Jop 7:9 - Sơ̆p Hlabơar Nơ̆r 'Bok Kei-Dei

⁹ Thoi hơmơ̆l păr đông hiong đĭ. Thoi noh mơ̆n kon bơngai jur năm tơ pơlei lôch ưh pă gơh brŏk dơ̆ng.

Jop 7:9 Referans Kwoze

II Sam 14:14

Đĭ-đăng lu bơ̆n bu bu kư̆m lôch, thoi tuh đak tơ teh, ưh kơ gơh chup iŏk dơ̆ng. Mă-lei Kră Yang 'Bok Kei-Dei ưh kơ đei iŏk lê̆ tơdrong arih bơngai mă hơmet wă ăn bơngai đơ̆ng jăk wih brŏk.

Horiso 39:13

Ơ Kră Yang! Apinh Ih mơnat kơ inh. Wă kơ inh đei jơhngơ̆m dơ̆ng, Adrol kơ inh wă năm păng ưh pă đei dơ̆ng.”

Jop 30:15

Lu tơdrong hli krưp năm pơm kơ inh, Đe tơhiong lê̆ tơdrong ư-ang đe pơyom kơ inh tơthu pơđông lê̆ tơ ataih. Tơdrong hiôk hơđơ̆ng inh păr đông thoi hơmơ̆l.

Jop 16:22

Oei pă tŏ sĕt sơnăm đĕch bơih inh lôch, na inh gô năm mă ưh pă đei wih dơ̆ng.

Jop 10:21

Adrol kơ inh năm ưh pă đei brŏk dơ̆ng, năm tơ anih măng mu găm, măng klăm hơ'bơ̆l.

II Sam 12:23

Mă-lei dang ei sư lôch boih, inh wă ơ̆t kơ sŏng sa pơm kiơ dơ̆ng? Inh hăm gơh pơm kơ sư wơ̆t tơ âu dơ̆ng? Inh gô năm tơ sư, mă-lei sư ưh pă gơh wơ̆t wih tơ inh dơ̆ng.”

Êsai 38:11

Inh khan: “Inh gô ưh pă 'bôh bơih Kră Yang, Kră Yang mă oei tơ teh lu bơngai arih, inh ưh pă 'bôh bơih kon bơngai oei arih dah oei hơdai hăm kon bơngai lăm teh đak âu.

Jop 37:11

Kră Yang mong đak lăm hơmơ̆l hơ'bơ̆l. Bơyar bơlang hơmơ̆l hăm kơmlat.

Jop 11:8

Tơdrong hơgei Kră Yang kơjung hloh kơ plĕnh Na ih gơh pơm kiơ? Tơdrong hơgei Sư jrŭ hloh kơ pơlei lôch, na liơ ih kĕ băt?

Jop 3:13

Dah inh lôch dang ei inh 'bĭch hiôk bơih, inh tep păng pơdơh hiôk.

Jop 17:13

Dah inh chang gô arih lôch pơm hnam, Dah inh hơmet anih inh tep lăm măng mu;

Jop 17:16

Tơdrong chang hơmĕng hăm kiơ̆ inh.a Lu nhôn gô pơdơh hiôk lăm 'mui teh ưh?

Êsai 26:14

Lu sư lôch bơih ưh kơ gơh iung arih dơ̆ng, đĭ jing atâu bơih ưh kơ gơh iung dơ̆ng. Tơpă Ih phak păng pơlôch lu sư boih. Tơdrong đe 'blŏk hơdơ̆r kơ lu sư ih kư̆m sŭt lê̆ đĭ.