Jop 5:18 - Sơ̆p Hlabơar Nơ̆r 'Bok Kei-Dei

¹⁸ Sư teh rơka, mă-lei Sư gô pơ̆n ming hơmet, Sư teh jĭ, mă-lei Sư gô pơklaih.

Jop 5:18 Referans Kwoze

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

Êsai 30:26

Măt khei gô hơdah rang nhen hơdah măt 'năr păng tơdrong hơdah măt 'năr gô hơdah hloh tơpơh wơ̆t, thoi tơdrong hơdah kơ tơpơh năr, lăm năr Kră Yang ming rơka jĭ kon pơlei Sư păng ming hơmet pơklaih đêl rơka Sư teh.

Horiso 147:3

Ming pơklaih lu bơngai đei jĭ jơhngơ̆m. Păng pơ̆n rơka lu sư.

I Sam 2:6

Kră Yang ăn lôch păng ăn arih; Sư tơhuŏng bơngai lăm pơlei bơngai lôch păng gô tơiung hơtŏk arih dơ̆ng.

Lêwi 14:48

Mă-lei đơ̆ng rŏng kơ hnam mă đei man bah ming tơdah 'bok soi wơ̆t lăng, ưh pă đei 'bôh tơdrong jĭ phơ̆k sa lanh lăm hnam, 'bok soi gô khan hnam noh rơgoh, yua kơ tơdrong jĭ phơ̆k klaih bơih.

Êsai 19:22

Kră Yang gô teh bơtho dêh char Êyiptơ đơ̆ng noh hơmet pơklaih lu sư dơ̆ng, lu sư gô wih tơ Kră Yang, Kră Yang gô mơ̆ng nơ̆r lu sư krao khan păng ming pơklaih ăn.

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.