Jôsuê 13:3 - Sơ̆p Hlabơar Nơ̆r 'Bok Kei-Dei

³ Đơ̆ng đak Krong Sihôr gah hơlĕch kơ char Êyiptơ, truh tơ teh đak Ekrôn gah yă-nơ̆m, noh krao char bơngai Kanaan; đei pơđăm 'nu pơtao char Philistin pơgơ̆r tơ Gasa, Asdôt, Askalon, Gat păng Ekrôn păng pơtao kon pơlei Awim;

Jôsuê 13:3 Referans Kwoze

Je 2:18

Dang ei liơ iĕm jur tơ dêh Êyiptơ nhă đak Krong Nil. Iĕm năm tơ dêh Asiri nhă đak Krong Ơphrat, đei yua kiơ?

Lu 3:3

Đei pơđăm 'nu pơm yŏng pơgơ̆r kon pơlei Philistin, đĭ-đăng lu kon pơlei Kanaan kon pơlei Siđôn păng kon pơlei Hêwit oei tơ lăm lu kông Liban, đơ̆ng kông Baal Hermôn truh tơ pơlei Lêbơ Hamat.

Both 2:23

Bĕ gah kon pơlei Awim, oei đơ̆ng lăm lu pơlei iĕ truh tơ pơlei Gasa, kon pơlei Kaptorim, oei đơ̆ng char Kaptôr pơrăm lu sư na oei hloi tơ noh.

I Sam 6:4

Lu sư jet: Tơmam soi yă kiơ lu nhôn pơyơ̆r kơ Kră Yang wă kơ huai iŏk đơ̆ng tơdrong glăi? 'Bok soi păng lu bơngai pơjâu tơl khan: Pơđăm tŏ rup pơtôch pơm păng maih păng pơđăm tŏ kơne pơm păng maih, kiơ̆ kơ kơsơ̆ yŏng pơgơ̆r bơngai Philistin, yua kơ đĭ-đăng lu iĕm păng lu yŏng pơgơ̆r kư̆m đei tơdrong gleh truh lei-lăi ngăl.

Jôsuê 13:13

Mă-lei kon pơlei Isơrael ưh kơ pơpuh ôh kon pơlei Gêsur păng kon pơlei Makatit, thoi noh lu sư oei hơdai bơngai Isơrael truh tơ dang ei.

Bl 10:6

Kon drŏ-nglo Cham anăn Kus, Misraim, Phut păng Kanaan.

Lu 16:5

Lu yŏng pơgơ̆r bơngai Philistin năm tơ hnam adruh 'noh khan: Ih athei lung sư, wă kơ băt sư đei jơhngơ̆m pran tih dêh 'noh đơ̆ng yơ păng lu bơ̆n athei pơm thoi yơ wă kơ kĕ rôp chô̆ sư gơh chu kơ nhôn, na rim 'nu kơ lu nhôn gô apah ih mơjĭt-pêng kĭ jên hu.

I Sam 5:1

Đơ̆ng rŏng kơ kon pơlei Philistin blah iŏk Hom Pơgơ̆p Kră Yang 'Bok Kei-Dei, đơ̆ng Êbênêser tơ pơlei Asdôt.

I Pot 8:65

Kơplah noh đĭ-đăng kon pơlei pơla Isơrael akŭm hơdai hăm pơtao Sôlômôn, akŭm minh anih să iŏk đơ̆ng trong mơ̆t pơlei Hamat truh tơ thong đak Êyiptơ, akŭm 'bơ̆t anăp Kră Yang 'Bok Kei-Dei, lăm tơpơh năr.

Êsai 23:3

Mơdrŏng chơ phe 'ba đơ̆ng Sihôr, kĕch yuă đei đơ̆ng krong Nil, chơ rok trong đak dơsĭ tih, noh jơ̆ tơm đei lơi yua, sư noh bơih anih mơdro mơchan kơ rim teh đak.

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

I Sam 5:8

Lu sư wơh krao akŭm đĭ lu yŏng pơgơ̆r đe Philistin, na jet: Bơ̆n wă pơm liơ hăm Hom Pơgơ̆p Kră Yang 'Bok Kei-Dei đe Isơrael âu? Lu yŏng pơgơ̆r tơl khan: Athei tung Hom Pơgơ̆p Kră Yang 'Bok Kei-Dei đe Isơrael năm ba tơ pơlei Gat. Na đe năm tung ba Hom Pơgơ̆p Kră Yang. 'Bok Kei-Dei đe Isơrael truh tơ noh.

I Sam 5:10

Na, lu sư wơh đe tung ba Hom Pơgơ̆p Kră Yang 'Bok Kei-Dei tơ pơlei Ekrôn, wă Hom Pơgơ̆p noh truh tơ pơlei Ekrôn kon pơlei Ekrôn ôr krao: Đe tung ba Hom Pơgơ̆p Kră Yang 'Bok Kei-Dei đe Isơrael truh tơ bơ̆n wă pơlôch bơ̆n păng kon pơlei pơla lu bơ̆n!

I Ho 13:5

Na Đawit krao akŭm hloi đĭ-đăng bơngai Isơrael, đơ̆ng Sihô lăm char Êyiptơ truh tơ 'măng jang Hamat, wă năm iŏk Hom Pơgơ̆p Kră Yang 'Bok Kei-Dei đơ̆ng Kiriat Jêarim wih.