Jôsuê 19:48 - Sơ̆p Hlabơar Nơ̆r 'Bok Kei-Dei

⁴⁸ Lu pơlei tih hăm pơlei iĕ lu sư, noh boih teh jang sa kơ adrĕch Đan, kiơ̆ kơ adrĕch adrung lu sư.

Jôsuê 19:48 Referans Kwoze

Jôsuê 19:47

Mă-lei lu bơngai Đan tơnat 'biơ̆ ưh kơ gơh đei teh mă asong kơ lu sư. Lei na lu sư athei tŏk blah iŏk pơlei Lêsem, yua hăm đao gưm pơlôch pơrăm pơlei noh, lu bơngai Đan asong băl oei jang sa tơ lăm noh păng krao anăn pơlei Đan 'bok lu sư,

Jôsuê 19:49

Đei klah asong char kiơ̆ adrĕch adrung teh jang sa hlôi keh đang boih, kon pơlei Isơrael iŏk teh lăm tŏk-bŏk lu sư na ăn kơ Jôsuê, kon drŏ-nglo Nun,

Êsêkiên 48:1

'Nâu anăn lu adrĕch: Teh asong kơ Đan đơ̆ng gah yă-nơ̆m 'moi rok trong pơlei Hêtlôn truh tơ trong mơ̆t tơ pơlei Lêbô Hamat păng Hasar Ênon, dĭng 'bơ̆t hơdral pơlei Đamas tơ gah yă-nơ̆m tơ bưh kơ pơlei Hamat, hơdral gah gơal teh asong kơ Đan đơ̆ng gah hơlĕch truh tơ gah bơmơ̆t kơ dêh char Isơrael.