ̆n huay kơ tơchĕng pơm tơdrong kơnê̆ thoi lu yă 'bok bơ̆n sơ̆.

Jôsuê 7:24

Jôsuê păng đĭ-đăng kon pơlei Isơrael rôp Akan, sâu Sêra, iŏk Hu, ao tai, tơpei Maih, lu kon drŏ-nglo, drŏ-kăn sư, lu rơmo, aseh iĕ, triu păng hnam bơsŭn păng đĭ kơ dôm tơmam sư, chông chĕp ba sư tơ lăm thŭng pŭng-lŭng Akôr.

Jôsuê 7:18

Sư ăn kơ hnam dơnŏ Sapđi năm jê̆ minh 'nu minh 'nu, na Kră Yang tơhlâu Akan kon drŏ-nglo Karmi, sâu Sapđi, sâu i Sêra, đơ̆ng adrĕch adrung Juđa.

II Pet 2:6

Sư kư̆m phak Pơlei Sôđôm hăm Pơlei Gômôrơ, soh rông chhông hnam lu sư. Sư pơm thoi noh wă tơ'bôh kơ lu bơngai pơm kơnê̆, wă tơbăt kơ lu sư 'Bok Kei-Dei kư̆m gô phak lu sư thoi noh tơpă.

Lêwi 10:6

Đơ̆ng noh Môis khan kơ Arôn păng 'bar 'nu kon sư Êlêasar păng Ithamar: Iĕm 'nĕ kơ achăng sŏk ôh păng 'nĕ kơ hek ao lu iĕm kơdih, kơnh hli kơ lu iĕm lôch păng kơnh tơdrong hil mĭl Kră Yang gô truh kơ đĭ-đăng kon pơlei oei akŭm, mă-lei 'nhŏng oh lu iĕm, adrĕch Isơrael iĕm, athei nhơ̆m kơ lu bơngai mă Kră Yang soh chhông hăm ŭnh.

Jôsuê 22:21

Na lu bơngai Rubên, bơngai Gat păng minh puăt bơngai Manase tơl lu kră kơdră adrĕch bơngai Isơrael:

II Ho 24:18

Lu sư achăng lê̆ Hnam Kră Yang 'Bok Kei-Dei 'bok lu sư, na kơkuh kơ yang Asêra păng kơkuh kơ lu rup man; đơ̆ng tơdrong yoch 'nâu, na đei Kră Yang 'Bok Kei-Dei hil mĭl kơ lu bơngai Juđa păng kon pơlei Jêrusalem.

Jop 35:8

Tơdrong kơnê̆ ih lăp gơh pơrăm bơngai thoi ih, Tơdrong 'lơ̆ng tơpăt ih gơh tơgŭm kơ kon bơngai đĕch.