Jop 9:32 - Sơ̆p Hlabơar Nơ̆r 'Bok Kei-Dei

³² Tơpă, Sư ưh kơ trŏ kon bơngai thoi inh, Wă kơ inh gơh tơl Sư; Wă kơ nhi gơh năm hơdai tơ anih sek tơlang.

Jop 9:32 Referans Kwoze

Rom 9:20

Inh khan kơ iĕm tơpă, tơdrong noh tơdrong jang 'Bok Kei-Dei, bơ̆n ưh kơ gơh pơma tơwih kơ Sư ôh. Pơtih gia bơngai man gŏ ge, sư kư̆ kơ man gô mơ̆ng kơ sư wă. Lu gŏ ge mă sư man ưh kơ trŏ kơ pơma tơwih kơ sư khan: “Man kiơ kơ inh kơnê̆ thoi âu?”

Bôk Bơthô 6:10

Tơmam kiơ mă đei dang ei sư đĭ đei anăn boih. Bơ̆n kư̆m băt kơ kon bơngai gô thoi yơ; kon bơngai ưh kơ gơh pơjah plơ̆ hăm tơ'ngla mă pran kơtang hloh kơ bơ̆n.

Horiso 143:2

Apinh 'nĕ kơ sek tơlang kơ đĭch đam Ih; Yua kơ 'bơ̆t anăp Ih, ưh kơ đei bơngai bu arih tơpăt.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

I Yo 3:20

Phŏ jơhngơ̆m bơ̆n sơ'ngon hli kơ 'Bok Kei-Dei ưh kơ iŏk bơ̆n jing kon Sư. Mă-lei 'Bok Kei-Dei hơgei hloh kơ bơ̆n tơpă, Sư băt tôm tơdrong. Thoi noh Sư kư̆m băt kơ bơ̆n 'mêm kơ 'nhŏng oh bơ̆n mơ̆n, na Sư băt kơ lu bơ̆n jing kon Sư tơpă boih.

Je 49:19

'Nâu, thoi dăm-brang đơ̆ng bri brah Krong Jôrđăn năm mơ̆t lăm tơmăn 'nhĕt hơdrih 'lơ̆ng, Inh gô puh hloi lu bơngai Êđôm, Inh gô ăn yŏng pơgơ̆r sư kiơ̆ kơ Inh rơih iŏk, Bu thoi Inh? Bu pơ̆n athei Inh? Bơngai wei triu bu pơ̆n blah Inh?

Êsai 45:9

Răm-'băm dêh kơ lu bơngai pơjah pơjăng hăm Tơ'ngla pơjing sư! Minh pôm bô̆i hơdai hăm bô̆i nai 'bơ̆t teh! Teh lơ̆n hăm gơh pơma kơ bơngai man sư khan: Ih pơm kiơ noh? Dah mă tơmam pơma kơ bơngai pơm sư khan: Sư ưh kơ đei đon wă chĕp.

Jop 33:12

Inh tơl, ih pơma thoi noh glăi. Kră Yang 'Bok Kei-Dei tih hloh kơ kon bơngai.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.

Jop 9:3

Tơdah wă pơjah hăm Kră Yang 'Bok Kei-Dei, Sư jet rơbâu nơ̆r ưh kơ đei bu gơh tơl minh nơ̆r,

Jop 9:14

Thoi noh liơ inh gơh tơl nơ̆r Sư? Inh wă gơh rơih nơ̆r ayơ tơl Sư?

Jop 9:31

Ih kư̆m oei tơhuŏng inh lăm sơlŭng. Dĭng mah ao inh lăng inh 'mê̆ krưp.

Jop 9:19

Dah pơlong lăng jơhngơ̆m pran, jei Sư! Tơdah gơnang tơdrong trŏ lăp, bu pơ̆n kêng sư?

Jop 33:7

Apinh ih 'nĕ kơ hli kơ kiơ kiơ. Inh ưh kơ đei pơma kơtĭt trăp tơ ih.