Jop 9:12 - Sơ̆p Hlabơar Nơ̆r 'Bok Kei-Dei

¹² Tơdah Sư tơgar pleh đơ̆ng bu, bu pơ̆n khă Sư? Bu pơ̆n khan kơ Sư, “Ih pơm kiơ thoi noh?”

Jop 9:12 Referans Kwoze

Êsai 45:9

Răm-'băm dêh kơ lu bơngai pơjah pơjăng hăm Tơ'ngla pơjing sư! Minh pôm bô̆i hơdai hăm bô̆i nai 'bơ̆t teh! Teh lơ̆n hăm gơh pơma kơ bơngai man sư khan: Ih pơm kiơ noh? Dah mă tơmam pơma kơ bơngai pơm sư khan: Sư ưh kơ đei đon wă chĕp.

Jop 11:10

Tơdah Sư năm brih, rôp ih pơm bơnă, păng sek tơlang, lei bu gơh găn khă Sư?

Jop 23:13

Mă-lei Kră Yang ưh kơ đei tơplih ôh. Bơngai bu pơ̆n tơplih Sư? Tơdrong kiơ Sư wă, Sư pơm hloi.

Rom 11:34

Tơdrong noh kư̆m thoi đe chih lăm hla bơar 'Bok Kei-Dei thoi âu: “Bơ̆n kon bơngai ưh kơ băt ôh tơdrong 'Bok Kei-Dei tơchĕng thoi yơ, păng ưh kơ đei bu bơtho Sư tăm.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Mathiơ 20:15

Tơdrong noh inh hơlăng kơ sư đĕch, ih 'nĕ pă 'nhĕng.’ ”

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Je 18:6

Ơ adrĕch bơngai Isơrael, Inh hăm lu iĕm, Inh hăm gơh pơm thoi thơ̆ man gŏ teh noh dah ưh? Ơ adrĕch bơngai Isơrael, teh lơ̆n lăm ti bơngai man thoi yơ, na lu iĕm lăm tơpang ti Inh kư̆m thoi noh.

Jop 33:13

Liơ ih pơjah pơjăng hăm Sư? Chrih kơ Sư khan ưh kơ tơl nơ̆r ih.

Êphêsô 1:11

'Bok Kei-Dei pơm tôm tơdrong kiơ̆ thoi Sư đêl pơkă lê̆ boih, na tơdrong Sư ăn Yêsu lôch tang bơ̆n, hăm rơih iŏk wă kơ bơ̆n jing kon Sư, noh Sư pơkă lê̆ đơ̆ng blŭng-a sơ̆ boih.

Mathiơ 11:26

Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

Jop 10:7

Mă khan Ih băt kơ inh ưh kơ yoch ră, ưh kơ đei bu gơh dŏng pơklaih inh đơ̆ng ti Ih.

Bôk Bơthô 8:4

Mă loi, nơ̆r pơtao pơma đei tơdrong gơh kĕ; hăm đei bu pơ̆n pơma plơ̆ kơ sư khan: Ih pơm kiơ?

Êsai 43:13

Tơpă, adrol kơ đơ̆ng đei khei năr sơ̆, Inh bơih Kră Yang 'Bok Kei-Dei, ưh kơ đei bu gơh iŏk tơgar đơ̆ng ti Inh. Mưh Inh pơm, ưh kơ đei bu gơh pơgăn Inh.

II Sam 16:10

Pơtao tơl khan: “Ơ lu kon drŏ-nglo Sêruia, tơdrong inh 'bơm kiơ kơ lu iĕm? Lê̆ Simêi hiap, tơdah noh đơ̆ng Kră Yang athei hiap inh, na bu pơ̆n jet sư: ‘Yua kơ kiơ ih pơm thoi noh?’ ”

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Da 4:32

Đe gô tơweh lê̆ ih đơ̆ng kon bơngai, ih gô oei hơdai lu sem brem; kư̆m sa 'nhĕt thoi rơmo, dĭng truh tơpơh sơnăm, dĭng mă ih 'blŏk băt thoi âu: Kră Yang 'Bok Kei-Dei Tih hloh pơgơ̆r teh đak kon bơngai păng Sư wă ăn kơ bu mơ̆ng kơ Sư wă.