Jop 5:17 - Sơ̆p Hlabơar Nơ̆r 'Bok Kei-Dei

¹⁷ “'Nâu, pŭn dêh kơ bơngai mă Kră Yang 'Bok Kei-Dei teh bơtho, thoi noh 'nĕ kơ lăng hơi, kơ Kră Yang Tih Hloh teh bơtho.

Jop 5:17 Referans Kwoze

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Horiso 94:12

Ơ Kră Yang, pŭn dêh kơ bơngai bu mă Ih đei bơtho pơhrăm, Păng bơtho ăn khôi juăt Ih kơ sư.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

Je 31:18

Inh kơtơ̆ng boih bơngai Êphraim nhơ̆m hmoi: ‘Ih phak bơtho inh boih, thoi đe pơjuăt kon rơmo mă tam biơh tah 'long ăt, inh pŭ iŏk boih. Apinh Ih iŏk inh brŏk bĕ, na inh gơh brŏk đei hiôk-hian, yua kơ Ih boih Kră Yang 'Bok Kei-Dei inh,

Jop 8:5

Gah ih, tơdah ih chă Kră Yang 'Bok Kei-Dei, păng krao apinh Kră Yang Tih Hloh.

Jop 11:13

Na, dah ih hơmet jơhngơ̆m chă Kră Yang. Păng yơ̆r ti ih gah Sư;

Jop 15:11

Tơdrong Kră Yang 'Bok Kei-Dei pơlung ih, Nơ̆r Sư pơma bơtho rơngơp hiôk ih mơ̆ng tam mă tôm hă?

Jop 36:15

Mă-lei Kră Yang 'Bok Kei-Dei yua tơdrong pơmat-tat na dŏng pơklaih bơngai đei pơmat-tat. Pơih đon lu sư lăm tơdrong gleh truh.

Jop 36:16

Kră Yang 'Bok Kei-Dei dui ih lĕch đơ̆ng anih pơmat-tat. Năm tơ anih rơhơi, jơhngơ̆m ưh pă đei hrăt-hrot. Gơ'bang ih 'bĕnh kơ tơmam sa 'băt nham.

Both 8:5

Iĕm athei băt kơdih, Kră Yang 'Bok Kei-Dei iĕm, teh bơtho kư̆m thoi 'Bă teh bơtho kon drŏ-nglo sư kơdih.

Horiso 118:18

Kră Yang phak bơtho inh dêh tơpă. Mă-lei huay ăn kơ inh truh kơ lôch.