Jop 6:24 - Sơ̆p Hlabơar Nơ̆r 'Bok Kei-Dei

²⁴ “Apinh iĕm bơtho tơ'bôh kơ inh, na inh ngăn hreh; Apinh tơ'bôh tơbăt kơ inh pơm glăi 'bơ̆t yơ.

Jop 6:24 Referans Kwoze

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

Tơdrông Pơđơk 9:9

Bơtho pơhrăm bĕ bơngai gơh hơgei, na sư gô gơh hơgei hloh. Pơhrăm bơngai tơpăt, na sư rai tơpăt hloh. Bơtho bơngai tơpăt, na sư gô rai thim hơgei.

Jop 10:2

Inh khan kơ Kră Yang 'Bok Kei-Dei, 'nĕ pă jô̆ inh bơngai yoch; Ăn kơ inh băt Ih jô̆ inh đei yoch kiơ.

Horiso 32:8

Inh gô bơtho tơ'bôh kơ lu iĕm trong lu iĕm athei năm kiơ̆. Măt Inh gô wei-lăng păng na bơtho tơ'bôh kơ lu iĕm.e

Horiso 19:12

Bu băt kơdih đei yoch glăi? Apinh Kră Yang mơnat tơdrong yoch mă inh ưh kơ băt.

Jop 34:32

Tơdrong kiơ inh ưh kơ 'bôh, apinh Kră Yang bơtho tơ'bôh ăn kơ inh; Tơdah inh đei pơm kơnê̆, inh gô ưh pă pơm dơ̆ng?”

Jop 33:1

“Ơ Jop, apinh ih mơ̆ng bĕ nơ̆r inh pơma. Pơgling đon mơ̆ng bĕ dôm nơ̆r inh pơma.

Jop 5:27

“Dôm tơdrong noh lu nhôn lăng sĭt trŏ tơpă boih. Mơ̆ng bĕ inh, na ih gô băt tơdrong noh.”

Tơdrông Pơđơk 25:12

Bơngai hơgei chrih kơ đon bơngai oei mơ̆ng. Thoi gŏp maih, tơmam đe pơguăng păng maih ling.

Jop 32:11

Inh răp gô mơ̆ng dôm nơ̆r iĕm pơma, Pơgling đon mơ̆ng dôm nơ̆r lu iĕm tơ'bôh tơdrong gơh hơgei, Kơplah iĕm chă nơ̆r ayơ wă tơl.

Ya 1:19

Ơ lu 'nhŏng oh mă inh 'mêm kơeng, bơ̆n băt kơ thoi noh boih, na đĭ-đăng kơ bơ̆n athei adrin mơ̆ng tơdrong đe bơtho, mơ̆ng mă tơpă, 'nĕ hăt kơ pơma hil kơ đe bơtho.

Jop 6:23

Apinh pơklaih inh đơ̆ng ti lu bơngai ayăt bĕ! Dah khan, huai iŏk inh bĕ đơ̆ng ti lu bơngai pơjuă pơđep inh!”

Jop 6:25

Nơ̆r chrih trŏ,c pơm jĭ jơhngơ̆m tơpă! Mă-lei lu iĕm wă chrih kơ inh tơdrong kiơ?

Jop 13:23

Inh đei pơm yoch kơnê̆ dôm yơ bơih? Apinh Ih tơbăt ăn kơ inh pơm glăi pơm yoch noh.