Jôsuê 11:3 - Sơ̆p Hlabơar Nơ̆r 'Bok Kei-Dei

³ Đei wơh dơ̆ng năm tơ kon pơlei Kanaan gah hơlĕch păng gah bơmơ̆t, tơ kon pơlei Amôrit, Hêtit, Phêrêsit păng kon pơlei Jêbus, oei kơpal kông groi; păng năm truh tơ kon pơlei Hêwit, jê̆ jơ̆ng kông Hermôn, lăm tơring Mispa.

Jôsuê 11:3 Referans Kwoze

Lu 3:3

Đei pơđăm 'nu pơm yŏng pơgơ̆r kon pơlei Philistin, đĭ-đăng lu kon pơlei Kanaan kon pơlei Siđôn păng kon pơlei Hêwit oei tơ lăm lu kông Liban, đơ̆ng kông Baal Hermôn truh tơ pơlei Lêbơ Hamat.

Jôsuê 18:26

Mispa, Kêphira, Mosa,

Bl 31:49

Kŭm đei krao Misbac yua kơ La'ban pơma thim thoi âu: Kơplah lu bơ̆n wă tơklah băl, apinh Kră Yang wei-lăng ih hăm inh.

Jôsuê 15:63

Mă-lei lu bơngai Juđa, ưh kơ gơh pơpuh lu kon pơlei Jêbus mă oei tơ Jêrusalem, kon pơlei Jêbus, oei hơdai hăm bơngai Juđa tơ Jêrusalem truh tơ dang ei.

Jôsuê 13:11

teh đak noh đĭ đơ̆ng dêh Char Gileat, dêh char kon pơlei Gêsur păng kon pơlei Makatit, đĭ kơ kông Hermôn păng đĭ-đăng kơ char Basan truh tơ Salêka,

Je 41:14

Đĭ-đăng lu kon pơlei mă Ismael đei rôp chông ba đơ̆ng pơlei Mispa kơdâu wih tơ Jôhanan, kon drŏ-nglo Karea.

Je 41:3

Ismael kư̆m pơlôch hloi lu bơngai Juđa mă oei bơ̆jang hăm Gêđalia lăm pơlei Mispa păng kư̆m pơlôch lu linh Kalđê mă oei hơdai tơ noh.

Je 40:10

Inh athei oei lăm pơlei Mispa, tang măt kơ lu iĕm chă pơma dơnuh hăm lu bơngai Kalđê dah lu sư truh tơ bơ̆n; gah lu iĕm gơh chă phĕ plei hơmu, plei đum bơyan phang păng plei ôliwơ, na hmĕt đak sư mong lăm ge, na oei bĕ lăm pơlei mă iĕm đei oei boih.”

Je 40:6

Na Jêrêmi sư năm oei hơdai Gêđalia, kon drŏ-nglo Ahikam, tơ pơlei Mispa, oei hơdai hăm lu kon pơlei mă đe oei lê̆ lăm teh đak noh.

Hơri Hiôk 4:8

Ơ ŭnh om inh, yak hơdai bĕ ba đơ̆ng char Liban. Yak bĕ ba. Weh đơ̆ng kơpal kông Amana. Đơ̆ng wĕch kông Sanir păng kông Hermôn, Đơ̆ng hơgơp trôm dăm-brang, đơ̆ng kông lu djrang oei.

Horiso 133:3

Kŭm thoi đak ngom tơ kông Hermôn. Ro jur tơ kông Siôn, Yua kơ tơ noh Kră Yang đei ăn boih tơdrong pŭn hiôk, Wă khan tơdrong arih ling-lang hlŏng hloi.

Horiso 89:12

Ih pơjing boih yă-nơ̆m păng gơal Kông Ta'bor păng Hermôn hơri chơt hiôk kơ anăn Ih.

I Pot 15:22

Đơ̆ng noh pơtao Asa pơkă kơ đĭ-đăng bơngai Juđa, ưh kơ lê̆ minh 'nu bơngai bu, lu sư pŭ iŏk lu tơmo păng lu 'long tơ̆r mă đêl Baasa yua pơm kơđông pơlei Rama; đơ̆ng noh pơtao Asa yua tơmam 'noh pơm pơlei Gêba lăm char Bênjamin, păng pơlei Mispa.

I Pot 9:20

Đĭ-đăng lu bơngai mă oei arih đơ̆ng lu bơngai Amôrit, bơngai Hêtit bơngai Phêrisit, bơngai Hêwit păng lu bơngai Jêbus, lu sư ưh kơ trŏ kơ bơngai Isơrael ôh.

II Sam 24:16

Linh jang 'lơ̆ng chro ti sư tơ gah pơlei Jêrusalem wă pơrăm lê̆ pơlei, mă-lei Kră Yang ưh pă wă pơmat lu sư dơ̆ng, na Sư khan kơ linh jang 'lơ̆ng mă oei pơrăm kon pơlei pơla: “Tôm boih! Dui ti ih brŏk bĕ!” Kơplah noh linh jang 'lơ̆ng Kră Yang oei 'bơ̆t dơnih pơjuă 'ba, Arauna, bơngai Jêbus.

I Sam 10:17

Samuel krao akŭm đĭ kon pơlei Isơrael năm tơ Kră Yang tơ Mispa,

Lu 21:8

Đơ̆ng noh lu sư khan? Lăm dôm lu bơngai Isơrael bơngai bu ưh kơ đei năm dơ̆ng 'bơ̆t anăp Kră Yang tơ Mispa? Đơ̆ng pơlei Jabes tơ Gileat ưh kơ đei bu năm akŭm hơdai lăm năr noh.

Lu 21:5

Na lu kon pơlei Isơrael khan: Lăm lu adrĕch bơngai Isơrael bu mă ưh kơ đei akŭm hơdai bơ̆n 'bơ̆t anăp Kră Yang tơ âu? Lu sư khan thoi noh yua kơ lu bơngai Isơrael đei pơkă pơkăm boih: Bơngai bu mă ưh kơ năm truh akŭm tơ Mispa 'bơ̆t anăp Kră Yang, bơngai 'noh đe gô pơlôch sư!

Lu 20:1

Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.

Lu 3:5

Thoi noh kon pơlei Isơrael oei hơdai hăm kon pơlei Kanaan, kon pơlei Hêtit, kon pơlei Amôrit, kon pơlei Phêrisit, kon pơlei Hêwit păng kon pơlei Jêbus,

Jôsuê 15:38

Đilin, Mispa, Jôkthêel,

Both 7:1

Layơ Kră Yang 'Bok Kei-Dei iĕm chông ba iĕm mơ̆t iŏk dêh mă Sư pơkă păng puh tơweh đĭ lu adrĕch đe 'bơ̆t anăp iĕm, noh lu kon pơlei Hêtit, kon pơlei Girgasit kon pơlei Amôrit, kon pơlei Kanaan, kon pơlei Pêrisit, kon pơlei Hêwit păng kon pơlei Jêbus, wă khan tơpơh adrĕch tih păng pran hloh kơ iĕm.

Both 4:48

Teh âu iŏk đơ̆ng pơlei Arôe jih thong đak Arnôn, truh tơ Kông Siriôn, wă khan kông Hermôn.

Jo 13:29

Kon pơlei Amalek oei tơ gah gơal, kon pơlei Hêtit, kon pơlei Jêbus păng kon pơlei Amôrit oei lăm tơring jê̆ kông, kon pơlei Kanaan oei cheng dơsĭ păng rok kiơ̆ đak Krong Jôrđăn.

Jôsuê 11:8

Kră Yang jao lu sư lăm tơpang ti bơngai Isơrael. Jôsuê păng đĭ-đăng lu linh blah drŭt lu sư truh tơ pơlei tih Siđôn, Mitrêphôt-Maim păng tơ pŭng-lŭng Mispa tơ gah hơlĕch, na pơlôch lu sư, ưh pă đei lê̆ bu oei arih.

Jôsuê 11:17

Đơ̆ng kông Halak lĕch tơklă pơlei Sêir truh tơ pơlei Baal Gat lăm pŭng-lŭng Liban, tơ jơ̆ng kông Hermôn sư rôp pơđĭ lu pơtao char noh păng pơlôch đĭ lu sư.

Jôsuê 13:5

Char Gêbilit păng đĭ char Liban tơ gah măt 'năr lĕch, đơ̆ng Baal Gat ala kơ jơ̆ng kông Hermôn, truh Hamat,

II Sam 24:7

Lu sư năm truh tơ pơlei Tirơ, minh pôm pơlei tih kơjăp, păng năm jơ̆p kơ pơlei bơngai Hêwit păng bơngai Kanaan. Tuch-luch, lu sư năm truh tơ pơlei Bêrsêba gah tơring teh glă gah gơal lăm dêh Juđa.

Jôsuê 3:10

Jôsuê khan dơ̆ng: Yua kơ đơ̆ng tơdrong âu, na lu iĕm gô băt Kră Yang 'Bok Kei-Dei arih ling-lang Sư oei hơdai hăm lu iĕm păng Sư gô puh tơweh lê̆ lu bơngai Kanaan, bơngai Hêtit, bơngai Hêwit, bơngai Phêrisit, bơngai Girgasit, bơngai Amôrit păng bơngai Jêbus.