Jôsuê 20:7 - Sơ̆p Hlabơar Nơ̆r 'Bok Kei-Dei

⁷ Thoi noh kon pơlei Isơrael, rơih iŏk pơlei Kades lăm char Galilê, tơ kơpal kông char Naptali; Pơlei Sichem tơ kơpal kông Êphraim păng pơlei Kiriat Arba, noh đe krao pơlei Hêbrôn, oei tơ kơpal kông lăm char Juđa.

Jôsuê 20:7 Referans Kwoze

Jôsuê 21:11

Đơ̆ng adrĕch Juđa đei ăn kơ lu sư pơlei Kiriat Arba, đe kư̆m krao pơlei Hêbrôn (Arba 'bă Anak), oei tơ tơring groi kông lăm char Juđa păng teh Jum dăr kơ pơlei, đei tơmăn 'nhĕt.

Luka 1:39

Lăp đơ̆ng rŏng kơ noh Mari năm tơ pơlei đe kiơ̆ kơpal groi kông lăm dêh char Juđê.

I Ho 6:76

Đơ̆ng adrĕch Naptali lu sư đei pơlei Kêđes lăm char Galilê, pơlei Hammôn păng pơlei Kiriathaim hăm dơnih 'nhĕt lu sư.

Jôsuê 21:32

Păng kư̆m iŏk dơ̆ng đơ̆ng adrĕch Naptali, pơlei Kêđes lăm char Galilê, jing pơlei ôn kơ'nơp kơ bơngai bu mă pơlôch đe hơch 'bơm, pơlei Hamôt Đôr pơlei Kartan păng teh jum dăr kơ pơlei; đei tơmăn 'nhĕt, đĭ-đăng pêng tŏ pơlei.

Jôsuê 21:21

Lăm tơring groi kông Êphraim ăn lu sư pơlei Sichem, pơlei ôn kơ'nơp kơ lu bơngai pơlôch đe hơch 'bơm, Geser.

Jôsuê 21:13

Teh ăn kơ lu kon sâu Arôn 'bok soi tơm pơlei Hêbrôn, jing pơlei ôn kơ'nơp kơ lu bơngai mă pơlôch đe hơch 'bơm. Lipna;

Jôsuê 14:15

Sơ̆ Hêbrôn đe krao Kiriat Arba, Arba bơngai nuih pran tih kơjung lăm kon pơlei Anakim. Đơ̆ng noh, char đei hiôk-hian ưh pă đei tơdrong tơblah dơ̆ng.

II Ho 10:1

Rêhôbôam năm tơ pơlei Sichem, yua kơ đĭ-đăng lu bơngai Isơrael truh boih tơ Pơlei Sichem wă pôk sư pơm pơtao.

Bl 23:2

Sara lôch tơ Kêriat Arba, noh krao Hêbrôn, lăm tơring Kanaan. Abraham grong nhơ̆m hmoi kơ Sara.

Jo 35:6

Lu pơlei tih lu iĕm gô asong ăn kơ lu bơngai adrĕch Lêwi, gô đei tơdrâu tŏ pơlei tih wă ôn kơ'nơp mă lu iĕm athei tơ'bôh ăn kơ lu sư, wă kơ lu bơngai mă pơlôch đe kơdâu ôn tơ noh; 'nguaih kơ tơdrâu tŏ pơlei tih noh, lu iĕm athei 'măn lê̆ kơ adrĕch bơngai Lêwi puăn-jĭt 'bar tŏ pơlei.

Both 4:41

Kơplah noh Môis klah lê̆ pêng tŏ pơlei tih tơ gah hơlĕch kơ Krong Jôrđăn,

Both 19:9

Yua kơ iĕm, pơm kiơ̆ dôm nơ̆r tơtă mă inh bơtho khan ăn kơ iĕm năr âu, athei 'mêm kơ Kră Yang 'Bok Kei-Dei, yak kiơ̆ trong Sư ling-lang, thoi noh iĕm athei lê̆ thim pêng tŏ pơlei plơ̆ng dơ̆ng,

Jôsuê 12:22

Pơtao Kêđes, pơtao Jôknêam, oei tơ kông Karmel.

Jôsuê 20:8

Gah hơlĕch kơ đak Krong Jôrđăn păng pơlei Jêrikô, lu sư rơih iŏk pơlei Bêser groi glă lăm teh adrĕch Rubên, Ramôt tơ char Gileat; lăm teh adrĕch Gat, pơlei Gôlan tơ char Basan lăm teh adrĕch Manase.

Jôsuê 15:13

Jôsuê ăn kơ Kalep, kon drŏ-nglo Jêphunê, minh pah teh đơ̆ng lăm lu bơngai Juđa, kiơ̆ thoi Kră Yang khan kơ Jôsuê; Kiriat Arba. Arba noh 'bă kơ Anak, noh đe krao pơlei Hêbrôn.

Jôsuê 19:35

Lu pơlei tih kơjăp noh đei pơlei Siđim, Ser, Hammat, Rakat, Kinêret,

Jôsuê 19:36

Ađama, Rama, Hasor,

Jôsuê 19:37

Kêđes, Êdrei, Ên Hasor,

Jôsuê 24:1

Jôsuê krao akŭm đĭ adrĕch adrung Isơrael tơ Sichem. Sư krao akŭm đĭ lu kră pơgơ̆r, lu kră sek tơlang păng lu yŏng pơgơ̆r linh; lu sư akŭm đĭ 'bơ̆t anăp Kră Yang 'Bok Kei-Dei.

Lu 9:1

Abimêlek kon drŏ-nglo Jêrup Baal năm tơ pơlei Sichem năm tơ lu adrĕch adrung gah mĕ sư păng đĭ hnam dơnŏ gah mĕ sư na khan:

I Pot 12:1

Rôbôam năm tơ pơlei Sichem, yua kơ đĭ-đăng bơngai Isơrael năm akŭm tơ noh bơih wă pôk sư pơm pơtao.