Jop 9:6 - Sơ̆p Hlabơar Nơ̆r 'Bok Kei-Dei

⁶ Sư gơgŭ teh đơ̆ng hơnă sư, jrăng tơjră sư pơpơ̆ gĭl-gŭl;

Jop 9:6 Referans Kwoze

Hêbrơ 12:26

Kơplah Sư pơma kơ lu bơngai noh sơ̆, nơ̆r Sư pơma pơm kơ teh adrŏ. Ahrei Sư khan thoi âu dơ̆ng: “Pă minh 'măng Inh pơm, ưh pă pơm kơdrô̆ teh boih; Inh wă pơm pơđĭ plĕnh păng teh hloi.”

Hagai 2:6

Yua kơ Kră Yang Tih Hloh khan thoi âu: ‘Oei pơma minh wơ̆t, ưh pă đunh dơ̆ng, Inh gô pơm kơ plĕnh păng teh tơdrŏ; đak dơsĭ păng teh gô hrĕng kro.

Êsai 2:21

Sư gô mơ̆t ôn tơ lăm trôm tơmo păng hơgơp tơmo, wă kơ weh đơ̆ng anăp tơdrong hli krưp păng tơdrong mơsêh mơyang Kră Yang. Kơplah Sư iung pơm kơ teh tơdrŏ pơpơ̆.

Horiso 75:3

Mă khan teh păng kon pơlei oei kơpal teh pơpơ̆, Inh boih pơkơ̆ng jrăng sư kơjăp. Sêla

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Jop 26:11

Lu jrăng plĕnh tơdrŏ kyĭng kyơ̆ng, Hli tơrơ kơplah Kră Yang 'Bok Kei-Dei chrih.

Hagai 2:21

“Athei roi kơ Sôrôbabel, kuan pơgơ̆r Juđa, thoi âu: ‘Inh gô kơgŭ plĕnh păng teh.

Horiso 114:7

Ơ teh pơpơ̆ tơdrŏ bĕ, 'bơ̆t anăp Kră Yang. 'Bơ̆t anăp Kră Yang 'Bok Kei-Dei Jakôp.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Jôel 2:10

Teh đak tơdrŏ 'bơ̆t anăp lu sư, plĕnh kư̆m pơpơ̆, măt 'năr măt khei jing măng mu, lu sơnglŏng ưh pă pơchrang hơdah dơ̆ng.

Je 4:24

Inh lăng tơ lu kông; kông pơpơ̆ tơdrŏ ngăl, lu groi kư̆m tơdrŏ.

Êsai 24:1

'Nâu Kră Yang gô pơrăm teh, pơm kơ teh jing juơ rơhiăng, sư gô blơ̆ pơrăm lê̆ teh đak păng pơm kơ kon pơlei tơklah tơklang.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

Horiso 114:6

Ơ kông tih, yua kơ kiơ ih, mah pơplŏng thoi triu tơno? Ơ kông groi yua kơ kiơ ih mah pơplŏng thoi triu kon?