Jop 8:9 - Sơ̆p Hlabơar Nơ̆r 'Bok Kei-Dei

⁹ Yua kơ lu bơ̆n bơngai nge 'nao brei tam băt tơdrong kiơ. Păng chăl arih bơ̆n kơpal teh hloh hlôi kuăng thoi yơ̆p.

Jop 8:9 Referans Kwoze

I Ho 29:15

Yua kơ 'bơ̆t anăp Ih lu nhôn păng lu yă 'bok nhôn jơ̆ bơngai tơmoi, chăl arih lu nhôn tơ kơpal teh nhen thoi ngôi ưh kơ đei anih wă hơmĕng.

Horiso 144:4

Kon bơngai thoi hơyuh dui jơhngơ̆m. Chăl kon bơngai thoi yơ̆p đông.

Jop 14:2

Chăl arih kon bơngai thoi pơkao, pơgê tơlang kơsơ̆ jô kro, Sư hloh hlôi thoi ngôi, ưh kơ dơ̆ng.

Horiso 102:11

Khei năr inh oei arih nhen thoi yơ̆p wă kơsơ̆ măng. Inh jô kro thoi 'nhĕt,

Jop 7:6

“Chăl arih inh năm kuăng thoi kơtuăl brai đe wai, inh lôch tôch hiong ưh kơ đei hơmĕng kiơ.

Bl 47:9

Jakôp tơl thoi âu: Lăm lu sơnăm inh arih oei tơ to tơ âu đei đĭ-đăng minh-hrĕng pêng-jĭt sơnăm, lăng lăm sơnăm inh oei arih kơđeh tơpă păng pơmat-tat, ưh kơ đei hơtŏ dang 'bok 'bă inh arih mă năm tơ jơ̆p-jang.

Horiso 90:4

Yua kơ minh-rơbâu sơnăm 'bơ̆t anăp Ih, thoi minh năr brei mă hloh boih, thoi minh măng kral.

Horiso 39:5

To, Ih pơm ăn kơ jơ 'năr inh kơjung lăp tŏ pah đĕch, Păng tơdrong arih thoi hoh-hoy đĕch 'bơ̆t anăp Ih. Sĭt tơpă, rim bơngai mă khan oei kơjăp, Kŭm lăp thoi dui jơhngơ̆m. Sêla

II Ho 10:6

Pơtao Rêhôbôam khan pơđâu hăm lu kră bơngai mă juăt kơ jang hăm 'bă sư Sôlômôn kơplah oei arih: “Lu iĕm tơchĕng inh athei pơma păng drơ̆ng lu kon pơlei âu thoi yơ?”

Jop 8:10

Mă-lei lu 'bok kră sơ̆ lu sư gô bơtho tơ'bôh kơ ih, mơ̆ng bĕ dôm tơdrong kiơ đêl lu sư băt hlôh,

Jop 32:7

Inh tơchĕng khan: ‘Lu 'lŏ kăl kơ pơma, Lu bơngai kră gô bơtho tơdrong gơh hơgei.’

Jop 14:1

Kon bơngai đơ̆ng bơngai drŏ-kăn rơneh, arih 'nao tŏ sĕt năr đĕch ră, mă-lei 'bĕnh kơ tơdrong pơmat-tat.

Horiso 82:5

Lu sư ưh kơ băt kiơ, kư̆m ưh kơ hlôh kiơ; Lu sư oei yak tơ âu tơ to lăm măng mu; Jơ̆p anih kơpal teh pă đei tơdrong tơpăt boih.

Horiso 102:12

Mă-lei ơ Kră Yang! Ih oei pơm pơtao ling-lang. 'Blŏk kơ anăn Ih đĭ jơhnơr.